Казан ярминкәсе

Казан ярминкәсе
	Казан ярминкәсе
	Казанская ярмарка
	; Казан ярминкәсе логотибы
Рәсми теле:	рус, инглиз, татар
Җитәкчеләр
генераль директор	Лев Семенов
Нигезләү
	1956
	1991
http://www.expokazan.ru/

Казан ярминкәсе, «Казан ярминкәсе» ААҖ (ингл. JSC Kazan fair, рус. ОАО «Казанская ярмарка») — Татарстан Республикасы башкаласы Казан шәһәрендә Ырынбур тракты, 8 йорт адресы буенча урнашкан күргәзмә үзәге, ширкәт.

Республикада үзенең күргәзмә мәйданнары булган бердәнбер күргәзмә үзәге^[1].
Россиядә халыкара сыйфат стандартларына туры килүе турында ISO сертификаты булган бердәнбер күргәзмә үзәге.
Россия күргәзмә һәм ярминкәләр берлеге (РСВЯ) әгъзасы.
2002 елдан Бөтендөнья күргәзмә сәнәгате ассоциациясендә (UFI) әгъза.
2007 елда халыкара сыйфат стандартларына туры килүе турында ISO 9001-2008 сертификаты ала.
2013 елдан Халыкара конгресс һәм конференцияләр ассоциациясе (ICCA) әгъзасы.
Генераль директор Лев Семенов.

Тарих

Казан кирмәне янәшәсендә узучы ярминкәләр турында мәгълүмат гарәп елъязмаларында XII гасыр азакларында ук очрый. Төбәкнең табигый яктан уңайлы җирдә урнашуы бирегә Идел буе, Кавказ, Урта Азия, Кырым, Иран сәүдәгәрләрен җәлеп итә, Көнчыгыш илләре һәм Көнбатыш Европа, Россия арасында тауар алмашуда табышлы катнашу мөмкинлеге тудыра. Казан ярминкәсе Мәкәрҗә ярминкәсе һәм Эрбет ярминкәсе белән беррәттән, Россиянең эре сәүдә үзәге саналган.

600 ел буена, ХХ гасыр башларына кадәр, Казан кирмәне диварлары янәшәсендә «Ташаяк» ярминкәсе эшли, Гостиный двор, Казанка елгасының тамагында, Арча кырында эре сәүдә урыннары була.

ТАССР ВДНХсы

Совет заманында ярминкә урынына 1956 елның 14 октябрендә рәсми рәвештә ачылган ТАССР халык хуҗалыгы казанышлары күргәзмәсе (ТАССР ВДНХсы) эшли. Әүвәлге исеме — Татарстан АССР министрлар шурасы каршындагы республика сәнәгать һәм авыл хуҗалыгы күргәзмәсе. Анда планлы социализм казанышлары күрсәтелә.
1956 елда кыска вакыт эчендә бушлыкта корып коелган «Казан ярминкәсе» (ул вакытта ТАССР ВДНХсы) биналары бердәм архитектура комплексы тәшкил итә. Корылмалар (павильоннар) кырыс гадилеге белән аерылып торган. Территориядә агачлар утыртыла, радио, телефон сузыла, павильоннар су белән тәэмин ителә.
1990 елларга кадәр ВДНХ территориясендә «Икмәк әйберләре», «Азык-төлек сәнәгате», «Халыкка көнкүреш хезмәте күрсәтү», «Фән», «ТАССР сәнәгате», «Халык мәгарифе» павильоннары эшли.

ВИКО

1991 елда ТАССР ВДНХсы «ВИКО» күргәзмә-мәгълүмати табышлы оешмасы итеп үзгәртелә.
1992 елда I халыкара «Нефть, газ» күргәзмәсе уздырыла.
1993 елда ВИКО БДБ һәм Балтия илләренең күргәзмә һәм ярминкәләр халыкара берлегенә кабул ителә. Әлеге берлектә элекке ССРБның 40 эре күргәзмә үзәге исәпләнә.
1998 елда ВИКО «Казан ярминкәсе» ААҖ итеп үзгәртелә. Күргәзмә мәйданнарына үзгәртеп кору үткәрелә: 1- санлы павильон, бизнес-үзәк төзелә, VIP-класслы баш павильон тулысынча үзгәртеп корыла, административ биналар яңартыла, автотукталышлар ясала, саклау биналары корыла, ярминкә җирлегендә төзекләндерү эше башкарыла.

