Kamoliddin Oʻrinboyev

Kamoliddin Turdimurodovich Oʻrinboyev; Камолиддин Турдимуратович Ўринбоев
Umumiy maʼlumot
Tavalludi	21-avgust 1985-yil (39 yosh); Toshkent
Fuqaroligi	Oʻzbekiston
Taʼlimi	Oʻzbekiston davlat konservatoriyasi
Millati	oʻzbek
Faoliyat yillari	2007-yildan

Kamoliddin Turdimurodovich Oʻrinboyev — Oʻzbekiston yoshlar simfonik orkestri asoschisi, badiiy rahbari va bosh dirijyori. 2020-yil 16-iyundan hozirgi kunga qadar Oʻzbekiston davlat konservatoriyasi rektori^[1]^[2]^[3].

Biografiyasi

1985-yilda tug‘ilgan. Musiqiy taʼlimni Glier nomidagi musiqa akademik litseyida gʻijjak va skripka chalishni oʻrganishdan boshlagan. Oʻzbekiston davlat konservatoriyasining bakalavr bosqichini 2007-yilda, magistratura bosqichini 2009-yilda tugatgan. 2009-yili Chaykovskiy nomidagi Moskva davlat konservatoriyasining dirijyorlik fakultetiga oʻqishga kirdi. Sovet Ittifoqi xalq artisti Gennadiy Rojdestvenskiydan tahsil oldi^[4].

Janubiy Koreyaning „Buyuk ipak yo‘li“ (koreyscha: 그레이트 실크로드), Rossiyaning „Yangi nomlar“ (ruscha: Новые имена), „Spivakov taklif qilmoqda“ (ruscha: Спиваков приглашает) tanlovlarida ishtirok etgan. Qozog‘istonda oʻtkazilgan O‘zbekiston madaniyati kunlarida qatnashgan. 1998-yilda Qirgʻizistonda boʻlib oʻtgan Xalqaro musiqa festivali laureati, 2007-yilda Osiyo-Tinch okeani mintaqasi davlatlari 2-xalqaro tanlovida 1-darajali diplomga sazovor boʻlgan. 2009-yilda MDHga aʼzo davlatlar mumtoz musiqa ijrochilarining „Kreml yulduzlari“ (ruscha: Кремлёвские звёзды) xalqaro festivali laureati boʻlgan^[5].

Rossiya Davlat akademik simfonik orkestri, Ukraina milliy simfonik orkestri, Katta simfonik orkestri, Ippolitov-Ivanov simfonik orkestri, Brandenburg simfonik orkestri, Oʻzbekiston milliy simfonik orkestriga dirijyorlik qilgan^[6].

Opera dirijyori sifatida ham Katta teatrda chiqish qilgan. „Alisher Navoiy“ va „Fidelio“ operasiga dirijyorlik qilgan^[7].

2014-yilda bir guruh yosh hamfikr musiqachilar bilan birgalikda O‘zbekiston yoshlar simfonik orkestriga asos solgan^[8]. 2015-yil avgust oyida "Kamolot" yoshlar ijtimoiy harakati markaziy kengashi qarori bilan ushbu tashkilot qoshida orkestr rasman o‘z faoliyatini boshladi. 2020-yilda orkestr davlat rahbarining qarori bilan Madaniyat vazirligiga oʻtkazildi^[9].

Mukofotlari

2014-yilda Kamoliddin O‘rinboyev „Oʻzbekiston belgisi“ ko‘krak nishoni bilan taqdirlandi. Shu yil dekabr oyida Prezident Islom Karimovning farmoni bilan „Oʻzbekistonda xizmat koʻrsatgan artist“ unvoni berildi.

2022-yil 31-avgustda Ozarbayjonning "Doʻstlik" ordeni bilan mukofotlandi^[10].

2024-yil 24-avgustda Prezident Shavkat Mirziyoyevning farmoni bilan „Oʻzbekiston xalq artisti“ unvoni berildi^[11].

Manbalar

↑ „Уринбаев Камолиддин Турдимуратович“. Oʻzbekiston davlat konservatoriyasi.^{[sayt ishlamaydi]}
↑ „Kamoliddin O‘rinboyev O‘zbekiston Davlat konservatoriyasi rektori etib tayinlandi“. kun.uz.
↑ „Kamoliddin O‘rinboyev Davlat konservatoriyasi rahbari bo‘ldi“. gazeta.uz.
↑ „«Три звезды» в Государственной консерватории Узбекистан/“. Национальный филармонический оркестр России (НФОР).
↑ „О фестивале «Владимир Спиваков приглашает…»“. Национальный филармонический оркестр России (НФОР).
↑ „Brandenburgisches Staatsorchester Frankfurt“.
↑ „“Chxunxyan-chjon” Koreya milliy opera namoyishi“.^{[sayt ishlamaydi]}
↑ „Oʻzbekiston davlat simfonik orkestri tashkil etildi“.
↑ „Ўзбекистон Республикаси Маданият вазирлиги ҳузурида Ўзбекистон давлат симфоник оркестрини ташкил этиш чора-тадбирлари тўғрисида“. LexUz.
↑ „Насиба Абдуллаевага “Озарбайжон халқ артисти” унвони берилди“.
↑ „Ўзбекистон Республикаси мустақиллигининг ўттиз уч йиллиги муносабати билан фан, таълим, соғлиқни сақлаш, адабиёт, маданият, санъат соҳалари ва оммавий ахборот воситалари ходимларидан бир гуруҳини мукофотлаш тўғрисида“.

Havolalar

[1] „Уринбаев Камолиддин Турдимуратович“. Oʻzbekiston davlat konservatoriyasi.^{[sayt ishlamaydi]}

[2] „Kamoliddin O‘rinboyev O‘zbekiston Davlat konservatoriyasi rektori etib tayinlandi“. kun.uz.

[3] „Kamoliddin O‘rinboyev Davlat konservatoriyasi rahbari bo‘ldi“. gazeta.uz.

[4] „«Три звезды» в Государственной консерватории Узбекистан/“. Национальный филармонический оркестр России (НФОР).

[5] „О фестивале «Владимир Спиваков приглашает…»“. Национальный филармонический оркестр России (НФОР).

[6] „Brandenburgisches Staatsorchester Frankfurt“.

[7] „“Chxunxyan-chjon” Koreya milliy opera namoyishi“.^{[sayt ishlamaydi]}

[8] „Oʻzbekiston davlat simfonik orkestri tashkil etildi“.

[9] „Ўзбекистон Республикаси Маданият вазирлиги ҳузурида Ўзбекистон давлат симфоник оркестрини ташкил этиш чора-тадбирлари тўғрисида“. LexUz.

[10] „Насиба Абдуллаевага “Озарбайжон халқ артисти” унвони берилди“.

[11] „Ўзбекистон Республикаси мустақиллигининг ўттиз уч йиллиги муносабати билан фан, таълим, соғлиқни сақлаш, адабиёт, маданият, санъат соҳалари ва оммавий ахборот воситалари ходимларидан бир гуруҳини мукофотлаш тўғрисида“.

[1]

[2]

[3]

[4]

[5]

[6]

[7]

[8]

[9]

[10]

[11]