Čerepanovo

Čerepanovo
Черепаново

Lidnanznam
Valdkund	Venäma
Eläjiden lugu (2021)	19,900 ristitud
Pind	24,23 km²
Pämez'	Jevgenii Grebenščikov (uhoku 2021—)
Telefonkod	7−38 345-xx-xxx
Avtokod	54, 154
Aigvö	UTC 7 (MSK 4)

Čerepanovo (ven.: Черепа́ново) om Venäman lidn da lidnankund Novosibirskan agjan suvipäivnouzmas. Se om Čerepanovon rajonan administrativine keskuz.

Istorii

Eländpunktan aluz om pandud vl 1912 Čerepanovo-raudtestancijaks sauvomha da holitamha raudted Barnaulhasai, Čerepanov-manmehen mectudpertiižen sijas, sid'-žo Svobodnii-žilo formiruiškanzi raudtestancijanno. Saudihe raudtestancijad vodele 1915. Vn 1925 6. päiväl kezakud anttihe lidnan statusad da nimitihe raudtestancijan mödhe.

Čerepanovo šingotase keramižen savičun järedal tegimel, vedenlämbitamižkatl'oiden tegimel, sömtegimištol (lihakombinat, oludvinkombinat) i omblendfabrikal. 1990-nzil vozil plastikmülüiden edheotand radoi, nügüd'aigan pästtas polipropilenšauguižid.

Geografijan andmused

Lidn sijadase Obin oigedpol'žes basseinas, 280 m ü.m.t. keskmäižel korktusel.

«Novosibirsk — Barnaul»-raudte läbitab lidnad. Čerepanovo zavodiše kilometras päivnouzmha «Čujan trakt»-avtotespäi (R-256). Matkad Altajan randhasai om 12 km suvhe orhal, Novosibirskan keskuzpalahasai om 94 km pohjoižhe orhal, 107 km avtol vai raudtedme, röunhasai — 73 km. Lähembaine lidn om Iskitim 47 km pohjoižhe orhal, 53 km avtotedme vai raudtel.

Tobmuz

Čerepanovo om lidnankundan üks'jäižeks eländpunktaks.

Lidnankundan tobmuden pämez' om Administracijan pämez'. Edeline lidnan pämez' om Nikolai Rundaev (2016—). Lidnan Deputatoiden nevondkund om likvidiruidud vl 2012.

Eläjad

Vn 2010 Venäman rahvahanlugemižen mödhe lidnan eläjiden lugu oli 19 300 ristitud, rajonan kaks' videndest, vn 2021 — 19 900 ristitud. Kaik 19 612 eläjad oli lidnas vl 2017. Kaikiš suremb lidnan ristitišt oli 23 100 eläjad vl 1998.

Ortodoksižen hristanuskondan koume jumalanpertid oma kaičenus i saudud lidnas: ph. Oleksijan (1914, udessundutihe vspäi 2006), Sibirin Kaikiden Pühämehiden (1987) mez'jumalankodinke (vspäi 2006) i Simeon Verhoturjelaižen (2001).

Lapsiden opendusen aluzkundad oma severz'-se päivkodid, viž keskškolad (nomer 1..5), korrekcine škol-internat lapsiden täht tervhuden röunatud voimusidenke, lapsiden sädamižen pert', čomamahtoiden škol, norišton fuzkul'turan da sportan šingotesen keskuz. Professionaližen opendusen aluzkundad: Čerepanovon politehnine kolledž i pedagogine tehnikum.

Galerei

• 
  Sodamemorial i vezičuhunduz (2014)
• 
  Tank-muštnik (2014)
• 
  Puruvedim Čerepanovo-stancijal vl 2017

Irdkosketused

• Lidnan tobmuden sait (admcherepanovo.nso.ru). (ven.)