மியான் முகமது மன்சா
மியான் முகமது மன்சா | |
|---|---|
| பிறப்பு | 1947 (அகவை 76–77) சினியோட்டி, பஞ்சாப், பாக்கித்தான் |
| இருப்பிடம் | லாகூர், பாக்கித்தான் |
| குடியுரிமை | பாக்கித்தான் |
| பணி | நிசாத் குழுமத்தின் தலைவர் |
| சொத்து மதிப்பு | ஐஅ$2.7 billion (Wealth-X, July 2019)[1] |
| வாழ்க்கைத் துணை | நாஸ் மான்சா |
| பிள்ளைகள் | 3 |
மியான் முகமது மன்சா (ஆங்கிலம்: Mian Muhammad Mansha ( உருது: میاں محمد منشاء) ஒரு பாக்கித்தான் வணிக அதிபர் மற்றும் கோடீஸ்வரர். அவர் லாகூரை தளமாகக் கொண்ட சர்வதேச நிறுவனமான நிசாத் குழுமத்தின் நிறுவனர் மற்றும் அதன் தலைமை நிர்வாக அதிகாரி ஆவார்.[2] மன்சா பாக்கித்தானில் பணக்கார மற்றும் அதிக வரி செலுத்தும் தனிநபர் ஆவார். 2017 ஆம் ஆண்டில், வெளிநாட்டு நிறுவனங்களுடன் இணைப்பைக் கொண்ட பாரடைஸ் பேப்பர்களில் அவரது பெயர் தோன்றியது. வெல்த்-எக்ஸ் படி, ஜூலை 2019 நிலவரப்படி, அவர் நிகர மதிப்பு 2.7 பில்லியன் அமெரிக்க டாலர்களைக் கொண்டிருந்தார்.
ஆரம்பகால வாழ்க்கை மற்றும் தொழில்
[தொகு]1930 களில், மன்சா குடும்பம் பஞ்சாபிலிருந்து வங்காளத்திற்கு குடிபெயர்ந்தது. 1947 பிரித்தானிய இந்தியாவின் பிரிவினைக்குப் பிறகு, குடும்பம் பாக்கித்தானின் பஞ்சாபிற்கு திரும்பியது. மியான் முகம்மது மன்சாவின் தந்தை ஒரு பருத்தி விதை நீக்கும் தொழிலைத் தொடங்கினார், பின்னர் அது நிசாத் துணி ஆலைகளாக மாறியது.[3] மன்சா லாகூரில் ஒரு பணக்கார சினியோட்டி பஞ்சாபி குடும்பத்தில் பிறந்தார். பைசாலாபாத்தின் தூய இருதய கான்வென்ட்டில் தனது ஆரம்ப பள்ளிப்படிப்பையும், லண்டனின் கென்டன் கல்லூரியில் வணிக நிர்வாகத்தில் உயர் படிப்பையும் முடித்தார்.[4]
தொழில்
[தொகு]பாக்கித்தானின் மிக முக்கியமான தொழிலதிபர்களில் ஒருவராக தனது வாழ்க்கையைத் தொடங்கினார். 1951 ஆம் ஆண்டில் நிசாத் துணி ஆலைகள் அவரது தந்தை மற்றும் மாமாக்களால் தொடங்கப்பட்டது.[5] 1968 ஆம் ஆண்டில் லண்டனில் இருந்து படிப்பை முடித்துவிட்டு திரும்பிய ஒரு வருடம் கழித்து அவரது தந்தை இறந்தார். இதனால் மியான் முகம்மது மன்சா 1969 இல் தனது குடும்பத் தொழிலில் சேர்ந்தார். இறுதியில் அவர் தனது மாமாக்களுடன் பிரிந்து குடும்பத் தொழிலை தனியே எடுத்துக் கொண்டார்.[3] அவர் 2013 வரை 2.5 பில்லியன் அமெரிக்க டாலர் மதிப்புடையவர்.[6] பெரிய கையகப்படுத்துதல்களைத் தவிர, அவர் ஒரே நேரத்தில் தனது நிசாத் ஜவுளிப் பிரிவை விரிவுபடுத்தினார். நிசாத் துணி ஆலைகள் பாகிஸ்தானின் மிகப்பெரிய துணி உற்பத்தி ஆலைகள் ஆகும்.[7]
