Jaroslavlin agj
| |||||
_-_Yaroslavl_Oblast.svg)
| |||||
| Pälidn | Jaroslavl' | ||||
| Pind - Ühtes |
61-nz' 36 177 km² | ||||
| Eläjiden lugu - Kaik |
39-nz' 1,265,684 ristitud (2018) | ||||
| Regionaline KSP - Kaik, nügüdläižiš arvoiš |
40-nz' 469,8 mlrd rub. (2016) | ||||
| Federaline ümbrik | Keskuzline | ||||
| Venäman ekonomine region | Keskuzline | ||||
| Valdkundkel' (-keled) | venäkel' | ||||
| Gubernator | Dmitrii Mironov | ||||
| Ohjastusen ezimez' | Dmitrii Stepanenko | ||||
| Agjan Duman ezimez' | Mihail Borovickii | ||||
| Avtokod | 76 | ||||
| Aigvöd | UTC 3 (MSK 0) | ||||
_full.svg)
Jaroslavlin agj (ven.: Ярославская область) om Venälaižen Federacijan subjekt.
Se mülüb Federaližhe keskuzümbrikho.
Agjan administrativine keskuz da kaikiš suremb lidn om Jaroslavl'.
Keled
[vajehta | vajehtada lähtetekst]Valdkundkel' om üks'jäine — venäkel'.
Istorii
[vajehta | vajehtada lähtetekst]Jaroslavlin agj om olmas vs 1936 keväz'kun 11. päiväspäi.
Jaroslavlin agjan Päkäskuz[1] om vahvištadud vn 2010 28. päiväl sügüz'kud Agjan Duman ezitajil, om allekirjutadud gubernatoral sen-žo voden 1. päiväl redukud da om väges möhembaižidenke vajehtusidenke. Se vajehti endišt Päkäskust, kudamb oli vahvištadud vn 1995 23. päiväl semendkud.
Geografijan andmused
[vajehta | vajehtada lähtetekst]
Agj röunatab Kostroman agjanke päivnouzmas, Ivanovon agjanke suvipäivnouzmas, Vladimiran agjanke suves, Moskvan agjanke suvipäivlaskmas, Tverin agjanke päivlaskmas da Vologdan agjanke pohjoižes. Jaroslavlin agj om mererandatoi.
Pind om 36 177 km², sidä kesken mecad ottas 17 200 km² (47,5 %), sod — 1 100 km² (3 %). Znamasižed joged oma Volg sen järedoidenke ližajogidenke (Sot', Kotorosl' da Sogož). Kaik joged mülüdas Volgan basseinha. Kaikiš suremb ratud vezišt om Ribinskan vezivaradim, Darvinan kel'dtaho levigandeb sen lodehes. Znamasižed järved oma Nero (51,3 km²) da Pleščejevo-järv (50,9 km²).
Reljef om tazo tobjimalaz. Kukkazsel'gad vedadas pohjoižpäivnouzmaspäi suvipäivlaskmha. Kaikiš korktemb čokkoim om Tarhov-kukkaz (292 m) agjan suves.
Klimat om ven kontinentaline. Heinkun keskmäine lämuz om 18 C°, vilukun lämuz om −10 C°. Paneb sadegid 600 mm vodes.[2]
Londuseližed varad oma kivivoi, turbaz, sauvondmaterialad (letked, gravii, saved, mineraližed mujud), mec, reskvezi, gidroenergii.
Tobmuz
[vajehta | vajehtada lähtetekst]
Agjan pämez' nimitase gubernatoraks. Dmitrii Mironov radab gubernatoran vn 2017 sügüz'kun 10. päiväspäi, edel sidä tegi hänen velgusidme vn 2016 heinkun 28. päiväspäi. Hänen valdatusiden strok om viž vot. Gubernator om mugažo agjan Ohjastusen pämez', hän märičeb sen strukturad da paneb sen ühtnijoid radnikusile. Ohjastusen ezimez' da kaks' varagubernatorad oma hänele abhu. Ohjastusen ezimez' tegeb gubernatoran velgusidme statjoidme. Dmitrii Stepanenko radab Ohjastusen ezimehen vn 2016 elokun 29. päiväspäi. Kaik seičeme Ohjastusen varaezimest oma hänele abhu. Hö da varagubernatorad oma radonoigendajan tobmuden aluzkundoiden pämehikš.
Jaroslavlin agjan üks'kodine parlament om Agjan Dum (edel voden 2008 sulakud — Agjan Valdkundaline Dum). Kaik rahvaz valičeb sen 50 ezitajad videks vodeks. Mihail Borovickii radab Agjan Duman ezimeheks vn 2013 redukun 1. päiväspäi.
Radonoigendai tobmuz om Jaroslavlin agjan Ohjastuz. Agjan departamentad, ohjandused, agentused da inspekcijad alištudas Ohjastusele.
Agjan Duman ühtnijoiden järgenduseližed valičendad oliba vn 2013 8. päiväl sügüz'kud (6. kucund). Vn 2017 10. päiväl sügüz'kud valitihe gubernatorad, Nügüdläine gubernator sai vägestust ezmäižel tural 79,32 % änid satusenke.
Eläjad
[vajehta | vajehtada lähtetekst]
Vn 2010 Venäman rahvahanlugemižen mödhe agjan eläjiden lugu oli 1 272 468 ristitud[3]. Kaikutte nellänz' eläi videspäi om lidnalaine.
Kaik om üks'toštkümne lidnad agjas da 12 lidnanvuittušt žilod. Toine järed lidn (enamba 100 tuh. eläjidenke) om Ribinsk. Vl 2017 kaik om kahesa eländpunktad enamba mi 10 tuh. eläjidenke.
Rahvahad (enamba 0,4 % vl 2010, ozutadud rahvahudenke): venälaižed — 96,0 %, ukrainalaižed — 0,8 %, armenijalaižed — 0,6 %, azerbaidžanlaižed — 0,4 %, totarlaižed — 0,4 %, toižed rahvahad — 1,8 %.
Homaičendad
[vajehta | vajehtada lähtetekst]- ↑ Jaroslavlin agjan Päkäskusen tekst duma.yar.ru-saital. (ven.)
- ↑ Geografine sijaduz, klimat da reljef. — Jaroslavlin agjan informacine sait (yaroslavlobl.ru). (ven.)
- ↑ Venäman kaikenaigaine ristitišt vl 2010. — Rosstat (gks.ru). (ven.)
Irdkosketused
[vajehta | vajehtada lähtetekst]- Jaroslavlin agjan gubernatoran oficialine sait (dmironov.ru). (ven.)
- Jaroslavlin agjan gubernatoran da Ohjastusen oficialine portal (yarregion.ru). (ven.) (angl.)
- Jaroslavlin agjan Duman oficialine sait (duma.yar.ru). (ven.)
| Jaroslavlin agjan lidnad | ||
| Danilov | Gavrilov Jam | Jaroslavl' | Lübim | Miškin | Pereslavl' Zalesskii | Pošehonje | Ribinsk | Sur' Rostov | Tutajev | Uglič | ||
