عبد الرحمن بن علی حلوانی

عبد الرحمن بن علی حلوانی
(عربی میں: عبد الرحمن بن علي الحلواني)
معلومات شخصیت
پیدائش	سنہ 1097ء   بغداد
وفات	16 جولا‎ئی 1151ء (53–54 سال)  بغداد
مذہب	اسلام
فرقہ	اہل سنت
فقہی مسلک	حنبلی
عملی زندگی
پیشہ	فقیہ ،  مفسر قرآن ،  تاجر
پیشہ ورانہ زبان	عربی
شعبۂ عمل	حنبلی ،  تفسیر قرآن ،  علم حدیث ،  اصول فقہ

ابو محمد عبد الرحمن بن ابو الفتح علی حلوانی بغدادی، اصولی اور فقیہ تھے، عباسی عہد میں عراق کے مشہور مفسر تھے۔

ولادت اور حالاتِ زندگی

بغداد میں سنہ 490 ہجری مطابق 1097 عیسوی میں پیدا ہوئے، اپنے والد اور ابو الخطاب سے فقہ کا علم حاصل کیا، حسین خلال اور ان کے طبقہ کے محدثین سے علم حدیث حاصل کیا، فقہ اور اصول فقہ میں بڑے ماہر تھے، مناظرہ، حدیث، فتویٰ اور تصنیف سے زیادہ اشتغال تھا، چھٹی صدی ہجری مطابق بارہویں صدی عیسوی کے حنبلی مذہب کے فقہا میں شمار ہوتا ہے، ادب سے بھی اچھی معرفت حاصل تھی، سرکہ کی تجارت کیا کرتے تھے، اسی کی کمائی سے گذر بسر کرتے، کسی سے کوئی چیز نہیں لیتے تھے۔

سیرت

• ابن شافع کہتے ہیں: «عبد الرحمن حلوانی فقیہ تھے، فتویٰ دیا کرتے تھے، ان کے دیار کے لوگ ان سے استفادہ کرتے تھے۔»
• ابن نجار کہتے ہیں: «بھلائی، صلاح اور فضل سے متصف تھے۔»
• ابن الجوزی کہتے ہیں: «سرکہ کی تجارت کرتے تھے، اسی سے نفع کماتے تھے، کسی کی کوئی چیز قبول نہیں کرتے تھے۔»

اساتذہ

• ان کے والد ابو الفتح علی حلوانی
• علی بن ایوب بزار
• مبارک بن عبد الجبار
• حسین خلال
• ابو نصر بن ودعان

تلامذہ

یحی بن طاہر بن نجار واعظ اور دوسرے لوگوں نے استفادہ کیا۔

تالیفات

• تفسیر القرآن (41 اجزاء پر مشتمل ہے)
• التبصرہ فی الفقہ
• الہدایہ فی اصول الفقہ

وفات

وفات 30 ربیع الاول سنہ 546 ہجری مطابق 26 جولائی 1151 عیسوی میں ہوئی۔ نماز جنازہ اگلے روز جبلہ کی پرانی عید گاہ میں ہوئی اور مامونیہ میں دفن کیا گیا۔