وٹامن بی 12 کی کمی
| وٹامن بی 12 کی کمی | |
|---|---|
| مترادف | ہائپو کوبالا منیمیا، کوبالامین کی کمی |
 | |
| سائانوکوبالامین | |
| اختصاص | علم العصبیات, خون اور اس کی بیماریوں سے متعلق علم |
| علامات | سوچنے کی صلاحیت میں کمی، ڈپریشن، چڑچڑاپن، غیر معمولی احساسات، عصاب میں تبدیلی[1] |
| مضاعفات | میگالوبلاسٹک خون کی کمی[2] |
| وجوہات | ناقص جذب، خوراک میں کمی، ضروریات میں اضافہ[1] |
| تشخیصی طریقہ | بالغوں میں خون کی سطح 120–180 pmol/L (170–250 pg/mL) سے کم[2] |
| تدارک | زیادہ خطرہ والے افراد میں ضمیمہ کا استعمال[2] |
| علاج | منہ یا انجیکشن کے ذریعہ ضمیمہ جات[3] |
| تعدد | 6فیصد (<60 سال کی عمر)، 20فیصد (>60 سال کی عمر)[1] |
وٹامن بی 12 کی کمی ، جسے کوبالامین کی کمی بھی کہا جاتا ہے، وٹامن بی 12 کے خون اور بافتوں کی کم سطح کی طبی حالت ہے۔ [4] ہلکی کمی میں، ایک شخص تھکا ہوا محسوس کر سکتا ہے اور خون کے سرخ خلیات (خون کی کمی) کی تعداد کم ہو سکتی ہے۔ [1] درمیانی یا معتدل کمی میں ، زبان میں تکلیف اور اعصابی علامات بشمول چبھن اور سوئیاں جیسے غیر معمولی احساسات کا آغاز ہو سکتا ہے۔ [1] شدید کمی کی صورت میں دل کے افعال میں کمی کی علامات کے ساتھ ساتھ زیادہ شدید اعصابی علامات بھی شامل ہو سکتی ہیں، بشمول اضطراری تبدیلی، پٹھوں کی کمزوری، یادداشت کے مسائل، ذائقہ میں کمی ، شعور کی سطح میں کمی ، ذھا ن [1] اور بانجھ پن ہو سکتا ہے۔ [1] [5] چھوٹے بچوں کی علامات میں خراب نشو و نما ، نشو و نما میں تاخیر اور نقل و حرکت میں مشکلات شامل ہیں۔ [2] ابتدا میں علاج کے بغیر، کچھ تبدیلیاں مستقل ہو سکتی ہیں۔ [6]
اسباب کو معدہ یا آنتوں سے وٹامن بی 12 کے جذب میں کمی ، خوراک کی کمی یا ضرورتوں میں اضافہ کے طور پر درجہ بند کیا گیا ہے۔ جذب میں کمی، نقصان دہ خون کی کمی ، معدے کو جراحی سے ہٹانے ، لبلبے کی دائمی سوزش ، آنتوں کے طفیلیوں ، بعض دوائیں اور کچھ جینیاتی عوارض کی وجہ سے ہو سکتی ہے۔ [1] وہ ادویات جو جذب کو کم کر سکتی ہیں ان میں پروٹون پمپ روکنے والے ، H2-رسیپٹر بلاکرز اور میٹفارمین شامل ہیں۔ [7] سبزی خوروں اور غذائی قلت کے شکار افراد میں خوراک میں کمی واقع ہو سکتی ہے۔ [1] [8] ایچ آئی وی/ایڈز والے لوگوں میں اور خون کے سرخ خلیات کی عمر کم ہونے والوں میں تقاضوں میں میں اضافہ ہو سکتا ہے۔ [1] تشخیص عام طور پر بالغوں میں 120–180 pmol/L (170 سے 250 pg/mL) سے کم وٹامن B 12 کے خون کی سطح پر مبنی ہے۔ [2] بلند میتھیلمالونک ایسڈ کی سطح بھی کمی کی نشان دہی کر سکتی ہے۔ [2] خون کی کمی کی ایک قسم جسے میگالوبلاسٹک انیمیا اکثر ہو جاتا ہے لیکن یہ ہمیشہ نہیں ہوتا ہے۔ [2]