1979 க்குப் பிறகு, பைசலாபாத் நகரில் நிசாதாபாத்தில் ஏழு ஆலைகளைக் கொண்ட பாக்கித்தானின் மிகப்பெரிய துணி வளாகத்தை மன்சா அமைத்தார். பிற்காலத்தில், லாகூருக்கு அருகிலுள்ள சுனியனில் மற்றொரு துணி வளாகம் அமைக்கப்பட்டது.[2]
1990 களின் அரசாங்கங்களின் தனியார்மயமாக்கல் உந்துதலால் மன்சாவின் கூட்டு நிறுவனம் பெரிதும் பயனடைந்தது. இந்த காலகட்டத்தில், பொறியியல் உட்பட பல கையகப்படுத்துதல்கள் மற்றும் வாங்குதல்களில் அவர் ஈடுபட்டார். ஒரு பெரிய மாற்றத்திற்குப் பின்னர், நாட்டின் மிகப்பெரிய ஆயுள் காப்பீட்டாளரான ஆடம்ஜி குழுமத்தில் மன்சா ஒரு கட்டுப்பாட்டு நிலையை பெற்றார். முன்பு சைகோல் குடும்பத்திற்கு சொந்தமான பஞ்சாபின் தேரா காசி கான் மாவட்டத்தில் அமைந்துள்ள டி.ஜி கான் சிமென்ட் ஆலைகளுக்கு அருகில் நிசாத் ஆலைகள் நிறுவனம் இரண்டு வெப்ப ஆலைகளையும் வாங்கியது. பாக்கித்தானில் வணிக ஆய்வுகள், இரண்டு வெப்ப ஆலைகளை வாங்குவது நிசாத் குழுமத்திற்கான டி ஜி. கான் சிமென்ட் ஆலைகளுக்கு தடையின்றி மின்சாரம் வழங்குவதை உறுதி செய்யும் என்று கூறப்படுகிறது.[7] இந்த பெரிய கையகப்படுத்துதல்களைச் செய்யும்போது, அவர் ஒரே நேரத்தில் தனது நிசாத் துணிப் பிரிவை விரிவுபடுத்திக் கொண்டிருந்தார். நிஷாத் துணி ஆலைகள் பாகிஸ்தானின் மிகப்பெரிய துணி உற்பத்தி நிறுவனம் ஆகும்.
ஆனால் இந்த சாதனைகள் அனைத்தும், மன்சாவின் மிகவும் திறமையான மற்றும் சந்தர்ப்பமான செயலுக்கு உருதுணையாக இருந்தன. பாக்கித்தானின் மிகவும் இலாபகரமான வங்கிகளில் ஒன்றான எம்சிபி வங்கி லிமிடெட் அல்லது முஸ்லீம் கமர்சியல் வங்கி என்று அழைக்கப்படுகிறது. தனியார்மயமாக்கல் செயல்பாட்டில் பல ஏலதாரர்களுடன் போட்டியிட்டு, கடக்க பல சவால்கள் இருந்தன. ஆனால் இறுதியில் அவர் விடாமுயற்சியுடன் இருந்தார்.[2] மன்சாவின் கண்காணிப்பின் கீழ், எம்.சி.பி வங்கி தொடர் நடவடிக்கை மற்றும் வளர்ச்சியை நிரூபித்துள்ளது' மேலும் இது இந்திய துணைக் கண்டத்தின் முதன்மை நிதி சேவை மேலாண்மை குழுக்களில் ஒன்றாகும். இன்று, எம்.சி.பி வங்கி நாட்டின் முதல் 4 வங்கிகளில் ஒன்றாகும். மேலும் சந்தை மூலதனத்தின் அடிப்படையில் சுமார் 18,000 ஊழியர்களைக் கொண்டுள்ளது.
நிசாத்தின் பல்வேறு மின் நிலையங்களில் உற்பத்தி செய்யப்படும் அதிகப்படியான மின்சக்தி திறனை விற்க அரசுக்கு சொந்தமான நீர் மற்றும் மின் மேம்பாட்டு ஆணையத்துடன் ஒப்பந்தங்களை மேற்கொண்டு மன்சா புதிய களத்தில் இறங்கினார். இது நிசாத் மின்திட்டங்கள் நிறுவ வழிவகுத்தது. இது இதன் அதிகப் பங்குகளைக் கொண்டிருக்கும் அவரது மகனுடைய நிர்வாகத்தின் கீழ் நன்கு வளர்ச்சியடைந்து வரும் ஒரு வணிக நிறுவனமாகும்.
