வடக்கூர் கைலாசநாதர் கோயில்

வடக்கூர் கைலாசநாதர் கோயில் புதுக்கோட்டை மாவட்டத்தில் உள்ள தேவார வைப்புத்தலமாகும்.

அமைவிடம்

ஆவுடையார் கோயிலை அடுத்துள்ள வடக்கூரில் அமைந்துள்ளது. இக்கோயில் ஆதி கைலாசநாதர் கோயில் என்றும் அழைக்கப்படுகிறது.

இறைவன்,இறைவி

இங்குள்ள இறைவன் ஆதி கைலாசநாதர் (ஆதி கயிலாதநாதர்) ஆவார். இறைவி சிவகாமியம்மை ஆவார்.

பிற சன்னதிகள்

திருச்சுற்றில் வலம்புரி விநாயகர், வள்ளி தெய்வானையுடன் முருகர், பைரவர், ஆஞ்சநேயர், சூரியன், சந்திரன் ஆகியோருக்கான சன்னதிகள் உள்ளன. இறைவி சன்னதி வெளியில் தனியாக உள்ளது.