Clouctea

Clouctea

Alytes obstetricans - Clouctea

Ringne:	Animalia (biesses)
Ecoxhmint:	Chordata (biesses al schene)
Classe:	Amphibia (glumantès biesses)
Ôre:	Anura
Sor-ôre:	Archaeobatrachia
Famile:	Discoglossidae
Djinre:	Alytes
Indje:	obstetricans

No e sincieus latén

Alytes obstetricans LAURENTI

Po des linwincieusès racsegnes sol mot "clouctea", alez s' vey sol Wiccionaire

On clouctea (on dit eto clouctrê, clouk, cwåkea, cloukete, clotchteu^[1], lurtea u houlpea^[2], c' est ene sôre di ptit crapåd, ki fwait des "clouk, clouk", al nute, a l' esté, et ki dmeure dins les vîs meurs.

Sincieus no d' l' indje : Alytes obstetricans

Les djins d' Måjhret sont spotés "les Cloucteas" (la-minme : "Cloupias").

Discrijhaedje

C' est des ptitès glumiantès biesses, ki n' sont nén pus k' 5 cintimetes longues. Li dzeu do coir est grijhåsse, avou tos ptits nocrês. Li dzo est brun schite.

Mopliyaedje

Après l' adjermelaedje, li måye wåde les oûs sor lu. End a 70 a 80. Il î dmorront disk' å discloyaedje, la k' il irè mete les maclotes e l' aiwe.

Dispårdaedje

Li clouctea, c' est ene biesse k' on n' trouve k' e sacwantès coines di l' Urope. Foû del Walonreye, on l' rescontere el France, el Swisse, e l' Espagne ey å Portugal, al Bijhe, et tot do long del Mîtrinne Mer (mins nén disk' å Stroet d' Djibraltar). E l' Almagne, end a sol hintche erive do Rin, et disk' ås tienes del Basse-Sake.

No dins des ôtes lingaedjes

e l' almand corant : Glockenfrosch (rinne ås "gloks").

Sourdants

↑ Po saveur tos les lomaedjes do clouctea e walon, e 20inme sieke, alez s' vey a l' ALW 8.
↑ E200

[1] Po saveur tos les lomaedjes do clouctea e walon, e 20inme sieke, alez s' vey a l' ALW 8.

[2] E200

[1]

[2]