Dyminə Dynjo čang
Dyminə Dynjo čang (1 sentjabr 1939 — 2 sentjabr 1945) — dynjoədə oxonə ən dyždə dave, končo millijon odəmon mardin.
Dyminə čahani čang bino be
[sərost bykə | kodi sərost karde]Peš Iminə Dynjo čangi Versal myǧovilə dəvastə be. Ve almanon de ym myǧovilə rozi nubin. Ym myǧovilə əcəvon cəšədə Almanja hurmətiku eǧandəbe. 1933-inə sorədə Almanijə də Adolf Hitler bə hakimijjət oməj. Cy Hitler sijosəti əsos ym bedə ki, Almanijə bəpe dynjo rəhbər bybu. Almanijə 1 sentjabr 1939-inə sorədə bə Polša hučum kardedə. Dymijən Dyminə dynjo čang bino bedə.
Dyminə čahani čangi mijonə
[sərost bykə | kodi sərost karde]Syftə de Almanijə Fyrəngystoni de Dyždə Britanijə čang kardejdə. 22 ijun 1941-inə sorədə Almanijə bə Sovet Ibemoni cy Belarusiku hučum kardedə. Dymijən Sovet Ibemon de Iosif Stalini ğərori ym čangi umžən bedə. 1943-inə sorədə cy Ironi]] pajtaxt Tehron šəhərədə Iosif Stalin, Franklin Ruzvelt, Uinston Cercill vindemon kardedən. Əjo ǧəror səjdən ki Amerikə Ibyə Štatonədə bə ym čangi umžən bedə.
Dyminə čahani čangi oxo
[sərost bykə | kodi sərost karde]28 aprel 1945-inə sorədə cy Almanijə tərəfdor Benito Mussolini kyštyšone. Əcəj 2 ruž bəpeštə Adolf Hitler yštənyš kyšte. 9 maj 1945-inə sorədə cy Sovet Ibemoni ləšǧəron cy Almanijə pajtaxt Berlini gətyše. 2 sentjabr 1945-inə sorədə Japonijə təslim be. Dymijan Dyminə čahani čang oraxəj.
Čangi nətičon
[sərost bykə | kodi sərost karde]Ym čangədə 110 miljon odəm ištirokyš kardyše. 60-65 miljon odəm marde. Peš ym čangi Afrikədə, Asijədə ozod be hərəkaton ofajə bin.
Dyminə čahani čangədə ištirok kardə kišvəron
[sərost bykə | kodi sərost karde]Ym čangədə čahan ve kišvəron ištirokšon kardyšone. Ən əsos Sovet Ibemon, Amerikə Ibyə Štaton, Dyždə Britanijə i čəbhədə, Almanijə, Italijə, Ispanijə i čəbhədə be.