எம்.சி.பி வங்கி, 2008 இல், மலேசியாவின் மலாய் வங்கி நிறுவனத்துடன் ஒரு கூட்டணியைத் தொடங்கியது. மேபேங்க் இப்போது எம்சிபி வங்கியில் 20 சதவீத பங்கைக் கொண்டுள்ளது.[8] 2009 ஆம் ஆண்டில், எம்சிபி வங்கியின் தலைவர் மியான் முகம்மது மன்சா, பாக்கித்தானுக்கு தொடர்ந்து வெளிநாட்டு முதலீட்டைக் கொண்டுவருவதில் தனது முயற்சிகள் வெற்றிகரமாக இருந்தன என்றும், மே வங்கியுடனான ஒப்பந்தத்தைத் தொடர்ந்து மலேசியாவிலிருந்து தனது வங்கி ஏற்கனவே 970 மில்லியன் அமெரிக்க டாலர் முதலீட்டை நாட்டிற்கு கொண்டு வந்துள்ளது என்றும் கூறினார். [9] இங்கிலாந்து பைனான்சியல் டைம்ஸ் செய்தித்தாளுடன் சிறப்பு மதிய உணவுக்கு அவர் தேர்ந்தெடுக்கப்பட்டார். [10] 2010 இல் ஃபோர்ப்ஸ் என்ற உலகளாவிய ஊடக நிறுவனத்தின் பட்டியல்களின்படி, அவர் உலகின் 937 வது பணக்காரரும், பாக்கித்தானின் முதல் பணக்காரரும் ஆவார். [5]
எம்.சி.பி வங்கியிடமிருந்து 700 மில்லியன் டாலர் பணமும், சர்வதேச சந்தைகளில் இருந்து 300 மில்லியன் டாலர் திரட்டப்பட்டதும், இந்தோனேசியாவிலும், மத்திய கிழக்கிலும் கூட நிறுவப்பட்ட வங்கியை வாங்குவதற்கான விருப்பங்களை மன்சா கொண்டுள்ளது. எம்.சி.பி வங்கி ஏற்கனவே சர்வதேச செயல்பாடுகளைக் கொண்டிருந்தார், மேலும் நிசாத் குழுமம் கஜகஸ்தானில் ஒரு ஆட்டோமொபைல் குத்தகை நிறுவனத்தையும் கொண்டுள்ளது. பாக்கித்தானில் நிலக்கரி மூலம் இயங்கும் மின்சாரம் மற்றும் கடல் துறைமுகங்களை அடிப்படையாகக் கொண்ட மின் உற்பத்தி நிலையங்களை நிர்மாணிப்பது போன்ற முக்கிய உள்கட்டமைப்பு திட்டங்கள் மேலும் திட்டங்களில் அடங்கும் [11]
சாதனைகள் மற்றும் விருதுகள்
[தொகு]மன்சா தற்போது பாக்கித்தானில் உள்ள பல்வேறு முக்கிய நிறுவனங்களின் குழுவில் உள்ளார், மேலும் நாட்டின் மிக சக்திவாய்ந்த மற்றும் செல்வாக்கு மிக்க நபர்களில் ஒருவர். அவருக்கு மார்ச் 23, 2004 அன்று பாக்கித்தான் அதிபர் பர்வேஸ் முஷாரஃப் சீதாரா-இ-இம்தியாஸ் என்ற சிவில் விருதினை வழங்கினார்.[12] மன்சாவின் நிறுவனங்களில் ஒன்றான நிசாத் ஜவுளி ஆலைகள் நிறுவனம் பாக்கித்தானில் மிகப்பெரிய ஏற்றுமதி நிறுவனமாகும்.[13] மன்சா ஒரு ஷேக் மற்றும் மாலை நேரங்களில் திக்ர் தொழுகையை தவறாமல் வழிநடத்துகிறார்.
