Blommebêestn

Blommebeist'n

Koroalrif

Ryk:	Animalia (Beist'n)
Stamme:	Cnidaria (Netelbeist'n)

Klasse

Anthozoa
Ehrenberg, 1834

Blommebeist'n (Anthozoa) zyn e klasse van netelbeist'n die zeianemoonn en koroaln bevat'n. Hunder noame komt van 't oudgrieks άνθος (ánthos; "blomme") en ζώα (zóa; "beist'n").

't Zyn simpel gebouwde, primitieve zeibeist'n die hunder vastezet'n ip de zeibodem en eet'n vangn met hunder tentoakels. Blommebeist'n kunn growte, kleurryke kolonies vormn die doen peizn an plantoardig leevn.

In teegnstellynge toet andere netelbeist'n hèn blommebeist'n gèen medusa-stadium in hunder oentwikkelynge, lyk by kwaln. In de plekke geevn ze sperma en eiceln of in 't woater. Achter de bevruchtynge moak'n de vryzwemnde planula-larvn deil uyt van 't planktong. On ze heilegans oentwikkeld zyn, nesteln de larvn hunder ip de zeibodem en hecht'n hunder vaste an 't substroat, woarby dan ze verandern in poliep'n. Sommigte blommebeist'n kunn hunder ook oengeslachtelyk vowrtplant'n deur knopvormynge of fragmentoasje, woardeure dat e fragment ofsplitst en oentwikkelt toet e nieuw individu.

Taxonomie

De blommebeist'n word'n oenderverdeild in drie subklasn:

Hexacorallia
- Actiniaria (Zeianemoonn)
- Antipatharia (Zwarte koroaln)
- Corallimorpharia (Schyve-anemoonn)
- Scleractinia (Steinkoroaln)
- Zoantharia (Karste-anemoonn)
Octocorallia
- Alcyonacea (Zochte koroaln)
- Helioporacea (Blauwe koroaln)
- Pennatulacea (Zeipluymn)
Ceriantharia
- Penicillaria
- Spirularia