Beloreck
Lidnanznam![]() |
Flag![]() |
Valdkund | Venäma |
Eläjiden lugu (2020) | 64,921 ristitud |
Pind | 41 km² |
![]() | |
Pämez' | Kirill Jegupov (heinku 2020—) |
Telefonkod | 7−34 792-xx-xxx |
Avtokod | 02, 102 |
Aigvö | UTC 5 (MSK 2) |
Beloreck (ven.: Белоре́цк, bašk.: Белорет) om Venäman lidn Baškortostanan Tazovaldkundan päivnouzmas. Se om Beloreckan rajonan da lidnankundan administrativine keskuz.
Istorii
[vajehta | vajehtada lähtetekst]Eländpunktan aluz om pandud vl 1762 kuti Beloreckii tegim (ven.: Белорецкий завод) samha raudad lähevenujas kivendospäi (kaks' löudmižsijad) metallurgijan mahtusel, om nimitadud venäkel'žen jogen nimitusen mödhe Venäman Berg-kollegijal. Žilo sai lidnan statusad vl 1923 nügüdläiženke nimenke. 21. voz'sadaspäi tegimen pätegend om teraraudvanuimen da terazkervačuiden pästand.
Beloreckan ižandusen päsarakod oma raudan metallurgii i metalltegesiden pästand (punotišed, veskad), sömtegimišt (leibänkombinat, argvoisagudkombinat, lihakombinat), sauvondmaterialiden tehmine (mecan ümbriradmine, raudbetontegesiden tegim).
Geografijan andmused
[vajehta | vajehtada lähtetekst]Lidn sijadase Vaugedjogen molembil randoil i Suviuralan pautkil, 500 m keskmäižel korktusel valdmeren pindan päl. Padosein om saudud lidnan keskuses Vaugedjogel, se röunatab Beloreckan uitad (vezivaradint). Matkad Ufahasai om 245 km lodeheze. Lähembaine järed lidn om Magnitogorsk 90 km suvipäivnouzmha.
Klimat om ven kontinentaline. Voden keskmäine lämuz om 2,4 C°.
Beloreck om lidnankundan üks'jäine eländpunkt.
Eläjad
[vajehta | vajehtada lähtetekst]Vn 2010 kaiken Venäman rahvahanlugemižen mödhe eläjiden lugu oli 68 806 ristitud. Kaikiš suremb ristitišt oli 75 tuhad eläjid vl 1987. Lidn otab kaks' koumandest rajonan ristitištos.
Rahvahad (2010): venälaižed — 69,6 %, baškiralaižed — 18,9 %, totarlaižed — 8,6 %, toižed rahvahad — 2,9 %.
Islaman «Žamig»-pämečet' i vanh pühäpert' oma olmas lidnas. Ortodoksižen hristanuskondan koume pühäpertid[1] oma avaitud: ph. Stroican jumalanpert' i kaks' časounäd. Niiden ližaks Mikulai-čudonsädajan päjumalanpert' om sauvomas vspäi 2000.
Professionaližen opendusen aluzkundad: Beloreckan metallurgine, pedagogine i medicinine[2] kolledžad, Baškirijan arhitekturan da sauvondan kolledžan filial (ende Beloreckan sauvondan kolledž), üläopendusen aluzkundoiden koume filialad (Magnitogorsk, Uf).
Edeline lidnankundan pämez' om Sergei Poläkov (reduku 2013 — kezaku 2020).
Galerei
[vajehta | vajehtada lähtetekst]-
Metallurgoiden torg (2012)
-
Pühän Stroican jumalanpert', vn 2013 nägu
-
Beloreckan metallurgine kombinat i sen kontor vl 2012
-
Metallurgoiden kul'turkeskuz (2012)
-
Beloreck-päraudtestancijan sauvuz vl 2010
Homaičendad
[vajehta | vajehtada lähtetekst]- ↑ Beloreskan pühäpertid sobory.ru-saital. (ven.)
- ↑ Beloreckan medicinižen kolledžan sait (belormedkol.ru). (ven.)
Irdkosketused
[vajehta | vajehtada lähtetekst]- Lidnan da rajonan tobmuden aluzkundoiden oficialine sait (beloretsk.bashkortostan.ru). (ven.)
- Lidnan telekompanijan sait (beloreck-tv.ru). (ven.) (bašk.)
![]() |
Beloreck Vikiaitas |
Baškortostanan Tazovaldkundan lidnad | ||
Agidel' | Baimak | Belebei | Beloreck | Birsk | Blagoveščensk | Davlekanovo | Dürtüli | Išimbai | Janaul | Kumertau | Meleuz | Mežgor'je | Neftekamsk | Oktäbr'skii | Salavat | Sibai | Sterlitamak | Tuimazi | Učali | Uf | ||