MIME
Il MIME o par longo Multi-purpose Internet Mail Extensions (MIME; in veneto "estensioni multifunsion a ła posta de Internet") xe on stàndar de Internet chel xlarga la definision del formato dei mesaji de posta eletronega, in orixene definio dal SMTP, el protocoło de traxmisione de łe mail. MIME el xonta el suporto par:
- l'uxo de codifeghe de carateri difarenti da l'ASCII,
- l'union de difarenti mesaji intrà de łori,
- la codifega de mesaji (o i so tochi) che no xe de testo.
Ste novità rispeto a SMTP łe consente carateristeghe uncó conosue co l'uxo de la posta eletronega, come ałegato, l'invio de file no de testo, la longhesa arbitraria de łe linee de testo del mesajo steso, o oncora la firma dijitałe e la çifradura dei mesaji. Par garantire conpatibiłità col protocoło SMTP, i mesaji mail in formato MIME i njien codifegai in uno o pì mesaji inte el formato SMTP spedii in ordine. Cuaxi tute le mail scrivue da persone, e tante mail xenerade automaticamente, le njien traxmese doparando ste do tecnołoxie.
Anca se el formato l'è nasuo par ła posta ełetronega, al dí de oncó, el njien doparà anca in contesti tanto difarenti, come in contesti de comunicasion o memorixasion el cùi sojeto el gapia na codifega no fisada e che la gapia da esar esplicada da metadati. L'exenpio pì evidente xe el protocoło HTTP che l'è ła baxe del World Wide Web, andove i mesaji tra navegadori e server web i xe codifegai co MIME.
La descrision e la spesifega ufiçałe de MIME łe xe contegnue in sie documenti RFC de l'IETF: RFC 2045, RFC 2046, RFC 2047, RFC 4288, RFC 4289, RFC 2049.
el detien schemi gràfeghi so