Әлфинур Галиәкбәрова

Әлфинур Галиәкбәрова
Әлфинур Галиәкбәрова
Туган телдә исем	Әлфинур Азат кызы Галиәкбәрова
Туган	18 апрель 1965 (59 яшь); ССРБ, РСФСР, ТАССР, Буа
Милләт	татар
Ватандашлыгы	ССРБ→; РФ
Һөнәре	икътисадчы
Бүләк һәм премияләре	Казанның 1000 еллыгы истәлегенә медале
Гыйльми дәрәҗә:	икътисад фәннәре нәмзәте[d]

Википедиядә Галиәкбәров фамилияле башка кешеләр турында мәкаләләр дә бар.

Әлфинур Галиәкбәрова, Әлфинур Азат кызы Галиәкбәрова (1965 елның 18 апреле, ССРБ, РСФСР, ТАССР, Буа) — икътисад белгече, галим, Яр Чаллы педагогика университеты ректоры (2018 елдан), 2011—2018 елларда Яр Чаллы шәһәр башкарма комитеты җитәкчесе урынбасары. Икътисад фәннәре кандидаты, доцент. Татарстанның атказанган икътисадчысы (2006).

Тәрҗемәи хәле

1965 елның 18 апрелендә Татарстан АССР Буа шәһәрендә туган. Казан дәүләт финанс-икътисад институтын (2011 елдан Казан (Идел буе) федераль университеты составында) «сәнәгатьне планлаштыру» белгечлеге буенча тәмамлаган (1986).

1986—1989 елларда — Казан дәүләт университетында эшли: укытучы-стажер, икътисад кафедрасы өлкән лаборанты.

1989—1995 елларда — Волгоград физик тәрбия институтының Яр Чаллы филиалы укытучысы.

1995—1999 елларда — Яр Чаллы шәһәре мэриясендә: бүлек мөдире, икътисад буенча вице-мэр.

1999—2011 елларда — ТР финанс министрлыгының казначылык департаменты Яр Чаллы территориаль бүлеге (рус. НабережночелнинскоеТО ДК МФ РТ) башлыгы.

2011—2018 елларда — Яр Чаллы шәһәр башкарма комитеты җитәкчесе урынбасары —финанс идарәсе башлыгы.

2005 — «Казанның меңьеллыгы хөрмәтенә» медале
2005 — Татарстанның атказанган икътисадчысы
2015 — «Фидакарь хезмәт өчен» медале ― финанс-икътисадый эшчәнлектәге казанышлары, күпьеллык нәтиҗәле хезмәте өчен^[1]

Ире Сирень Галиәкбәров, Чаллы ФСБ идарәсе хезмәт башлыгы^[2]