Son DJ

Li son dj, c' est ene cossoune froyrece foirt corante e walon.

C' est l' vuzlêye cogne do son TCH.

Ele respond sovint å son francès j.

Sicrijhaedje AFE : ʤ ou pus modienmint, d͡ʒ.

Sicrijhaedje e walon

divant l' sistinme Feller

Elle esteut scrîte avou "g" ou "j", sorlon l' ortografeye des sfwaits mots e francès.

Gn a yeu adon li scrijha «dg» po les mots avou "g" e francès.

e sistinme Feller

Li son est todi scrît «dj».

Portant, sacwants motîs do 20inme sieke (come E165), ou des waibes k' i gn a (https://walon.1fr1.net/ on «forum pou lès dgins qui vwèyenu voltî leu lin.we») ont co siervou li scrijha «dg».

e rfondou walon

Li son est todi scrît «dj». Les calcaedjes do francès avou l' son j sont voltî rwalnijhîs avou "dj".

jandârme => djindåre (vî rwalnijhaedje)

jate => djate (rwalnijhaedje 21inme sieke)

Dins des ôtes lingaedjes

gåmès

Elle egzistêye e gåmès come e walon.

les dgens (les djans)

francès

Ele n' egzistêye nén e francès, dins les mots do payis. On l' ritrouve dins des calcaedjes di l' arabe aldjeryin :

djebel

inglès

E l' inglès, c' est l' prononçaedje corant del lete J et del lete G divant E et I

journey, jail, joke

genuine

arabe

E l' arabe, c' est l' prononçaedje di sacwants payis (Aldjereye…) del lete ج (jim) ki s' prononce j e l' arabe classike ey e l' arabe marokin.