தனிப்பட்ட செல்வம்
[தொகு]2008 ஆம் ஆண்டில் டெய்லி பாக்கித்தான் என்ற ஊடகத்தால் 2.5 அமெரிக்க டாலர் நிகர மதிப்புடன் மன்சா பணக்கார பாக்கித்தானியராக அறிவிக்கப்பட்டார் அந்த நேரத்தில் ரூ .200 பில்லியனுக்கு சமம்.[14] . மார்ச் 2010 இல், <i id="mwig">ஃபோர்ப்ஸ்</i> பில்லியனர்கள் பட்டியலில் இடம் பிடித்த முதல் பாக்கித்தானியர் மன்சா ஆவார்.
மன்சாவுக்கு சிவப்பு இ-கிளாஸ் ஜாகுவார் , மூன்று மெர்க்ஸ், ஒரு போர்ஸ் டர்போ, ஒரு பிஎம்டபிள்யூ 750, ரேஞ்ச் ரோவர் மற்றும் வோக்ஸ்வாகன் போன்ற வாகங்கள் உள்ளன, தவிர டர்போபிராப் விமானம் மற்றும் எட்டு இருக்கைகள் கொண்ட ஜெட் ஆகியவையும் உள்ளன [4]
விமர்சனம்
[தொகு]2004 ஆம் ஆண்டில், அனைத்து பாக்கித்தான் ஜவுளி ஆலைகள் சங்கங்களின் (ஏபிடிஎம்ஏ) தேர்தலில் மன்சாவின் குழுவும் அவருக்கு விருப்பமான வேட்பாளரும் இரண்டு வாக்குகள் வித்தியாசத்தில் தோற்கடிக்கப்பட்டனர். இதையடுத்து மன்சா சங்கத்திலிருந்து விலகினார்.[15]
மன்சாவின் நிசாத் குழுமத்தின் ஒரு பகுதியாக இருக்கும் டி.ஜி கான் சிமென்ட் நிறுவனம், ஒரு காலத்தில் தொழிற்சாலைக்கு அருகில் வசிக்கும் உள்ளூர் மக்களால் வன்முறைக்கு இலக்காக இருந்தது. இந்த பிரச்சினை இன்னும் நீதிமன்றத்தில் உள்ளது, அது தீர்க்கப்படவில்லை, ஆனால் ஆலையைச் சுற்றி பாதுகாப்பை அதிகரித்த பின்னர் உற்பத்தியைத் தொடங்கியது.[6]
மியான் முகம்மது மன்சா ஒருபோதும் அமெரிக்க தொழிலதிபர் வாரன் பபெட்டை சந்தித்ததில்லை, ஆனால் அவரது அபிமானிகளில் ஒருவராக இருக்கிரார். அவர் சில சமயங்களில் அமெரிக்காவின் கழுகு முதலீட்டாளர் கார்ல் இகானிடமிருந்து ஆலோசனையைப் பெறுகிறார், அவர் ஒரு காலத்தில் விமான நிறுவனங்களில் முதலீடு செய்வதிலிருந்து விலகி இருக்குமாறு அறிவுறுத்தினார், எனவே, பாக்கித்தான் சர்வதேச விமானங்களை வாங்குவதில் தனக்கு விருப்பமில்லை என்று மன்சா கூறுகிறார்,[16] மன்ச சில நேரங்களில் இந்தியாவுக்குச் சென்று சுனில் மிட்டல் போன்ற சக பில்லியனர்களுடன் வணிகக் கூட்டங்களை நடத்துகிறார்.
நிசாத் லினன் அதன் தொழிற்சாலைகளில் ஆண்களையும் பெண்களையும் வேலைக்கு அமர்த்தியுள்ளது, அவர்கள் கேப் மற்றும் டாமி ஹில்ஃபிகர் உள்ளிட்ட பிராண்டுகளுக்கு விற்கப்படும் குறிப்பிட்ட வரிசையில் தையல் ஆடைகளில் ஒன்றாக வேலை செய்கிறார்கள், அவர்கள் மதிய உணவை தனி உணவு விடுதிகளில் சாப்பிடுகிறார்கள்.[3]
குறிப்புகள்
[தொகு]- ↑ "Mian Muhammad Mansha - Wealth-X Dossier". Archived from the original on 2019-10-08. பார்க்கப்பட்ட நாள் 2019-11-29.
