شہاب الدین احمد، سلطان مصر

الناصر شہاب الدین احمد
الملک الناصر
سلطان مصر و سوریہ
21 جنوری، 1342 – 27 جون، 1342ء
پیشرو	الاشرف کجک
جانشین	الصالح اسماعیل
شریک حیات	ظاہربوغا طاہربوغا (سن 1331ء میں شادی ہوئی)
نسل	None
مکمل نام الملک الناصر شہاب الدین احمد ابن محمد
خاندان	قلاوون
والد	الناصر محمد
والدہ	بیاد
پیدائش	سن 1316ء قاہرہ، مصر کی مملوک سلطنت مملوک
وفات	16 جولائی 1344(1344-70-16) (عمر  27–28 سال) مصر کی مملوک سلطنت
مذہب	اسلام

الناصر شہاب الدین احمد بن محمد ابن قولون، جسے ناصر احمد کے نام سے جانا جاتا ہے، (1316 - 16 جولائی 1344) مصر کا بحری مملوک سلطان تھا، جس نے جنوری سے جون 1342ء تک حکومت کی۔ سلطان ناصر محمد کا بیٹا، وہ سنہ 1341ء میں اپنے والد کی وفات کے بعد غیر یقینی صورت حال کی وجہ سے جانشینی کے کے عمل میں الجھ کر رہ گئے۔ الناصر احمد نے اپنی زندگی کا بیشتر حصہ اردن کے صحرائی قلعے الکرک میں گزارا اور وہ قاہرہ میں سلطنت سنبھالنے سے گریزاں تھے، اس لیے الکرک میں رہنے کو ترجیح دی، جہاں انکا شہر کے باشندوں اور ارد گرد کے بدوئی قبائل کے ساتھ گہرا تعلق تھا۔ ان کے شامی حامی، امیر تشتیمور اور قتلبوغہ الفخری نے شام کو ناصر احمد کے سرکاری کنٹرول میں لانے کے لیے کامیابی کے ساتھ تدبیر کی، جب کہ مصر کے ہمدرد امیر، مملوک کے طاقتور امیر قوسون اور اس کے کٹھ پتلی سلطان، ناصر احمد کے سوتیلے بھائی، الاشرف کجک، جو پانچ سال کا تھا، کو بے دخل کرنے میں کامیاب رہے۔ الناصر احمد نے مصر روانگی میں قدرے تاخیر کے بعد بالآخر سلطنت سنبھال لی۔

الناصر احمد کو ایک الگ تھلگ سلطان کے طور پر جانا جاتا تھا، جو زیادہ تر الکرک کے حامیوں میں گھرے رہتے تھے اور مصر کے مملوک امیروں سے شاذ و نادر ہی براہ راست رابطہ کرتے تھے اور عوام میں جانے سے بھی گریزاں تھے۔ اپنے دور حکومت کے دو ماہ بعد، وہ خزانے سے کافی رقم لے کر اور کئی گھوڑوں اور اعلیٰ انتظامی اہلکاروں کے ساتھ پھر الکرک منتقل ہو گئے۔ انھوں نے الکرک کے صحرائی قلعے سے نظام سلطنت چلائے اور ایک نائب امیر اقسون السالاری کو اپنی طرف سے مصر میں معاملات کی نگرانی کے لیے چھوڑ دیا۔ ان کا غیر روایتی طرز حکمرانی، غیر سنجیدگی اور ان کے وفادار حامی سرداروں، تشتیمور اور قتلبوغہ کی سزائے موت، ناصر احمد کی اپنے سوتیلے بھائی، صالح اسماعیل کے ہاتھوں سلطنت سے معزولی کا باعث بنی۔ وہ الکرک کے قلعے میں رہے، جس کا مملوکوں نے کم از کم سات بار محاصرہ کیا، یہاں تک کہ جولائی، 1344ء میں انھیں گرفتار کر لیا۔ اور اسی مہینے کے آخر میں صالح اسماعیل کے حکم پر انھیں قتل کر دیا گیا۔

کتابیات

• Bauden، Frederic (2004)۔ "The Recovery of Mamluk Chancery Documents in an Unsuspected Place"۔ بہ Winter، Michael؛ Levanoni، Amalia (مدیران)۔ The Mamluks in Egyptian and Syrian Politics and Society۔ Leiden: Brill۔ ISBN:9004132864
• Bauden، Frédéric (2009)۔ "The Sons of al-Nāṣir Muḥammad and the Politics of Puppets: Where Did It All Start?" (PDF)۔ Mamluk Studies Review۔ Middle East Documentation Center, The University of Chicago۔ ج 13 شمارہ 1
• Drory، Joseph (2006)۔ "The Prince who Favored the Desert: Fragmentary Biography of al-Nasir Ahmad (d. 745/1344)"۔ بہ Wasserstein, David J.؛ Ayalon, Ami (مدیران)۔ Mamluks and Ottomans: Studies in Honour of Michael Winter۔ Routledge۔ ISBN:9781136579172
• Rappoport، Angelo Solomon (1904)۔ History of Egypt From 330 B.C. To the Present Time, Volume (12 of 12)۔ London: Groiler Society
• Rowson، Everett K. (2008)۔ "Homoerotic Liaisons among the Mamluk Elite in Late Medieval Egypt and Syria"۔ بہ Babayan، Kathryn؛ Najmabadi، A. (مدیران)۔ Islamicate Sexualities: Translations Across Temporal Geographies of Desire۔ President and Fellows of Harvard College۔ ISBN:9780674032040
• Sharon، M. (2009)۔ Handbook of Oriental Studies: The Near and Middle East. Corpus inscriptionum Arabicarum Palaestinae۔ BRILL۔ ISBN:978-90-04-17085-8

شہاب الدین احمد، سلطان مصر بحری مملوک چھوٹی شاخ سلطنت مملوک (مصر) پیدائش: 1316 وفات: 16 جولائی 1344
شاہی القاب
ماقبل  علاء الدین کجک	مملوک سلاطین 21 جنوری 1342 – 27 جون 1342	مابعد  عماد الدین اسماعیل