Zara

**Zara**
Zadar (hr)
Pozision
	44°06′N 15°13′E
Stato	Croàsia
Rejon	Rejon zaratina
Cavedałe de	Rejon zaratina ; Regno di Dalmazia (it) ; Dalmatia (it)
Popołasion
Totałe	70 779 (2021)
Densità	367,87 hab./km²
Demònemo	zaratini ,
Zeografia
Àrea	192,4 km²
Altitùdene	5 m
Rente a	Nona ; Zemonico Inferiore ; Bibinje ; Poličnik
Dati istòreghi
Dì festivo	Festa patronałe(25 de diçenbre)
Patrono	Anastàzia de Sìrmio
Organizasion pułìtega
Cao de goerno	Božidar Kalmeta (en) (1994)
Còdazi de identifegasion
Còdaze postałe	23000
Còdaze de matricołasion	ZD
Fuzo oràrio	UTC 1
Prefiso tełefònego	023
	Premi medaja al Vałore Miłitare ;
Sito web	grad-zadar.hr

Zara (in croato Zadar) la xe na zità de la Croazia che la conta 81 688 abitanti (al 2006) e la xe el cavologo stórico de la Dalmazia, anca se adesso la xe stada superada da Spàlato. La se afaza su un stréto brazo de mar squasi serà da le do ìzołe de Ujan e Pasman. La zità vecia na volta la jera stacada da la teraferma da un profondo fossà che el xe stà terà. La xe séde vescovil.

Storia

In tel 59 a.C. la xe diventada un municipium roman soto el nome de Iadera. La so inportanza la xe cressuda co la distrusion de Salona, fato che la fata divignir capital de la provincia de Dalmazia. Za in tel 1000 Zara la gaveva zurà fedeltà a Venezia, solo che par tuto el XII sècolo la ga subido un tira e mola infrà la Repùblica e'l regno de Ungaria. El 1202 la Serenìsima la ga lanzà un forte ataco in tel ànbito de le operasion de la Quarta Crociata, cioléndosela indrìo, ma za in tel 1239 e in tel 1242 el governator venezian el vigniva cazà via. Tornada soto la Serenìsima in tel 1313, quarantazinque ani dopo la jera de novo soto i Ungaresi. El passajo definitivo a Venezia xe avignudo in tel 1409 par un pagaménto de 100 000 ducati de oro al re de Nàpoli, vignudo in possesso del'Ungaria par razon dinàstiche.

Durante la dominasion veneziana Zara la ga conossudo un zerto svilupo, arichéndose de òpere de arte e vignindo a cior quela fisionomia che la xe durada fin a la dominasion austroungàrica, quando la xe stada butada zò na granda parte dei muri difensivi. Framezà da un breve ténpo de controlo franzese, el possesso dei Austrìazi el xe scominzià col Congresso de Viena. In tel 1848 Zara la se ga ribelada pojàndose al Regno de Sardegna, ségno de la forte presénza de Italiani in zità.

Zara la xe stada l'unica parte de la Dalmazia a passar al'Italia daspò la Prima guera mondial: i Italiani, infati, i jera almanco el 75% de la popolasion total. Durante la Seconda guera mondial la xe stada bonbardada cusì a fondo da èser ciamada la Dresda italiana. A la fin la xe stada asegnada a la Jugoslavia de Josip Broz Tito e, in tel 1991, la xe divegnuda parte de la Croazia.

Ła provincia italiana de Zara

La provincia italiana de Zara, durada dal 1919 fin al 1941, la contigniva:

el comun de Zara
l'ìzoła de Casa vizin a la costa dàlmata
l'ìzoła de Làgosta vizin a la costa dàlmata
l'ìzoła de Pelagosa intrà la Puja e la Dalmazia
l'ìzoła de Saseno vanti a Valona (Albania)

Atrative

La catedral de Santa Nastasia la xe un dei edifizi più rapresentativi de Zara. Orizenal del IX sècolo, le xe stada rifata in stil romànico e portada a finiménto in tel 1324. La fazada a saliénti, in piera d'Istria, la xe sudivixa in tre setori orizontai e do òrdini verticai, dei quai quel più in alto xe decorà co archéti pénsili e quel più in basso el ga tre portoni co quel zentral decorà co un bassorilievo de la Madona col Putèl in trono infrà i Santi Grisògono e Nastasia. Indrénto ghe xe el famoso polìtico de Zara, òpera de Vitor Carpazio. Altre Ceze inportanti le xe dedicade a Santa Maria, San Simeon, San Grisògono e San Donà.

De la dominasion romana no résta tanto. A parte le ruine del foro, andade squaxi conpletaménte perdude coi bonbardaménti de la Seconda guera mondial, le fortificasion che ghe xe le partien tute al'època veneziana. De ste qua particolarménte inportante xe la porta de Teraferma òpera del'architeto veronese Michele Sanmicheli, che la divide el zéntro stórico da la granda fortéza de fora. De menor inportanza e dimension xe la Porta Marina.

Personagi famosi ligadi a Zara

Zemelagi

Varda anca

Òpare de defeza venesiane intrà XVI e XVII sècoło: Stato da Tera-Stato da Mar ocidentałe

Sità e comuni de ła rejon zaratina

Sità: Bencovazzo (Benkovac) · Nona (Nin) · Obrovazzo (Obrovac) · Pago (Pag) · Zara (Zadar) · Zaravecchia (Biograd na Moru)

Comuni: Bibinje · Cittavecchia (Starigrad-Paklenica) · Galovac · Gračac · Jasenice · Kali · Kukljica · Lišane Ostrovičke · Novegradi (Novigrad) · Oltre (Preko) · Pakoštane · Pasman (Pašman) · Polača · Poličnik · Possedaria (Posedarje) · Povljana · Privlaka · Puntadura (Vir) · Ražanac · Sale (Sali) · San Cassian (Sukošan) · Stankovci · Sveti Filip i Jakov · Škabrnja · Tkon · Vrsi · Zemonico Inferiore (Zemunik Donji)

Controło de autorità	VIAF (EN) 144237547 · El vałore BVEV055149 de SBN no el xe mija bon. · LCCN (EN) n79125138 · GND (DE) 4108909-1 · BNF (FR) cb11972592n (data) · WorldCat Identities (EN) n79-125138

↑ ^1,0 ^1,1 Declarà da: Register of spatial units of the State Geodetic Administration of the Republic of Croatia.
↑ URL de refarensa: https://it-ch.topographic-map.com/map-md921h/Zara/?zoom=19&center=44.11428,15.22766&popup=44.11447,15.22767.

[32c5d334d39ed5887e75d591de9351b053aacabf-1] 1,0 ^1,1 Declarà da: Register of spatial units of the State Geodetic Administration of the Republic of Croatia.

[b9c396eaf95caf5c54508d8861f58ac32037ba2b-2] URL de refarensa: https://it-ch.topographic-map.com/map-md921h/Zara/?zoom=19&center=44.11428,15.22766&popup=44.11447,15.22767.

[1]

[2]