Vilalar
Vilalar - könyaq slavännar mifologiäsendä töskä-bitkä matur bulğan qanatlı qızlarnı atağannnar. Vilalarnıñ çäçläre ozın bulğan, ä ozın itäkle aq kiemnäre at, käcä yäisä işäk toyaqlarına oxşağan ayaqların yäşergän. İmeş, qızlarnıñ bu kiemnären qulğa töşerä alsañ, alar siña xezmät itä başlayaçaq ikän.
Vilalar başlıça tawlarda yäşägän. Qanatlar alarğa yuğarığa kütärelergä, ber tawdan ikençesenä oçıp töşärgä yärdäm itkän. Şul uq waqıtta vilalarnıñ yäşäyeşe su çığanaqları — küllär, qoyılar, yılğalar belän dä bäyle bulğan. İmeş, alarnıñ açuın çığarsañ, sine sudan bötenläy mäxrüm itärgä mömkinnär.
Vilalar keşelärgä qarata nigezdä yaxşı mönäsäbättä yäşägännär, moxtaclarğa, yätimnärgä bulışa torğan bulğannar.
Başqa bik küp mifologik zatlardan ayırmalı bularaq, vilalar ülemsez tügel. Ä inde qanatların sındırsañ, alar, oça alu säläten yuğaltıp, ğadi xatın-qız bulıp qalırğa mömkinnär imeş, di.
Vilalar tabib rolen dä başqarğannar — keşelärne däwalağannar. Alarnıñ ülemen dä aldan kürä alğannar. Şul uq waqıtta üzlären qıyırsıtqan keşene ber qaraşları belän genä dä yuq itä alu sälätenä iä bulğannar, dip ışanğannar borınğılar.
Сылтамалар
[үзгәртү | вики-текстны үзгәртү]- Вакарелски X., Етнография на България, София, 1974, с. 503-505.
- Иванов В. В., Топоров В. Н. Вилы // Мифы народов мира. Энциклопедия. М., 1991. Т. 1, с. 236.
 |
Бу — мифология турында мәкалә төпчеге. Сез мәкаләне үзгәртеп һәм мәгълүмат өстәп,  Википедия проектына ярдәм итә аласыз.
|