Belovo
Lidnanznam![]() |
Flag![]() |
Valdkund | Venäma |
Eläjiden lugu (2020) | 71,240 ristitud |
![]() | |
Pämez' | Aleksei Kurnosov (uhoku 2014—) |
Telefonkod | 7−38 452-xx-xxx |
Avtokod | 42, 142 |
Aigvö | UTC 7 (MSK 4) |
Belovo (ven.: Бело́во) om Venäman lidn Kemerovon agjan keskuzpalan päivlaskmas. Se om agjan kahesanz' lidn eläjiden lugun mödhe, Belovon lidnümbrikon administrativine keskuz.
Istorii
[vajehta | vajehtada lähtetekst]Eländpunktan aluz om pandud pagenuden Fedor Belov-manmehen parččomaks vl 1726, nimitihe hänen kanzannimen mödhe. Löutihe kivihil't, zavottihe sen samišt vl 1851 läz küläd, se oli ezmäine Kuzbassan kaivuz. Vl 1921 saudihe raudted külänno, i se šingotaškanzihe. Vn 1938 4. päiväl tal'vkud Belovo-radnikžilo sai lidnan statusad.
Belovo om agjan hilen samižen nellänz' surtte keskuz (koume kaivut i kaks' kar'jerad), mugažo sadas šebinäd. Raudbetonan tegim radab. Elektrokatkaižimiden tegim om väges (katkaižimed, painmed, tumblerad). Belovon GRES radab hilel i andab agjan elektrusen koume kümnendest. Nevondkundaližen aigan cinkantegim i mašinoiden sauvomižen da kohendusen edheotandad oliba lidnas mugažo, ei ole rados.
Geografijan andmused
[vajehta | vajehtada lähtetekst]Lidn sijadase Kuzneckan katl'uses, Bačat-jogen hural randal tobjimalaz (ven.: Бачат 86 km pitte, Ob'-jogen oigedpol'ne bassein), 220 m ü.m.t. keskmäižel korktusel.
Matkad Kemerovohosai om 105 kilometrad pohjoižhe orhal, 122 km avtotedme vai raudtedme. Lähembaižed lidnad oma Gur'jevsk 30 km suvipäivlaskmha, Leninsk Kuzneckii 35 km pohjoižhe i Polisajevo 25 km pohjoižhe.
Tobmuz
[vajehta | vajehtada lähtetekst]Kaik kuz' eländpunktad mülüdas lidnümbrikho, niiden kesken nell' järedad (11..14 tuh. eläjid) lidnanvuittušt žilod: Bačatskii, Gramotejino, Inskoi, Uz' Lidnut (ven.: Новый Городок). Lidnümbrikon pind om 219,34 km².
Eläjad
[vajehta | vajehtada lähtetekst]Vn 2010 Venäman rahvahanlugemižen mödhe lidnan eläjiden lugu oli 76 764 ristitud, lidnümbrikon koume videndest. Kaik 72 843 eläjad oli lidnas vl 2017. Kaikiš suremb lidnan ristitišt oli 118 tuhad eläjid vozil 1962 i 1987.
Ortodoksižen hristanuskondan kahesa pühäpertid[1] oma kaičenus i saudud lidnas: seičeme jumalanpertid i časoun'.
Professionaližen opendusen aluzkundad: Belovon pedagogine kolledž[2], Belovon politehnine tehnikum[3] (Inskoi-žilos), Kemerovon agjan medicinižen kolledžan filial, Kuzbassan äiprofil'ne tehnikum[4] (ende Belovon raudtetransportan tehnikum), üläopendusen aluzkundoiden nell' filialad (Kemerovo, Novosibirsk, Tomsk).
Galerei
[vajehta | vajehtada lähtetekst]-
Lidnümbrikon Administracijan sauvuz (2011)
-
Jumalanmaman Katken časoun', vn 2011 nägu
-
Sportan pert' (2012)
-
Lidnan kul'turkeskuz (2011)
-
Belovo-raudtestancii vl 2007
Homaičendad
[vajehta | vajehtada lähtetekst]- ↑ Belovon pühäpertid sobory.ru-saital. (ven.)
- ↑ Belovon pedkolledžan sait (belpc.ru). (ven.)
- ↑ Belovon politehnižen tehnikuman sait (belpk.ru). (ven.)
- ↑ Kuzbassan äiprofil'žen tehnikuman sait (pu5belovo.ru). (ven.)
Irdkosketused
[vajehta | vajehtada lähtetekst]- Lidnümbrikon Duman oficialine sait (bgsnd.ru). (ven.)
- Lidnümbrikon Administracijan oficialine sait (belovo42.ru). (ven.)
![]() |
Belovo Vikiaitas |
Kemerovon agjan lidnad | ||
Anžero-Sudžensk | Belovo | Berözovskii | Gur'jevsk | Jurg | Kaltan | Kemerovo | Kiselövsk | Leninsk Kuzneckii | Mariinsk | Meždurečensk | Miski | Novokuzneck | Osinniki | Polisajevo | Prokopjevsk | Salair | Taig | Taštagol | Topki | ||