San Hose (Kalifornii)

San Hose
San Jose
Lidnanznam;	Flag;
Valdkund	Amerikan Ühtenzoittud Valdkundad
Eläjiden lugu (2020)	1,013,240 ristitud
Pind	469,72 km²
Pämez'	Mett Mehen; (viluku 2023—,; Matt Mahan)
Telefonkod	1−408, 1−669
Aigvö	tal'vel UTC−8,; kezal UTC−7

Sil sanal voib olda toižid znamoičendoid; miše nähta niid, tulgat tänna.

San Hose (angl.: San Jose [ˌsæn hoʊˈzeɪ, -ˈseɪ] «pühä Iosif» ispanijaks, ispanine virkand [saŋ xoˈse], oficialižikš City of San José) om AÜV:oiden lidn Kalifornii-štatan keskuzpalan lodehes. Se om AÜV:oiden kümnenz' i Kalifornijan koumanz' lidn eläjiden lugun mödhe, mülüb vižmillionižhe lidnaglomeracijha San Francisko- i Oklend-lidnoidenke.

Istorii

Eländpunktan aluz om pandud ispanijalaižil vn 1777 29. päiväl kül'mkud kuti El Pueblo de San José de Guadalupe-lidn (isp.: Yerba Buena). Om tundištadud lidnaks oficialižešti vn 1850 27. keväz'kud. Se oli Kalifornii-štatan ezmäižeks pälidnaks, käskusenandai suim tegi ištundoid štatan kapitolijas (ei ole kaičenus) vll 1849−1851. Vspäi 1854 štatan pälidn sijadase Sakramentos.

San Hose om Olasižen alangišton faktižeks pälidnaks. Pertin keskmäine maksarv läz 1 mln US$, kaikiš korktemb AÜV:oiš. Neniden mail'man tetabiden kompanijoiden päfaterad sijadasoiš täs: Cisco Systems, eBay, Adobe Systems, PayPal, Hewlett Packard Enterprise, Western Digital.

Geografijan andmused

Lidn sijadase aglomeracijan suvipäivnouzmas, −4.. 648 metrad korktusil, 26 m ü.m.t. keskmäižel korktusel. San Hosen pohjoine otab San Franciskon lahten randad vähäšt. Ühthine pind 467,55 km², sidä kesken kuivma 459,75 km², vezi 7,8 km². Keskvägen manrehkaidused oleldas üks'-kaks' kerdad vodes.

Klimat om Keskmeren. Voden keskmäine lämuz om 16,3 C°, kezakun-sügüz'kun 20,3.. 21,8 C°, tal'vkun-uhokun 10,4.. 12,3 C°. Ekstremumad oma −8 C° (viluku) i 44 C° (sügüz'ku). Kezaaigan minimum om 1 C° (kezaku), tal'vaigan maksimum om 27 C° (uhoku). Paneb sadegid 410 mm vodes, enamba tal'vkus-keväz'kus (67..82 mm kus), kuiv sezon oleskeleb kezakus-sügüz'kus (seičeme millimetrad pordos). Om lämhemb i lujita tulleita mi lähižes San Franciskos, pil'vesetomad päiväd oma tobjimalaz.

Eläjad

Vn 2010 AÜV:oiden rahvahanlugemižen mödhe eläjiden lugu oli 945 942 ristitud. Kaik 1 035 317 eläjad oli lidnas vl 2017, se ristitišt oli kaikiš suremb.

Edeline lidnan pamez' (mer, angl.: mayor) om Sem Likkardo (viluku 2015 — tal'vku 2022, Sam Liccardo).

Transport

Avtobusad, tramvaid da taksid oma kundaližeks transportaks lidnas.

Rahvahidenkeskeine civiline San Hose-lendimport Norman Mineta-meran i kongressmenan nimed^[1] (SJC / KSJC, 15,6 mln passažiroid vl 2019) sijadase koumes kilometras pohjoižhe lidnan keskusespäi. Tehtas reisid AÜV:oidme tobjimalaz, mugažo nenihe lidnoihe: Vankuver, Mehiko, Gvadalahar, Tokio, London. Regionan kaks' tošt rahvahidenkeskešt lendimportad sijadasoiš läz Oklendad (OAK, 57 km pohjoižhe) i San Franciskod (SFO, 70 km lodeheze).

Homaičendad

↑ Rahvahidenkeskeižen San Hose-lendimportan sait (flysanhose.com). (angl.)

Irdkosketused

Lidnan tobmuden oficialine sait (sanjoseca.gov). (angl.)

San Hose (Kalifornii) Vikiaitas

	AÜV:oiden järedad lidnad
	Enamba 3 mln. eläjid	Los Andželes \| Nju Jork
	1—3 mln. eläjid	Čikago \| Dallas \| Filadel'fii \| Finiks \| Hjuston \| San Antonio \| San Diego \| San Hose
	750 tuh. eläjid — 1 mln.	Džeksonvill \| Fort Uert \| Indianapolis \| Kolumbus \| Ostin \| San Francisko \| Šarlott
	Enamba 500 tuh. eläjid	Al'bukerke \| Baltimor \| Boston \| Denver \| Detroit \| El' Paso \| Fresno \| Las Vegas \| Luisvill \| Memfis \| Miluoki \| Našvill \| Oklahoma Siti \| Portlend \| Sakramento \| Sietl \| Tuson \| Vašington

[1] Rahvahidenkeskeižen San Hose-lendimportan sait (flysanhose.com). (angl.)

[1]