Pallastunturi

Pallastunturi tog'lar guruhi
	; Pallastunturining bahorgi manzarasi
Joylashuvi	Laplandiya, Finlandiya; 68°4′29″N 24°3′14″E / 68.07472°N 24.05389°E
	Finlandiya xaritasi

Pallastunturi — Finlandiyaning Laplandiya hududiga qarashli Muonio va Enontekiö munitsipalitetlarida joylashgan yetti choʻqqidan iborat togʻlar guruh. Eng baland choʻqqisi — 809-metr (2,654 ft) boʻlgan Taivaskero choʻqqisi boʻlib, u Kasivarsi hududidan tashqari butun Laplandiya va Pallas-Illästunturi milliy bogʻining eng baland choʻqqisi hisoblanadi^[1].

Turizm rivoji

Pallastunturi hududidagi daraxtlar Pallas-Yllästunturi milliy bogʻida joylashgan boʻlib, mazkur milliy bogʻ 1938-yilda tashkil etilgan. Pallastunturi qirlari Finlandiyaning 27 nafar milliy landshaftlari roʻyxatiga kiritilgan va hukumat himoyasiga olingan^[2].

Pallastunturi mehmonxonasi 1938-yilda sharshara yaqinida bunyod etilgan. Funksionalistik uslubda qurilgan ushbu bino 1944-yil oktyabr oyida Laplandiya urushi vaqtida nemis qoʻshinlari tomonidan vayron qilingan. 1948-yildan uning oʻrniga yangi qurilgan mehmonxona oʻz faoliyatini boshladi^[3]. Mazkur mehmonxonaga asosan qish oylarida tashrif buyuruvchilar soni ortadi. Ular qutb kunlarida paydo boʻladigan shimol yogʻdusidan bahramand boʻlish va Rojdestvo bayramini nishonlash maqsadida bu yerga tashrif buyuradilar.

1952-yilgi Olimpiya olovi

1952 yil 6-iyul yarim tunda Taivaskero choʻqqisi tepasida 1952-yilgi Yozgi Olimpiya oʻyinlarining ikkinchi Olimpiya mash’alasi yoqildi. Mash’ala qutb kunlarida chiqadigan quyosh nuri bilan hosil qilingan va Tornio shahriga olib borilgan hamda u yerda Gretsiyaning Olimpiya shahrida yoqilgan asosiy mash’ala bilan birlashtirilgan^[4]^[3]. Yunon olovi Gretsiyadan Daniyaga olib borilgan va keyinchalik yuguruvchilar jamoasi mash’ala estafetasi davomida uni Shvetsiya orqali Finlandiyaga olib oʻtganlar^[5].