Kečkemet

Kečkemet
Kecskemét

Lidnanznam	Flag
Valdkund	Mad'jaranma
Eläjiden lugu (2021)	109,651 ristitud
Pind	322,57 km²
Pämez'	Klaudija Pataki Semereine (kezaku 2014—, Szemereyné Pataki Klaudia)
Telefonkod	36-(0)76
Aigvö	tal'vel UTC 1, kezal UTC 2

Lidnan sijaduz agjas i valdkundas (2017)

Kečkemet (mad'j.: Kecskemét [ˈkɛt͡ʃkɛmeːt], latin.: Aegopolis) om lidn Mad'jaranman keskuzpalas. Se om Bač-Kiškun-agjan administrativine keskuz, valdkundan kahesanz' lidn eläjiden lugun mödhe.

Istorii

Amuine eländpunkt oli pandud mantazole 13. voz'sadan mongoližel vägitungendal. Udessündutihe sidä teravas hüvän sijadusen tagut, i Laioš Sur'-kunigaz andoi Kečkemetale lidnan oiktusid vl 1348. Nimituz libub mad'jaran kecske-sanaspäi «ižakoza» i kuvastab regionan živatvodindan edeližid veroid.

Kečkemet šingotase Mercedes-Benz-kompanijan avtotegimel (100 tuhad avtoid vodes), avtopaloiden i kabeliden tehmižel, logistikan «Duvenbeck IMMO»-kompanijal, sömtegimištol (paštatesen tegim, konservtegim).

Geografijan andmused

Lidnan transportkart (2010)

Lidn sijadase agjan pohjoižes, 102 m ü.m.t. keskmäižel korktusel. Matkad Budapešt-pälidnhasai om 86 km lodeheze-pohjoižhe.

Kečkemet-raudtestancii radab lidnas, aigad Budapeštaspäi jonusel om 1 čas 20 minutad.

Klimat om ven kontinentaline subtropižen klimatan röunal. Keza om hätkeline räk. Voden keskmäine lämuz om 11,2 C°, kezakun-elokun 20,4.. 22,2 C°, tal'vkun-uhokun −0,3.. 1,5 C°. Ekstremumad oma −23,7 C° (viluku) i 41,1 C° (heinku). Kezaaigan minimum om 4,4 C° (kezaku), tal'vaigan maksimum om 20,5 C° (uhoku). Ei voi panda halad kezakus-sügüz'kus (sügüz'kun minimum om 0,7 C°). Paneb sadegid 540 mm vodes, enamba semendkus-heinkus (60..72 mm kus), vähemba vilukus-sulakus (26..34 mm kus). Paneb lunt 26 päiväd tal'ves. Kun keskmäine relätivine nepsuz vajehtase 61..67 % röunoiš keväz'kus-uhokus, 83..85 % kül'mkus-vilukus.

Eläjad

Vl 2011 Mad'jaranman rahvahanlugemižen mödhe lidnan eläjiden lugu oli 111 411 ristitud. Kaikiš suremb lidnan ristitišt oli 114 226 eläjad vl 2012.

Edeline lidnan pämez' om Zombor Gabor (2006−2014, Zombor Gábor).

Sebruzlidnad

Japonii Aomori, Japonii (vspäi 1994) Francii Arköi, Francii (1976) Ukrain Beregovo, Ukrain (2001) Sur' Britanii Koventri, Anglii, Sur' Britanii (1963) Avstrii Dornbirn, Forarl'berg-federacijanma, Avstrii (1993) Slovakii Galant, Slovakii (2002) Suomenma Hüvinkä, Suomenma (1985)

Izrail' Nagarii, Izrail' (1990) Saksanma Rüssel'shaim, Gessen-federacijanma, Saksanma (1991) Ukrain / Venäma Simferopol', Krim, Ukrain / Venäma (1963) Turkanma Tekirdag, Turkanma (2001) Romanii Tirgu Mureš, Romanii (1999) Pol'šanma Vadovice, Pol'šanma (2007) Danii Viborg, Danii (1997)

Irdkosketused

• Lidnan tobmuden sait (kecskemet.hu). (mad'j.)