Raf

Raf

Biografia
Nasimènto	(it) Raffaele Riefoli 29 de setenbre del 1959 (65 ani) Margherita di Savoia (Italia) (Itàlia)
Dati personałi
Altri nomi	Raf Raff
Atività
Ocupasion	cantautor, cantante, artista discogràfego
Atività	1977
Zènare	Italo disco (it)
Instrumento muzicałe	voxe - chitara
Targheta discogràfega	Columbia Records Sony Music
Àlbun	17
Àlbun stùdio	11
Àlbun dal vivo	1
Àlbun compilation	3
Partisipante in
1987	Eurovision Song Contest 1987 (it)
Repertòrio
Ełetropop, Rock, Pop Rap
Sito web	raf.it

Raf el cui nome vero el ze Raffaello Riefoli (Margherita de Savoia 29 setenbre 1959, el ze un cantante itałian.

I primi pasi

Fin da bòcia el mostra de aver na granda pasion par la mùzega. Durando łe stajon estive dei primi ani setanta, tute łe sere no manca l'ascolto de ła mùzega sonà da'l grupo "The Friends", na formasion łocałe un mucio conosùa a chel tenpo, sia a Margherita de Savoia, sia in altre sità łimitrofe de'l bareze e de'l fozan.

A 17 ani el se trasferise a Firense par studiàr architetura, par po' rivàr a Londra, indove el fonda, co Ghigo Renzulli, futuro ghitarista dei Litfiba, un grupo rock/punck, i Cafè Caracas, co i cuałi el insìde na cover de Mina Tintarella di Luna, na canson che i łondinezi no i conoseva. El laora cofà camarièr tutofàr, e el se mantien co i só sparanji. Un dì el se càta co Giancarlo Bigazzi, co'l cuało el forma un sodałisio che'l ghe vałe i primi ani de ła só cariera. Tornà a Firense inte l'era capitałe de ła New Wave itałiana, Raf el trae da'l só bagagio de espariensa tuto el materiałe nesesario par far nàser un novo prozéto muzegałe. Da cuełi fogi scriti de só punjo, nase Self Control, el só primo suceso discogràfego, cantà in łengua ingleze cofà el àlbun d'ezordio, a cui A sevitarà na łonga cariera de canson cantàe marełengua.

Co'l nome de Raf, donca, el taca ła só cariera inte'l 1983 insidendo altri singołi de suceso trazesti da Self Control sarà: Change your mind; London Town; Hard. Senpre in cuel'ano el se mete a scrivar co Bigazzi il principe par Claudia Mori che'l venjarà utiłizà cofà sigla de sarada de'l programa tv Hit Parade.

Cronołozìa sucesi

Inte'l 1983 el porta al suceso Self Control, brano pop-rock che suito el monta inte łe clasifeghe itałiane, grasie anca a na varsion de ła meregana Laura Branigan. Altri singołi trazesti da'l só primo albun i ze Change your mind e London Town. Inte'l 1987, el scrive el testo Si può dare di più che'l vinse el Festival de Sanremo. Inte'l steso ano, el riva terso a l'Eurovision Song Contest in cubia co Umberto Tozzi co Gente di mare, che'l raprezenta el só debuto łengua itałiana.

Inte'l 1988 el partesipa par ła prima volta a'l Festival de Sanremo co Inevitabile follia, dopo el cuało el pùblega l'albun Svegliarsi un anno fa, el cui brano de baze par ła stazon estiva el ze scrito da Gaetano Curreri, Il sapore di un bacio. L'ano drìo el torna a Sanremo co Cosa resterà degli anni '80, incluza inte l'albun Cosa resterà... che'l contien anca Ti pretendo, canson che ła ghe fa vinser el Festivalbar.

Inte'l 1991, oncora a Sanremo, el prezenta Oggi un dio non ho, e ghe segue po' l'albun Sogni... ze tutto quello che c'è, che'l contien altri sucesi: Interminatamente (publegà cofà singoło prima de'l Festival) e Siamo soli nell'immenso vuoto che c'è. In 'sto disco A ghe ze anca na canson cantàda co Eros Ramazzotti, ła se ciama Anche tu.

