Grabitasyonal na konstante

Grabitasyonal na konstante
Mga kadalasang simbulo	G
Yunit SI	m3⋅kg−1⋅s−2
Dimensiyon	${\mathsf {L}}^{3}{\mathsf {M}}^{-1}{\mathsf {T}}^{-2}$

Ang Grabitasyonal na konstante(Gravitational constant) na tinutukoy ng simbolong ay isang empirikal na pisikal na konstante na sangkot sa pagkukwenta ng mga atraksiyong grabitasyonal sa pagitan ng mga obhekto(bagay) na may masa(mass). Ito ay makikita sa batas ng unibersal na grabitasyon ni Newton ni Isaac Newton at sa teoriyang pangkalahatang relatibidad ni Albert Einstein.

Ayon sa batas ng unibersal na grabitasyon ni Newton:

Bawat puntong masa(point mass) ay umaakit sa bawat ibang puntong masa sa pamamagitan ng isang puwersang tinuturo sa kahabaan ng isang linya na bumabagtas(intersecting) sa parehong mga punto. Ang puwersa ay proporsiyonal sa produkto ng dalawang mga masa at kabaligtarang proporsiyonal sa kwadrado ng mga distansiya sa pagitan ng mga ito. (Ito ay hindi totoo para sa mga hindi sperikal-simetrikal na mga katawan) Para sa mga puntong nasa loob ng isang sperikal na simetrikong distribusyon ng materya(matter), ang teoremang Shell ni Newton ay maaaring gamitin upang hanapin ang puwersang grabitasyonal. Ang teoremang ito ay nagsasaad kung paanong ang iba't ibang bahagi ng distribusyon ng masa ay nakakaapekto sa puwersang grabitasyon na sinusukat sa isang punto matatagpuan sa distansiyang r0 mula sa sentro ng distribusyon ng masa:

$F=G{\frac {m_{1}m_{2}}{r^{2}}}\$, kug saan ang: F ang puwersa sa pagitan ng dalawang masa G ang grabitasyonal na konstante m1 ang unang masa m2 ang ikalawang masa r ang distansiya sa pagitan ng dalawang masa

Ang konstanteng grabitasyon ay marahil isa sa pinakamahirap na masukat na konstanteng pisikal sa sobrang taas na akurasiya(accuracy). Sa unit na SI, ang 2010 CODATA- ay nagrekomiyenda ng halaga ng grabitasyonal na konstante(na may pamantayang hindi katiyakan sa parentesis) na:

$G=6.67384(80)\times 10^{-11}\ {\mbox{m}}^{3}\ {\mbox{kg}}^{-1}\ {\mbox{s}}^{-2}=6.67384(80)\times 10^{-11}\ {\rm {N}}\,{\rm {(m/kg)^{2}}}$ na may relatibong pamantayan ng walang katiyakan na 1.2×10⁻⁴, o 1 bahagi sa 8300.