ثمامہ بن عدی

حضرت ثمامہ بن عدیؓ
معلومات شخصیت
عملی زندگی
پیشہ	عسکری قائد
عسکری خدمات
لڑائیاں اور جنگیں	غزوۂ بدر

ثمامہ بن عدی غزوہ بدر میں شامل ہونے والے مہاجر صحابہ میں شامل ہیں۔

نام ونسب

ثمامہ نام باپ کا نام عدی تھا،نسبی تعلق قریش سے تھا؛لیکن اس کی تصریح نہیں ملتی کہ اس کی کس شاخ سے تعلق تھا۔

اسلام

زمانۂ اسلام کی تعیین بھی نہیں کی جا سکتی، مگر اتنا معلوم ہے کہ یہ شرف ابتدائی ایام میں حاصل ہوا، چنانچہ ارباب سیر نے آپ کو مہاجرین اولین کے زمرہ میں شامل کیا۔

غزوات

ہجرت کے بعد بدر عظمیٰ میں شریک ہوکر امتیاز خاص حاصل کیا۔عثمان غنی رضی اللہ عنہ کے زمانہ میں صنعاء کی مسند حکومت پر سرفراز ہوئے ،آپ کی شہادت کے وقت یہیں تھے، یہ المناک خبر سن کر آنکھوں سے آنسو جاری ہو گئے،اسی حالت میں خطبہ دیا،ضبط گریہ گلوگیر تھا، بمشکل چند جملے کہہ سکے کہ امت محمدیہ ﷺ میں آج خلافت سلطنت سے بدل گئی، اب جو شخص جس چیز پر قابض ہوگا اس کو کھائے گا۔