علاج میں وٹامن بی 12 کا منہ یا انجیکشن کے ذریعے استعمال کرنا شامل ہے۔ ابتدائی طور پر روزانہ کی زیادہ مقدار میں، حالت بہتر ہونے کے بعد کم خوراک باربار دی جاتی ہیں۔ [3] اگر دوبارہ ہونے کا کوئی سبب پایا جائے تو اس وجہ کو اگر ممکن ہو تو درست کیا جاتا ہے ۔ [9] ااگر ایسا کوئی سسب نہ ہو یا اگر ہو اور اسے ختم نہیں کیا جا سکتا ہو ،تو عام طور پر عمر بھر وٹامن بی 12 کے استعمال کی سفارش کی جاتی ہے۔ [10] وٹامن بی 12 کی کمی وٹامن پر مشتمل سپلیمنٹس سے روکی جا سکتی ہے: یہ دوران حمل، سبزی خوروں اور نبات خوروں میں تجویز کی جاتی ہے، مگر یہ دوسروں کے لیے بھی نقصان دہ نہیں ہے۔ [2] وٹامن بی 12 کی وجہ سے زہریلا ہونے کا خطرہ کم ہے۔ [2]
امریکہ اور برطانیہ میں وٹامن بی 12 کی کمی 60 سال سے کم عمر کے تقریباً 6 فیصد اور 60 سال سے زیادہ عمر والوں میں سے 20 فیصد میں ہونے کا اندازہ لگایا گیا ہے لاطینی امریکہ میں، تقریباً 40 فیصد اور افریقہ اور ایشیا کے کچھ حصوں میں یہ 80 فیصد تک ہو سکتا ہے۔ [1]
حوالہ جات
[ترمیم]- ^ ا ب پ ت ٹ ث ج چ ح خ د A Hunt؛ D Harrington؛ S Robinson (4 ستمبر 2014)۔ "Vitamin B12 deficiency" (PDF)۔ BMJ۔ ج 349۔ g5226۔ DOI:10.1136/bmj.g5226۔ PMID:25189324۔ 2017-03-12 کو اصل (PDF) سے آرکائیو کیا گیا
- ^ ا ب پ ت ٹ ث ج چ ح "Dietary Supplement Fact Sheet: Vitamin B12 — Health Professional Fact Sheet"۔ National Institutes of Health: Office of Dietary Supplements۔ 11 فروری 2016۔ 2016-07-27 کو اصل سے آرکائیو کیا گیا۔ اخذ شدہ بتاریخ 2016-07-15
- ^ ا ب H Wang؛ L Li؛ LL Qin؛ Y Song؛ V Vidal-Alaball؛ TH Liu (مارچ 2018)۔ "Oral vitamin B12 versus intramuscular vitamin B12 for vitamin B12 deficiency"۔ Cochrane Database of Systematic Reviews۔ ج 3۔ CD004655۔ DOI:10.1002/14651858.CD004655.pub3۔ PMC:5112015۔ PMID:29543316
- ↑ Wolfgang Herrmann (2011)۔ Vitamins in the prevention of human diseases۔ Berlin: Walter de Gruyter۔ ص 245۔ ISBN:9783110214482۔ 2021-08-05 کو اصل سے آرکائیو کیا گیا۔ اخذ شدہ بتاریخ 2020-05-09
- ↑ "Complications"۔ nhs.uk۔ 20 اکتوبر 2017۔ 2021-07-16 کو اصل سے آرکائیو کیا گیا۔ اخذ شدہ بتاریخ 2018-05-09
- ↑ ^ Lachner, C; Steinle, NI; Regenold, WT (2012)
- ↑ ^ Miller, JW (1 July 2018)
- ↑ ^ Pawlak, R; Parrott, SJ; Raj, S; Cullum-Dugan, D; Lucus, D (February 2013)
- ↑ Graeme J. Hankey؛ Joanna M. Wardlaw (2008)۔ Clinical neurology۔ London: Manson۔ ص 466۔ ISBN:978-1840765182۔ 2021-08-27 کو اصل سے آرکائیو کیا گیا۔ اخذ شدہ بتاریخ 2020-05-09
- ↑ William Schwartz (2012)۔ The 5-minute pediatric consult (6th ایڈیشن)۔ Philadelphia: Wolters Kluwer Health/Lippincott Williams & Wilkins۔ ص 535۔ ISBN:9781451116564۔ 2021-08-27 کو اصل سے آرکائیو کیا گیا۔ اخذ شدہ بتاریخ 2020-05-09