Taldom
Lidnanznam![]() |
Flag![]() |
Valdkund | Venäma |
Eläjiden lugu (2023) | 17,099 ristitud |
Pind | 46,17 km² |
![]() | |
Telefonkod | 7−49 620-x-xx-xx |
Avtokod | 50, 90, 150, 190, 750 |
Aigvö | UTC 3 (MSK 0) |
Taldom (ven.: Та́лдом) om Venäman lidn Moskvan agjan pohjoižes. Se om Taldoman lidnümbrikon administrativine keskuz (edel vn 2018 heinkud — rajonan).
Istorii
[vajehta | vajehtada lähtetekst]Eländpunkt mainitase ezmäižen kerdan kirjutadud purtkiš vl 1677 kuti Taldom-külä, möhemba žilo. Šingotihe ümbrištonke erazvuiččiden kengiden tehmižel da niiden jarmankoil, sen jäl'ghe joganedal'žel kengiden torgusel. Om kaičenus äi torgovanoiden pertid.
Žilo sai lidnan statusad vn 1918 3. päiväl tal'vkud, udesnimitihe Leninsk:aks. Kätihe Leninskad makundan keskuseks vn 1921 elokus. Lidn nimitase eziauguižikš vn 1931 keväz'kuspäi erištamha rajonad Moskvan agjan toižes rajonaspäi Leninan oiktastuseks. Kengiden pramozl tuli lophu 1930-nzil vozil.
Taldom šingotase sauvondmaterialiden pästandal (katused i sendvičpanelid), toižed tegimed sijadasoiš lähiženno Severnii-žilonno nelläs kilometras päivnouzmha: kengiden fabrik, radiooigendai keskuz, tehnologižen mašiništon tegim.
Geografijan andmused
[vajehta | vajehtada lähtetekst]Lidn sijadase lidnümbrikon keskuzpalas, 140 m ü.m.t. keskmäižel korktusel. Matkad Tverin agjhasai om kahesa kilometrad lodeheze orhal. Matkad Moskvan röunhasai (Moskvan rengazavtotehesai) om 90 km suvhe orhal, avtotel vai raudtel. Lähembaižed lidnad oma Dubn 21 km päivlaskmha orhal, 36 km avtotedme vai 50 km raudtedme, i Kimri (Tverin agj) 20 km lodeheze orhal vai raudtedme, 27 km avtotedme.
Taldom-Savölovskii-raudtestancii radab lidnan suviröunal vspäi 1901, lühetas Taldom aigplanoiš.
Tobmuz
[vajehta | vajehtada lähtetekst]Taldoman lidnankund oli vll 2005-2018, om kätud ümbrikon territorialižeks palakundaks. Mülüti vit pen't küläd Taldoman ližaks. Sen pind oli 46,77 nellikkilometrad. Lidnankundan jäl'gmäine pämez' oli Jurii Žurkin (2013−2018).
Taldoman territorialižen palakundan pämez' om Viktorija Zaiceva.
Eläjad
[vajehta | vajehtada lähtetekst]Vl 1897 žilon ristitišt oli 1 200 eläjad, vl 1939 lidnan — 9 910 eläjad. Vn 2010 Venäman rahvahanlugemižen mödhe lidnan eläjiden lugu oli 13 819 ristitud, rajonan (nüg. lidnümbrik) nelländez, vn 2021 — 17 317 ristitud. Kaikiš suremb lidnan ristitišt oli enamba 14 tuhad eläjid vll 1989−2001 (14 600 rist. vl 1992) i om nügüd' (vspäi 2021).
Rahvahad (2010): venälaižed — 94,4 %, ukrainalaižed — 1,0 %, toižed rahvahad — 4,6 %.
Ortodoksižen hristanuskondan kaks' pühäpertid[1] oma kaičenus i saudud lidnas: Mikoi-arhangelan jumalanpert' (om saudud vll 1800−1808) i kaumžoman časoun'.
Moskvan gubernijan čomamahtoiden kolledž — Taldoman filial[2] om lidnan professionaližen opendusen aluzkundaks.
Galerei
[vajehta | vajehtada lähtetekst]-
Lidnan administracijan pert' (2012), nügüd' lidnümbrikon
-
Mikoi-arhangelan jumalanpert', vn 2012 nägu
-
Istorižed torguindrivid vl 2012
-
Lidnümbrikon keskuzkirjišt 2012
-
Lämoipalodepon ansambl' (2014)
-
Mihail Saltikov-Ščedrin-kirjutajan muštnik (2017)
-
Taldom-Savölovskii-raudtestancijan sauvuz vl 2019
Homaičendad
[vajehta | vajehtada lähtetekst]- ↑ Taldoman pühäpertid sobory.ru-saital. (ven.)
- ↑ Taldoman dekorativižen čomamahton i rahvahanpramozloiden profškolan sait (tdpi.ru). (ven.)
Irdkosketused
[vajehta | vajehtada lähtetekst]- Lidnümbrikon tobmuden sait (taldom-okrug.ru). (ven.)
- Taldoman istoriž-literaturižen muzejan sait (museum-taldom.mo.muzkult.ru). (ven.)
![]() |
Taldom Vikiaitas |
Moskvan agjan lidnad | ||
Aprelevk | Balaših | Beloozörskii | Bronnici | Čehov | Černogolovk | Dedovsk | Dmitrov | Dolgoprudnii | Domodedovo | Drezn | Dzeržinskii | Dubn | Elektrogorsk | Elektrostal' | Elektrougli | Fräzino | Golicino | Himki | Hot'kovo | Istr | Ivantejevk | Jahrom | Jegor'jevsk | Kašir | Klin | Kolomn | Korolöv | Kotel'niki | Krasnoarmeisk | Krasnogorsk | Krasnozavodsk | Krasnoznamensk | Kubink | Kurovskoje | Likino-Dulövo | Litkarino | Lobn' | Losino-Petrovskii | Luhovici | Lüberci | Mitišči | Možaisk | Naro-Fominsk | Noginsk | Odincovo | Orehovo-Zujevo | Ozöri | Pavlovskii Posad | Peresvet | Podol'sk | Protvino | Puščino | Puškino | Ramenskoje | Reutov | Rošal' | Ruz | Sergijev Posad | Serpuhov | Solnečnogorsk | Stupino | Šatur | Ščolkovo | Zaraisk | Zvenigorod | Žukovskii | Taldom | Vanh Kupavn | Verei | Vidnoje | Visokovsk | Volokolamsk | Voskresensk | ||