Альпзэе

Альпзэе ты

Альпзэе яке Альп ты (нем. Der Alpsee) -  Бавариысь Остальгау интыысь 1,9 иськеме кыстӥськись ты. Пыре Швангау гуртэ. Мурдалаез 4,70 иськем.  

Альпзэе вӧзын сыло 2 тодмо королевской замокъёс: Хоэншвангау но Нойшванштайн - Сойлинг гурезь улын ик. Тылэн уйпал-шундыпуксёназ, 2 иськемын, интыяське Фюссен кар, лымшораз 450 метрын Австриен кунгож ортче, уйпалаз 400 метрын вань пичигес Шванзэе ты. 

Альпзэе - Германиысь одӥгез тужгес чылкытэз ты. Гужем солэн вуаз пыро матаз улӥсь немецъёс но, туристъёс но. Ты вӧзын интыяське пыжъёсыз но ву вылтӥ ветлӥсь мукет арбериосыз возён юрт, отысь кулэзэ арендовать карыны луэ. Толалтэ, кезьыт дыръя, ты вылтӥ конькиен нискыланы луэ.  

Альпзэе - Баварилэн узырлыкез, нош Виттельсбахер фонд сое арендовать каре. 

2011-тӥ ар пумын Альпзэе дурын ик усьтӥськиз Баварской корольёслэн музейзы.