Starodub
Lidnanznam![]() |
Flag![]() |
Valdkund | Venäma |
Eläjiden lugu (2021) | 17,687 ristitud |
Pind | 22 km² |
![]() | |
Pämez' | Tamara Sorokvaša (reduku 2014—) |
Telefonkod | 7−48 348-xx-xxx |
Avtokod | 32 |
Aigvö | UTC 3 (MSK 0) |
Starodub (ven.: Стародуб [stərɐˈdup]) om Venäman lidn da lidnümbrik Bränskan agjan suves. Se om Staroduban rajonan administrativižeks keskuseks, ei mülü rajonha.
Istorii
[vajehta | vajehtada lähtetekst]Eländpunkt mainitase ezmäižen kerdan vl 1080 olijanke lidnusenke da lidnan statusanke Lavrentijan aigkirjas, mugažo Starodub-Severskii-nimenke. Se sai makundan lidnan statusad vl 1782.
Amuine pertišt om kaičenus tähäsai läz täuzin. Om äi vanhoid kundaližid sauvusid i torgovanoiden pertid.
Starodub šingotase sömtegimišton edheotandoil: pästtas saguzid, kolbasoid, leibäd, kuivatud sömäd da konservid.
Geografijan andmused
[vajehta | vajehtada lähtetekst]Lidn sijadase Babinc-jogen randal (ven.: Бабинец, Vablin ližajogi, Dnepran bassein), 180 m ü.m.t. keskmäižel korktusel. Matkad Bränskhasai om 145 km pohjoižpäivnouzmha. Vspäi 1900 raudtesarak ühtenzoitab lidnad lähembaiženke Uneč-lidnanke 30 km pohjoižhe.
Starodub om lidnümbrikon üks'jäižeks eländpunktaks.
Eläjad
[vajehta | vajehtada lähtetekst]Vn 2010 Venäman rahvahanlugemižen mödhe lidnan eläjiden lugu oli 19 010 ristitud. Kaik 18 824 eläjad oli lidnas vl 2017. Kaikiš suremb lidnan ristitišt oli 19 400 eläjad vll 1996−2001.
Ortodoksižen hristanuskondan kuz' pühäpertid[1] oma kaičenus i saudud lidnas: Hristan Raštvoiden päjumalanpert' (kozakišton), koume jumalanpertid i kaks' časounäd. Niiden ližaks ph. Mikulai-čudonsädajan päjumalanpert' i kümne jumalanpertid ei ole kaičenus.
Bränskan agrarine tehnikum[2] om lidnan professionaližen opendusen aluzkundaks.
Galerei
[vajehta | vajehtada lähtetekst]-
Muštnik i pühäpert' (2008)
-
Hristan Raštvoiden päjumalanpert' (kozakišton), vn 2014 nägu
-
Staroduban kodirandantedištandmuzei (2023), ende Miklaševskijan usadib
Homaičendad
[vajehta | vajehtada lähtetekst]- ↑ Staroduban pühäpertid sobory.ru-saital. (ven.)
- ↑ Bränskan agrarižen tehnikuman sait (техникумзайцева.рф). (ven.)
Irdkosketused
[vajehta | vajehtada lähtetekst]- Lidnan nevondkundan sait (стародубский-совет.рф). (ven.)
- Lidnümbrikon Administracijan sait (starburg.ru). (ven.)
![]() |
Starodub Vikiaitas |
Bränskan agjan lidnad | ||
Bränsk | Dät'kovo | Fokino | Karačev | Klincad | Mglin | Novozibkov | Počep | Sel'co | Sevsk | Starodub | Suraž | Zlink | Žukovk | Trubčevsk | Uneč | ||