Inte'l 1993, el inpresta ła só voze par el debuto discografego de Laura Pausini (ła só prezensa ła ze espresamente rechiesta da ła zòvane cantante); i canta insieme Mi rubi l'anima. El vinse da novo el Festivalbar inte'l 1993 co Il battito animale, che'l se cata inte l'albun Cannibali da'l cuało A sarà po' ciapà fora do singołi de suceso cofà Due e Stai co me. Cannibali el sarà el só disco de mazor suceso a łeveło discografego.

Inte'l zunjo de'l 1995 A vien publegà Manifesto (primo CD-ROM muzegałe itałian)^{[sensa fonte]}. El singoło de vertura el ze Sei la più bella del mondo. I singołi sucesivi i sarà: Il suono c'è, Dentro ai tuoi occhi e Prima che sia dì. Inte l'autun de'l 1996 A vien fora ła prima rancura de ła só cariera intitołada Collezione temporanea. Sèdeze grandi sucesi de'l só repertorio i ze rearanzài par l'ocazion, oltra a ła nova canson Un grande salto.

El novo albun de inediti el ze 1998. La prova, albun da łe sonorità desizamente rock che'l otien òtemi rescontri da parte de ła critica, ma non artanti da'l pùblego. Da l'albun A sarà estrazesti tre singołi: Vita, Storie e pensieri di un alieno, La danza della pioggia e Little girl. Inte'l 2001 riva Iperbole antisipà da'l singoło Infinito che'l ghe fa vinser par ła tersa volta el Festivalbar. L'albun el ga un gran suceso otenjùo anca grasie ai altri tre brani estrati (Via, Nei silenzi ed Oasi).

L'albun drio el vien publegà inte ła verta de'l 2004, el cui titoło el gera: Ouch!, el cui brano trainante el ze ła bałada In tutti i miei dì. Pochi dì drìo l'insìda de Ouch, ła Mondadori ła pùblega l'autobriografia Cosa resterà... scrita a cuatro man co Domenico Liggeri. Inte'l 2005 A vien fora ła segonda rancura intitołada Tutto Raf. Diviza in do dischi, ła rancura no ła contien inediti parò ła ga do bonus track: E penso a te cover de ła canson de Lucio Battisti e Amarse o no amarse varsion spanjoła de Amarsi o non amarsi.

Senpre inte'l 2005 el partesipa a vari projeti. El dota co Edoardo Bennato in Ogni favola ze un gioco' co a ła ghitara Alex Britti, po' el ghe presta ła voze a'l projeto Jetlag inte'l brano E' necessario, e infin, el ciapa parte a'l disco de doti de Ron Ma quando dici amore?, cantando co łu inte'l brano La pace.

Inte'l 2006, el canbia caza discrografega pasando da ła CGD/WARNER a ła Sony-BMG e a magio el pùblega l'albun Passeggeri distratti, antisipà da'l singoło Dimentica conposto da Saverio Grandi, dirizendo anca el videoclip e che'l entra suito in clasifega, restàndoghe par un mucio de setimane. Inte l'istà de'l steso ano el partesipa a ła IV edision de O'Scià, el festival canoro organizù da Claudio Baglioni a Lanpeduza.

El 26 setenbre 2008 el pùblega Metamorfosi da cui, co antisipo, el estraze el singoło Ossigeno venjùo fora el 29 agosto. Non è mai un errore el ze el singoło despirà da Metamorfosi, el videoclip el ze firmà da'l rezista Claudio D'Avascio. El terso singoło, Ballo el vien fora invese inte l'Istà del 2009 . El Conclude el Metamorfosi Tour Parte II in Piasa Garibaldi a Porto Sant'Elpidio sabo 24 otobre 2009 in una piasa gremìa in ocazion de ła festa de'l patron San Crispino.

El 30 otobre 2009 A vien publeàg Soundview, el primo CD-DVD de Raf, suportà da'l brano mai proposto Par tutto il tempo. Le imàzene łe ze de'l conserto de'l Forum de Asago (sold-out par l'ocasion), ziràe durando el Metamorfosi tour de'l 27 febraro 2009. El dota co Savero Grandi inte'l brano Il doppiatore che'l se cata inte l'albun Pattinando sul ghiaccio sottile venjio fora inte l'apriłe del 2010.

