Testamint
Li testamint, c' est on papîscrît la k' ene djin (li testamintî) dene a ses zwers çou k' il a come béns, tot respectant les lwès do payis. Come di djusse, les eritîs n' åront ces béns la k' après l' moirt do testamintî.
Li testamint si pout fé divant on notåre, ou esse wårdé pa ene djin ki li fjheu d' testamint a fiyate a leye.
On testamint doet esse sicrît al mwin, do testamintî, dins tolminme ké lingaedje. I doet esse daté.
Testamints e walon
[candjî | candjî l’ côde wiki]Si l' testamint est rmetou å notåre dins on lingaedje nén foirt sipårdou, po rastrinde des margayes so les mots, li notåre pout evoyî å fjheu d' testamint ene copeye ratournêye e-n on "grand lingaedje", minme tapêye al machine. Tot scrijhant des coridjaedjes al mwin, li fjheu d' testamint aveurit li tecse do ratournaedje.
Ça fwait k' on testamint pout esse sicrît al mwin e walon. C' est Lucyin Somme, k' esteut cler di notåre, k' a scrît l' prumî sfwait.
Voci ene piceure di scrijhaedje testamintrece po on waloneu.
- Çou-cial, c' est m' testamint ki dji scrî, come di djusse, e rfondou walon. S' i gn a des målåjheys mots ciddé après, vos ploz aler vey sol Wiccionaire po lzès comprinde d' adrame.
- Bondjoû et diewåde a mes eritîs et eritresses.
- Po cmincî, dji lome Tibî Meyî, li pårtixheu di tos mes béns.
- Divant d' fé les pårts, i m' fårè payî ene tombe (nén trop tchire, gn a pont d' avance) sol cimintire di Ban-e-Sårt. Li scrijhaedje doet esse pår e walon.
- Metans: C' est ciddé k' est eteré (mi, dit-st i l' fô) (19xx-20xx). Li Bon Diu si åme.
- Totes mes usteyes vont a m' pitit-fi d' Molénsårt Tintin.
- Mes lives e walon vont a l' S.N.R. « Les waloneus del Walonreye », såf les sacwants ki mes efants u mes ôtes eritîs rivôrént voltî.
- Les cwårs ki dj' a co åzès bankes (s' il è dmeure) et mes ôtes béns-fonds seront pårtis shuvant li lwè k' i serè d' uzance el Walonreye a ç' moumint la, del manire ki shût :
- Cwand on-z årè rsaetchî les oumires divous a m' feme e plin mariaedje, sorlon les barinmes d' uzaedje, on frè 4 pårts, 3 po mes efants, et ene foû-pårt. Li foû-pårt irè :
- * po troes åcint u 250 € (deus cint céncwante uros), li pus advintaedjeus por zels, po tchaeke di mes neveus et neveuses, di tos les costés, dj' ô bén, Mareye, Batisse, Zabele et Carlosse.
- * 10 % pol S.N.R. « Les waloneus d' avår ci ».
- * 10 % a l' soce di tcharité "Pitieusté walone".
- * 5 åcint u 250 € li pus advintaedjeus por lu a Tibî Meyî k' årè yeu l' sogne di pårti les béns.
- * Li restant irè a Yolande di Foufgneye, k' a bén prins sogne di mi dins mes vîs djoûs.
- Ki ça vos våye bén a tertos et a tertotes. Dji n' sai nén si on s' rivoerè la-hôt, mins kécfeye bén. Dabôrd : djusca !
- Xhoutsiplou li 30 d' octôbe, l' an deus meye toubak.