Mariehamn

Mariehamn
Maarianhamina (suom.)
Mariehamn (roč.)
Lidnanznam;	Flag;
Valdkund	Suomenma
Eläjiden lugu (2024)	11,875 ristitud
Pind	20,76 km²
Pämez'	Arne Zelander; (viluku 2022—,; Arne Selander)
Telefonkod	358-(0)18
Aigvö	tal'vel UTC 2,; kezal UTC 3

Mariehamn (suom.: Maarianhamina [ˈmɑːriɑnˌhɑminɑ], roč.: Mariehamn [mɑriːeˈhɑmn] «Marijan merikar») om Suomenman lidn, avtonomižen Ahvenanma-provincijan administrativine keskuz.

Istorii

Eländpunktan aluz om pandud vn 1861 21. päiväl uhokud, nimitihe sidä Marija Aleksandrovna-imperatornaižen oiktastuseks.

Marienhamn šingotase avtonomijan keskusen aluzkundoil, turizmal i meritransportal. Om kaks' meriportad: päivnouzmaižel randal jahtoiden täht, päivlaskmaižel randal (roč.: Västerhamn) ehtatimühtenzoitusen täht verhižidenke maidenke.

Geografijan andmused

Lidn sijadase Baltijan meren randal, pol'sarel.

Klimat om ven valdmeren vilu kontinentaližen klimatan röunal. Keza om päivoikaz, tal'vaig om pil'vekaz lujas. Voden keskmäine lämuz om 6,4 C°, kezakun-elokun 13,3.. 16,8 C°, tal'vkun-keväz'kun −2,3.. 0,4 C°. Ekstremumad oma −32,9 C° (viluku, uhoku) i 31,3 C° (heinku, eloku). Kezaaigan minimum om −3,2 C° (kezaku), tal'vaigan maksimum om 11,1 C° (tal'vku). Ei voi panda halad heinkus vaiše (minimum 0,1 C°). Paneb sadegid 634 mm vodes, enamba elokus-tal'vkus (59..76 mm kus), vähemba uhokus-semendkus (31..38 mm kus).

Vn 2022 andmusiden mödhe lidnan pind mereta om 11,81 km², meren pind — 8,95 km².

Tobmuz

Mariehamnan municipaline suim kogoneb 27 ezitajaspäi.

Edeline lidnan pämez' om Barbara Heinonen, radoi vn 2015 uhokuspäi.

Eläjad

Vl 1980 lidnankundan eläjiden lugu oli 9 553 ristitud, vl 2000 — 10 488 ristitud, vl 2010 — 11 190 ristitud, vl 2020 — 11 696 ristitud. Kaikiš suremb kundan ristitišt om nügüd'.

Ročin kel' om mamankeleks 84,5 % täht lidnalaižišpäi, suomen kel' — 4,9 %, toižed keled — 10,6 % (vn 2016 andmused).

Severziden-se valdkundoiden konsulused sijadasoiš lidnas, sidä kesken Ročinman päkonsuluz da Venäman konsuluz.

Galerei

Lidnan ohjastusen pert' (2016)
Ph. Jurgijan jumalanpert', vn 2006 nägu
Mariehamnan kirjišt vl 2007
Navigacijan profškol (2016)
Meriport vl 2009

Homaičendad

Irdkosketused

Lidnan ohjastusen sait (mariehamn.ax). (roč.)

Mariehamn Vikiaitas

	Suomenman agjad da niiden administrativižed keskused
	Ahvenanma¹ (Mariehamn) \| Kainu (Kajani) \| Kanta Häme (Hämenlidn) \| Keskpohjanma (Kokkol) \| Kesksuomenma (Jüväskülä) \| Kümenlakso (Kouvol) \| Laplandii (Rovanem') \| Pirkanma (Tampereh) \| Pohjanma (Vas) \| Pohjoižkarjal (Jogensu) \| Pohjoižpohjanma (Oulu) \| Pohjoižsavo (Kuopio) \| Päijät Häme (Laht) \| Sadakund (Pori) \| Suvikarjal (Lapenrand) \| Suvipohjanma (Seinjogi) \| Suvipäivlaskmaine Suomenma (Turku) \| Suvisavo (Mikoi) \| Udenma (Hel'sinki)
	¹ Avtonomine agj.