Элемтәләре

«Казан ярминкәсе» ААҖ чит илләр (Төркия, Чехия) һәм Россиянең 100 дән артык күргәзмә оешмасы белән элемтәдә тора: «Экспоцентр» ААҖ (Мәскәү), БөтенРоссия күргәзмә үзәге (элекке ССРБ ВДНХсы) (Мәскәү), «ПетроКонгресс» һәм «Экспофорум» (Петербург), Чиләбе, «Иннопром» (Екатеринбург), Түбән Новгород, «ВДНХ-Экспо» (Уфа), Ижау, Пермь, «Экспоград Юг» (Краснодар), «Экспоцентр» (Белгород) һ. б.

Казан ЭКСПО

Казан халыкара һава аланына якын урында «Казан Экспо» халыкара конгресс-күргәзмә үзәге урнашачак. Зурлыгы – 74,8 га. Күргәзмә үзәгенең гомуми мәйданы 70 000 кв.м. Анда 3 күргәзмә павильоны, 3 000 кешелек конгресс-һолл урнаша. Әлеге күргәзмә үзәген 2018 елга тәмамларга уйлыйлар^[2].

Картиналар галереясы

Казан ярминкәсендә ябык картиналар галереясы эшли. 3 ел эчендә 14 нәфис күргәзмә уздырылган, 30 рәссам (Алсу Закирова, Николай Щёткин, Татьяна Валетова, Георгий Валетов, Людмила Щёткина, Екатерина Манько һ. б.) иҗаты белән таныштыру оештырылган.

Күргәзмәләр җәдвәле (2015)

Февраль Белем алу. Карьера
Февраль Идел буе агросәнәгате форумы
Март Балык тотучы. Аучы
Март Мода һәм стиль. Казан-яз
Март Чиста су. Казан
Апрель Энергетика. Ресурсларны саклау
Апрель CleanExpo Kazan (чисталык саклау буенча халыкара күргәзмә)
Апрель Туризм, экскурсияләрдә хезмәт күрсәтү (халыкара күргәзмә)
Апрель Волга. Строй. Экспо^[3]
Апрель Күчемсез милек. Мөмкинлекләр. Франчайзинг
Апрель Казан венчур ярминкәсе
Май Яшел хуҗалык. Язгы сезон
Май Мода һәм стиль. Казан-җәй
Май Балалар дөньясы. Казан

Июнь Интермебель
Июнь Идел буенда халыкара кыр көннәре
Июль Ювелир. Экспо. Казан, Чаллы
Август Йорт ZOOбакчасы
Август Россия тауарлары атнасы
Сентябрь Татарстан. Нефть. Газ форумы^[4]
Сентябрь Агач эшкәртү
Сентябрь Йорт. Гаилә. Гореф-гадәтләр
Октябрь Халыкара көзге төзелеш форумы
Октябрь Сәламәтлек саклау сәнагате. Казан
Октябрь Арт-галерея
Ноябрь Матурлык. Professional (парфюмерия, косметика)
Декабрь Машина төзелеше. Металл эшкәртү
Декабрь Яңа ел ярминкәсе^[5]

Бүләкләре

БөтенРоссия «Россиянең иң яхшы 100 тауары» программасы бәйгесе лауреаты (2014).
Россия күргәзмә һәм ярминкәләр берлеге мактау билгесе (2013).
XVII Җәйге Универсиада истәлек медале (2013).

Моны да карагыз

Сылтамалар

Ярминкәнең рәсми сайты 2014 елның 16 август көнендә архивланган.

Искәрмәләр

↑ Бизнес-онлайн газетасында
↑ КазанЭКСПО Крокус-ситидан кала икенче булачак
↑ ВолгаСтройЭкспо, archived from the original on 2015-08-24, retrieved 2015-09-03
↑ НефтГазНефтехимия, archived from the original on 2015-11-24, retrieved 2015-09-03
↑ Яңа ел ярминкәсе, archived from the original on 2015-11-17, retrieved 2015-09-03

[1] Бизнес-онлайн газетасында

[2] КазанЭКСПО Крокус-ситидан кала икенче булачак

[3] ВолгаСтройЭкспо, archived from the original on 2015-08-24, retrieved 2015-09-03

[4] НефтГазНефтехимия, archived from the original on 2015-11-24, retrieved 2015-09-03

[5] Яңа ел ярминкәсе, archived from the original on 2015-11-17, retrieved 2015-09-03

[1]

[2]

[3]

[4]

[5]