Portlend (Men)

Portlend
Portland

Valdkund	Amerikan Ühtenzoittud Valdkundad
Eläjiden lugu (2017)	67,067 ristitud
Pind	179,85 km²
Pämez'	Keit Snaider (tal'vku 2019—, Kate Snyder)
Telefonkod	1−207
Aigvö	tal'vel UTC−5, kezal UTC−4

Sil sanal voib olda toižid znamoičendoid; miše nähta niid, tulgat tänna.

Portlend (angl.: Portland) om AÜV:oiden lidn pohjoižpäivnouzmaižes Men-štatas. Se om štatan kaikiš suremb lidn, Kamberlend-ümbrikon administrativine keskuz.

Istorii

Eländpunktan aluz om pandud vl 1633. Se sai lidnan oiktusid vl 1786. Vll 1820−1832 lidn oli Men-štatan pälidnaks. Resurgam-deviz lidnan pečatil znamoičeb «eläbzdun tošti» latinan kelel, Portlend eli nelläs sures lämoipalos läbi. Vl 1899 ühtištuihe Diring-lidnanke lodehes.

Portlend šingotase järedal meriportal, sidä kesken kalanpüdajiden laivoiden i kivivoitankeroiden. Kivivoinveim Monrealihesai zavodiše lidnas. Štatan äjad finansižed operacijad tegesoiš täs. Sömtegimišton edheotandad.

Geografijan andmused

Lidn sijadase štatan suves, Atlantižen valdmeren randal, 19 m ü.m.t. keskmäižel korktusel.

Portlend jagase 30 neiborhudaks (susedkundaks) i röunatab nenidenke lidnoidenke: Saut Portlend, Uestbruk i Falmut.

Eläjad

Vn 2010 AÜV:oiden rahvahanlugemižen mödhe lidnan eläjiden lugu oli 66 194 ristitud. Kaikiš suremb ristitišt oli 77 634 eläjad vl 1950. Läz 500 tuhad eläjid om ezilidnoidenke, štatan koumandez.

Kahten universitetan kampusad sijadasoiš lidnas, niiden päfaterad i toižid alajagused oma ezilidnoiš: Suvimenan universitet (8 tuhad üläopenikoid vl 2020, alusenpanend 1878, Portlendan universitet oli olmas vspäi 1921) i Uden Anglijan universitet (vll 1831−1996 Uestbruk-kolledž).

Irdkosketused

• Lidnan tobmuden sait (portlandmaine.gov). (angl.)