Catocomunismo

El termine catocomunismo, el definise, inte el panorama filoxofego e pulitego italian, l'insieme de chei pensadori, relijoxi, pulitisi che, anca se i xe de diciarada fede catolega, i deside de ver na sielta pulitega e programatega rente a le poxision comuniste asentando, sensa esere del tuto d'acordo, gran parte del pensiero Marxista.

Difuxion e significà concreto

El termine se ga difondesto inte la publisistega pulitega italiana inte i ani '70, co on significà del tuto sprexativo, el termine xe servio par indicare l'avisinamento del Partio Comunista Italian e de la Democrasia Cristiana inte l'anbito de la stratexia Berlingueriana e Morotea anca ciamà Conpromeso Storico. I catocomunisti i se difarensia dai Catosociałisti che i ga raixe no marxiste ma visine al cristianexemo sociale come a exenpio el riformismo e la solidarietà.