Sahih (arab. – toʻgʻri, chin, sogʻlom) – eng ishonchli deb hisoblangan hadis toʻplamlarining nomi. Muhaddislarhadislarni haqiqiy va nohaqiqiyga ajratish (yaʼni, kodifikatsiya qilish) bilan shugʻullanib, isnodni tekshirish yoʻli bilan Sahih (ishonchli), hasan (yaxshi) va daif (zaif, kuchsiz)dan iborat 3 toifaga boʻlganlar, ulardan asosan Sahihlarini toʻplashga intilganlar. Shu munosabat bilan baʼzi toʻplamlarning nomi ham Sahih deb atalgan (masalan „Sahihi Buxoriy“, „Sahihi Termiziy“)[1].
