Gouwe

Gouwe (Duuts: Gau) is de Germoansche benoamienge van 't Latyns woord pagus (mv. pagi).

In 't Gallo-Romeins Ryk, achter de reorganisoasje van Diocletianus, was e pagus (vgl. pays in 't Frans) e klêen politiek-geogroafisch district van e Romeinsche provinsje.

In de vierde êeuwe vestigdn Salische Frankn under in de streke die Toxandria genoemd wierd. Ounder de Merovienger Clovis I wierdn verschillige Frankische stammen verênigd. In 486 versloegt ie Syagrius, de latste Romeinsche gouverneur in 't nôordn van Gallië.

't Oud Vloandern vormde de civitas Menapiorum. In 't westn en 't nôordn lagt de Pagus Isseretius (Yzergouwe), de Pagus Flandrensis (Vloanderngouwe round Brugge), de Pagus Rodanensis (Rodenburg- of Eirdenburggouwe) en de Pagus Wasia (Woasgouwe). In 't ôosten lagt de Pagus Tornacensis (Doornikgouwe, an de lienkerkant van de Schelde), de Pagus Curtrecinsis (Kortrykgouwe, tusschn Schelde en Leie) en de Pagus Gandensis (Gentgouwe). Tusschn ol die gouwn lagt de Pagus Mempiscus (Mempiscusgouwe, ten westn van de Leie).

In de 9ste êeuwe begostn de Karoliengers overol gouwegroavn an te stelln, surtout vo de verdedigienge teegn de Vikings. Boudewyn met den Yzern Oarm krêegt de Vloanderngouwe. Je trouwde in 862 mè Judith van West-Francië, de dochter van Karel de Kletsn, die hem de gouwe gaf.

Vele gouwn evolueerdn loater no groafschappn en Boudewyn kwamt den êeste groaf van 't groafschap Vloandern.

Gebruuk van 't wôord gouwe 'n dag va vadoage

't Land woarin dan de hobbits uut The Lord of the Rings leevn, noemt de Gouwe (Iengels: the Shire).
E provinsje byn de KSA noemt e gouwe, West-Vloandern noemt bevôorbeeld Noordzeegouw.