سلیم بی بی بھروانا

سلیم بی بی بھروانا
رکن پنجاب صوبائی اسمبلی
آغاز منصب 15 اگست 2018
معلومات شخصیت
پیدائش	سنہ 1957ء (عمر 66–67 سال)
جماعت	پاکستان تحریک انصاف
اولاد	غلام بی بی بھروانہ
عملی زندگی
پیشہ	سیاست دان

سلیم بی بی بھروانا ایک پاکستانی سیاست دان ہیں جو اگست 2018 سے پنجاب کی صوبائی اسمبلی کی رکن ہیں۔ ان کی سیاسی وابستگی پاکستان تحریک انصاف سے ہے۔

سلیم بی بی سن 2018 سے پنجاب کی صوبائی اسمبلی  کی رکن رہی ہیں۔سلیم بی بی نے 13 اگست 2018 کو پنجاب صوبائی اسمبلی کی رکنیت کا حلف اٹھایا۔

ابتدائی اور ذاتی زندگی

سلیم بی بی بھروانا یکم جنوری 1957 کو پاکستان کے شہر جھنگ میں پیدا ہوئیں اور ان کی مستقل رہائش جھنگ ہی میں ہے۔ ان کے والد کا نام مہر محمد اقبال ہے۔ سلیم بی بی کی تعلیم کے بارے میں کوئی قابل تصدیق مواد میسر نہیں ، گمان غالب ہے کہ وہ پڑھی لکھی نہیں ہیں۔

سلیم بی بی بھروانا کی بیٹی غلام بی بی بھروانا دو دفعہ قومی اسمبلی کی رکن رہ چکی ہیں، پہلی دفعہ 2002 سے 2007 کی اسمبلی میں اور دوسری دفعہ 2008 سے 2013 کی قومی اسمبلی میں۔ سلیم بی بی زراعت سے منسلک ہیں اور اس کے ساتھ ساتھ وہ سیاست دان بھی ہیں ۔

سیاسی کیریئر

وہ 2018 کے عام انتخابات میں حلقہ پی پی 96 (چنیوٹ چہارم) سے پاکستان تحریک انصاف کی امیدوار کے طور پر پنجاب کی صوبائی اسمبلی کے لیے منتخب ہوئیں۔

سلیم بی بی پنجاب اسمبلی میں نووارد ہیں اور پڑھی لکھی بھی نہیں ہیں اس وجہ سے وہ خاموش طبع اور غیر فعال صوبائی اسمبلی رکن ہیں جو کسی بھی قائمہ کمیٹی کی رکن نہیں ہیں۔ توجہ دلاؤ نوٹس اور اسمبلی میں ایک بھی سوال نہیں پوچھا ، نہ ہی کسی اسمبلی کی قرارداد میں شریک رہیں چاہے وہ نجی ہو یا مشترکہ۔