Uneč
Lidnanznam![]() | |
Valdkund | Venäma |
Eläjiden lugu (2021) | 24,274 ristitud |
Pind | 15 km² |
Pämez' | Oksana Drozdova (reduku 2019—) |
Telefonkod | 7−48 351-xx-xxx |
Avtokod | 32 |
Aigvö | UTC 3 (MSK 0) |
Uneč (ven.: Уне́ча) om Venäman lidn da lidnankund Bränskan agjan päivlaskmas. Se om Unečan rajonan administrativine keskuz, mülüb rajonha.
Istorii
[vajehta | vajehtada lähtetekst]Eländpunktan aluz om pandud vl 1887 kuti Uneč-raudtestancii «Bränsk — Gomel'»-jonol. Vl 1929 «Har'kov — Orš»-raudtejono läbiti stancijad, i Uneč kändihe järedaks raudtesol'meks. Se sai lidnan statusad vl 1940.
Radiotegim (elektroladimed i komponentad — rezistorad), vedimdepo i vagondepo ratas Unečas, sömtegimišton edheotandad oma saudud, jügedsuladajiden metalloiden tegim[1] (terased, instrument i katalizatorad vol'framanke da molibdenanke) i mehanine tegim (torvveimiden metalližed alused) oma olmas.
Geografijan andmused
[vajehta | vajehtada lähtetekst]Lidn sijadase ühtennimižen jogen hural randal tobjimalaz (ven.: Унеча 92 km pitte, Iputin hura ližajogi, Dnepran bassein), 180 m ü.m.t. keskmäižel korktusel. Matkad Bränskhasai om 140 km pohjoižpäivnouzmha «Bränsk — Gomel'»-trassadme (A-240) vai raudtedme. Lähembaižed lidnad oma Klincad 35 km päivlaskmha raudtedme, Suraž 30 km lodeheze avtotedme i Mglin 30 km pohjoižpäivnouzmha avtol.
Kaik kaks' žilod da nell' küläd mülüdas lidnankundha Unečan ližaks 118,8 km² pindal.
Eläjad
[vajehta | vajehtada lähtetekst]Vn 2010 Venäman rahvahanlugemižen mödhe lidnan eläjiden lugu oli 26 197 ristitud, rajonan koume nelländest. Kaikiš suremb lidnan ristitišt oli 31 tuhad eläjid vll 1996−1998. Vl 2017 kaik 23 971 ristitud elihe lidnas i 24 524 ristitud kaikes lidnankundas.
Ortodoksižen hristanuskondan koume pühäpertid[2] oma saudud i avaitud lidnas: Pühän Jumalanmaman Blagoveššenjan jumalanpert' (1991−1998), Mikulai-čudonsädajan jumalanpert' (2003−2014), vn 1998 časoun'.
Unečan saraktehnologijoiden da transportan tehnikum[3] om lidnan professionaližen opendusen aluzkundaks.
Lidnankundan pämez' om Rahvahandeputatoiden nevondkundan ezimez'. Edeližed lidnan pämehed oma Aleksandr Zaicev (edel vn 2019 redukud) i Andrei Golovinskii (vspäi 2010).
Homaičendad
[vajehta | vajehtada lähtetekst]- ↑ Unečan jügedsuladajiden metalloiden tegimen sait (uztm.org). (ven.)
- ↑ Unečan pühäpertid sobory.ru-saital. (ven.)
- ↑ Unečan saraktehnologijoiden da transportan tehnikuman sait (unecha-pu6.narod.ru). (ven.)
Irdkosketused
[vajehta | vajehtada lähtetekst]- Unečan lidnankund rajonan tobmuden aluzkundoiden oficialižel unradm.ru-saital. (ven.)
- Lidnan enciklopedijan sait (unecha.net). (ven.)
![]() |
Uneč Vikiaitas |
Bränskan agjan lidnad | ||
Bränsk | Dät'kovo | Fokino | Karačev | Klincad | Mglin | Novozibkov | Počep | Sel'co | Sevsk | Starodub | Suraž | Zlink | Žukovk | Trubčevsk | Uneč | ||