ہندکو

ہندکو
Hindko Panjistani
ہندکو
ہندکو شاہ مکھی میں
مقامی	پاکستان
علاقہ	ضلع پشاور، ضلع کوہاٹ، ہزارہ، خیبر پختونخوا، سطح مرتفع پوٹھوہار، پنجاب، پاکستان، آزاد کشمیر
مقامی متکلمین	31 لاکھ (2016)
لسانی خاندان	ہند۔یورپی ہند ایرانی ہند۔آریائی شمال مغربی پنجابی لہندا (مغربی پنجابی) ہندکو
لہجے	پشاوری کوہاٹی Awankari, گھیبی لہجہ, چھاچھی ہزارہ ہندکو Tanauli
نظام کتابت	شاہ مکھی
زبان رموز
آیزو 639-3	کوئی ایک: hnd – جنوبی ہندکو hno – شمالی ہندکو
گلوٹولاگ	hind1271

Hindko-speakers by Pakistani District - 2017 Census

ہندکو یا ہندکو زبان، اسے بعض ماہرین ہندکو لہجہ قرار دیتے ہیں۔ جو زبانوں کے ہند آریائی خاندان کے ذیلی زمرے لاندھا میں شامل ہے۔ اس زبان کو بولنے والے ہندکوان کہلاتے ہیں۔ یہ زبان پاکستان، شمالی ہندوستان اور افغانستان کے ہندکی علاقوں میں بولی اور سمجھی جاتی ہے۔ لفظ ہندکو کا لفظی مطلب ہند کے پہاڑوں کا ہے، یہ نام فارس کے علاقوں میں تمام ہمالیہ کے سلسلے کے لیے استعمال کیا جاتا ہے۔ فارسی زبان کے تحت لفظ ہند کا مطلب دریائے سندھ سے متعلق علاقوں اور کو سے مراد پہاڑ لی جاتی ہے۔ ہندکو کو اسی تناسب سے ہندوستان کی زبان سے موسوم کیا جاتا ہے۔ ہندکو کی اصطلاح قدیم یونانی علمی حلقوں میں بھی پائی جاتی رہی ہے، جس سے مراد حالیہ شمالی پاکستان اور مشرقی افغانستان کے پہاڑی سلسلے لیے جاتے ہیں۔ یہ زبان پاکستان میں خیبر پختونخوا کے ایبٹ آباد،مانسہرہ،ہری پور،بٹگرام، پشاور، کوہاٹ، جبکہ صوبہ پنجاب کے علاقوں اٹک اور پوٹھوہار اور آزاد کشمیر کے بیشتر علاقوں جیسے پونچھ،باغ،مظفر آباد،وغیرہ میں بولی جاتی ہے۔ ایک اندازے کے مطابق چالیس لاکھ لوگ اس زبان کو بول اور سمجھ سکتے ہیں۔ اس زبان کو بولنے والوں کا کوئی بھی خاص حوالہ نہیں ہے۔ یہ مختلف قومیتوں اور علاقوں سے تعلق رکھتے ہیں اور عام طور پر انتہائی بڑے قبیلوں میں بٹے ہوئے ہیں۔ لیکن ہزارہ ڈویژن کے علاقوں ہری پور، ایبٹ آباد اور مانسہرہ میں انھیں ہزارے وال ہزارہ ڈویژن کی نسبت سے پکارا جاتا ہے۔ پشاور شہر میں اس زبان کو بولنے والوں کو پشاوری یا خارے کے نام سے پکارا جاتا ہے جس کا مطلب پشاور شہر کے آبائی ہندکوان لیا جاتا ہے۔کہا جاتا ہے کہ پاکستان آزاد ہونے سے پہلے ریاست امب پہ تنولی قبیلہ کی حکمرانی تھی۔اور ہندکو یہاں پے سو فیصد بولی جاتی تھی۔اب بھی خیبرپختونخوا میں ہندکو بولنے والا سب سے بڑا قبیلہ تنولی ہے۔

ہندکو کے لہجے

ہند کو کے تیرہ لہجے ہیں

شمالی ہندکو

١۔ ایبٹ آباد ہندکو

٢۔گلیات ہندکو

٣۔ ہری پور ہندکو

٤۔ مانسہرہ ہندکو( تیکوں، میکوں)

٥۔ تنولی ہندکو

٦۔ اسلام آباد ہندکو

جنوبی ہندکو

٧۔ پشاوری

٨۔ چھاچھی

٩۔ گھیٻی

١٠۔ کوہاٹی ہندکو

١١۔ پشاوری دیہاتی ہندکو

١٢۔ دھنی

١٣۔ اعوانکاری

ہریانوی زبان

1947 میں دہلی اور اس کے نواحی علاقوں سے 72لاکھ ہریانوی اور لطیف اردو بولنے والے مہاجرین جنوبی پنجاب، کراچی اور مشرقی سندھ میں آباد ہوگئے۔ پاکستان میں 1947 سے تاحال مردم شماری میں ان کا تخمینہ دوہری مادری زبان کے قانون سے نہیں لگایا گیا۔ لیکن اعداد و شمار کے مطابق یہ تقریبا ڈیڑھ کڑوڑ سے زائد ہے، جو پاکستان کی آبادی کا قریباّ 6.25 فیصد ہے۔== حوالہ جات ==