Dermografizm

Dermografizm (derma — teri va yun. graphein — chizmoq) — teriga mexanik taʼsir koʻrsatilgan (chizib koʻrilgan) joydagi qon tomirlar reaksiyasi. Bunda kizil yoki oq yoʻl koʻzga tashlanadi. D. normal yoki patologik boʻladi. Nopmal D. da terini biror narsa bilan chizilsa, bir necha sek. dan keyin kizil yoʻl koʻrinib, 1—3 min. da yoʻqoladi. Patologik D. kizil yoki oq boʻladi. Qizil D. nerv sistemasining haddan tashqari tez qoʻzgʻaluvchanligidan dalolat beradi. Ekzema (gush), psoriazning oʻtkir davrida, eshakem, ekssudativ eritema kabi kasalliklarda uchraydi. Oq D. qon tomirlarni toraytiruvchi markazi qoʻzgʻaluvchan kishilarda kuza-tiladi. U nevrodermit, qichima, psoriazda boʻladi. Qizil va oq D. bir vaqtda uchrashi mumkin. Bunda oq hoshiyali qizil yoʻl koʻrinadi. Bir kasallikning ikkinchisiga aylanishida, mas, bolalarda eshakemning qichimaga oʻtishida xuddi shunday boʻladi. Vegetativ nerv sistemasining holatini oʻrganishda, nerv va endokrin sistemalarning baʼzi kasalliklariga tashhis qoʻyishda D. muhim ahamiyatga ega.

Adabiyot

• OʻzME. Birinchi jild. Toshkent, 2000-yil