- ↑ 2.0 2.1 2.2 Optimism, appetite of a billionaire, Dawn (Pakistan), Published 14 October 2013. Retrieved 3 July 2017
- ↑ 3.0 3.1 3.2 Henny Sender (10 August 2012). "Lunch with the FT: Mian Muhammad Mansha". Profile on பைனான்சியல் டைம்ஸ் newspaper. https://www.ft.com/content/8653d82e-e146-11e1-9c72-00144feab49a?mhq5j=e2. பார்த்த நாள்: 2 July 2017.
- ↑ 4.0 4.1 "The man behind Pakistan's biggest conglomerate". www.fortuneindia.com. Archived from the original on 2019-11-07. பார்க்கப்பட்ட நாள் 2019-11-29.
- ↑ 5.0 5.1 "The World's Billionaires: #937 Mian Muhammad Mansha's Profile". Forbes. 3 October 2010. https://www.forbes.com/lists/2010/10/billionaires-2010_Mian-Muhammad-Mansha_SVAF.html.. Retrieved 2 July 2017
- ↑ 6.0 6.1 Yoolim Lee and Naween A. Mangi (2 December 2008). "Pakistan's Richest Man Defies Terrorism to Expand Bank Empire". Bloomberg. பார்க்கப்பட்ட நாள் 2 May 2010.[தொடர்பிழந்த இணைப்பு]
- ↑ 7.0 7.1 Dilawar Hussain (15 December 2009). "Nishat Mills to acquire two thermal plants". பார்க்கப்பட்ட நாள் 2 July 2017.
- ↑ "Maybank gets approval for investment in MCB". The Nation newspaper. 21 May 2008 இம் மூலத்தில் இருந்து 2 ஜூலை 2017 அன்று. பரணிடப்பட்டது.. https://web.archive.org/web/20170702062454/http://nation.com.pk/business/21-May-2008/Maybank-gets-approval-for-investment-in-MCB. பார்த்த நாள்: 2 July 2017.
- ↑ "Two Nishat power plants to start this year". Dawn. 9 August 2009. http://www.dawn.com/wps/wcm/connect/dawn-content-library/dawn/the-newspaper/business/two-nishat-power-plants-to-start-this-year-989. பார்த்த நாள்: 2 July 2017.
- ↑ "Lunch with the FT: Mian Muhammad Mansha". Profile on பைனான்சியல் டைம்ஸ் newspaper. 10 August 2012. https://www.ft.com/content/8653d82e-e146-11e1-9c72-00144feab49a?mhq5j=e2. பார்த்த நாள்: 2 July 2017.
- ↑ "Two Nishat power plants to start this year". Dawn. 9 August 2009 இம் மூலத்தில் இருந்து 17 February 2010 அன்று. பரணிடப்பட்டது.. https://web.archive.org/web/20100217130031/http://www.dawn.com/wps/wcm/connect/dawn-content-library/dawn/the-newspaper/business/two-nishat-power-plants-to-start-this-year-989. பார்த்த நாள்: 2 July 2017.
- ↑ "Awards for civilians announced". Dawn (Pakistan). 14 August 2003. http://www.dawn.com/news/135087/awards-for-civilians-announced.
- ↑ "Lunch with the FT: Mian Muhammad Mansha". Profile on பைனான்சியல் டைம்ஸ் newspaper. 10 August 2012. https://www.ft.com/content/8653d82e-e146-11e1-9c72-00144feab49a?mhq5j=e2.
- ↑ "President Asif Ali Zardari 2nd most Richest man of Pakistan". Daily Pakistan. 26 October 2008. Archived from the original on 13 January 2012. பார்க்கப்பட்ட நாள் 5 August 2017.
- ↑ "Past Chairmen APTMA". APTMA. 3 May 2010. Archived from the original on 4 செப்டம்பர் 2011. பார்க்கப்பட்ட நாள் 2 May 2010.
{{cite web}}: Check date values in:|archive-date=(help) - ↑ "Lunch with the FT: Mian Muhammad Mansha". https://www.ft.com/content/8653d82e-e146-11e1-9c72-00144feab49a?mhq5j=e2. பார்த்த நாள்: 2 July 2017.