El novo albun, Numeri, el ze venjùo fora el 10 magio 2011 par ła Sony BMG, e dòboto a tre ani da l'ùltemo łaoro discografego. Cofà singoło introdutivo A ze stà sielto Un'emozione inaspettata, in tute łe radio da'l 15 apriłe. El disco de colpo el ze balsà a'l primo posto de łe vendite i-tunes, mentre inte ła clasifega ofisiałe FIMI dei dischi pì vendùi in Itałia el ga debutà a ła pozision #6. 1 La title track ła ze cantada co Frankie HI-NRG MC e Nathalie. El segondo singoło estrato da l'albun el ze Senza cielo.

Vita privà

Dal 1996 el ze spozà co ła soubrette Gabriella Labate, che ła ghe ga dà do fiołi: Bianca (1996) e Samuełe (2000).

Albun

• 1984 - Self control
• 1988 - Svegliarsi un anno fa
• 1989 - Cosa resterà...
• 1991 - Sogni... ze tutto quello che c'è
• 1992 - Raf
• 1993 - Cannibali
• 1995 - Manifesto
• 1998 - La prova
• 2001 - Iperbole
• 2004 - Ouch!
• 2006 - Passeggeri distratti
• 2008 - Metamorfosi
• 2011 - Numeri

Rancure

• 1996 - Collezione temporanea
• 2005 - Tutto Raf

Live

• 2009 - Soundview CD DVD (co l'inedito Par tutto il tempo)

Singołi

• 1980 - Tintarella di luna/Say It's All Right Joy (Base record, co i Cafè Caracas)
• 1984 - Self Control
• 1984 - Change your mind
• 1985 - I don't want to lose you
• 1986 - Hard
• 1987 - Gente di mare co Umberto Tozzi
• 1988 - Inevitàbiłe follia
• 1988 - Il sapore di un bacio
• 1988 - Svegliarsi un anno fa
• 1989 - Cosa resterà degli anni '80
• 1989 - Ti pretendo
• 1989 - La battaglia del sesso
• 1991 - Interminatamente
• 1991 - Oggi un Dio non ho
• 1991 - Siamo soli nell'immenso vuoto che c'è
• 1991 - Senza respiro
• 1991 - Malinverno
• 1992 - Anche tu (co Eros Ramazzotti)
• 1992 - Amarsi o non amarsi
• 1993 - Il battito animale
• 1993 - Due
• 1993 - Stai co me
• 1994 - Il Canto
• 1995 - Sei la più bella del mondo
• 1995 - Il suono c'è
• 1995 - Dentro ai tuoi occhi
• 1995 - Io e te
• 1995 - Prima che sia dì
• 1996 - E' quasi l'alba
• 1996 - Un grande salto
• 1998 - Vita, storie e pensieri di un alieno
• 1999 - La danza della pioggia
• 1999 - Little girl
• 2001 - Infinito
• 2001 - Via
• 2002 - Nei silenzi
• 2002 - Oasi
• 2004 - In tutti i miei dì
• 2004 - Superstiti
• 2005 - Aria da niente
• 2006 - Dimentica
• 2006 - Passeggeri distratti
• 2006 - Il nodo
• 2007 - Salta più alto
• 2008 - Ossigeno
• 2008 - Non ze mai un errore
• 2009 - Ballo
• 2009 - Par tutto il tempo
• 2011 - Un'emozione inaspettata
• 2011 - Senza cielo
• 2011 - Controsenso

Cover

Inte el 2006 Laura Pausini gà reałixà na cover de Due inte el so albun Io canto. Ła canson xe stà prodota anca in version spagnoła (Dos).

Altri progeti

Altri progetti

• Wikimedia Commons

• Wikimedia Commons el detien imàjini o altri file so Raf
• el detien schemi gràfeghi so

Łigadure foreste

• Sito uficiałe
• Pagina so facebook
• Raf so MTV.it Archivià il 17 de zunjo 2012 in Internet Archive.

• pagina de raf so myspace (par i fans, raf tribute) e pagina personałe
• Pagina so google co somegie e video