ஊக்கு
காப்பூசி அல்லது ஊக்கு (hook) என்பது வழக்கமான ஊக்குகளில் இருந்து முற்றிலும் மாறுபட்டது. இதில் ஒரு எளிய சுருள் பொறி முறை மற்றும் ஒரு மடக்கியினைக் கொண்டுள்ளது. இரண்டு நோக்கங்களுக்காக இம்மடக்கி உதவுகிறது: ஒன்று மூடிய கண்ணி அமைக்க, அதன் மூலம் மடக்கியினுள் முள் சரியாக மறைப்பதற்கு பயன்படுத்தப்படும், மற்றும் இரண்டாவதாக கூர்மையான ஊசி முனையானது பயன்படுத்துபவருக்கு உடலில் காயத்தை ஏற்படுத்தாமல் பாதுகாக்கின்றது.[சான்று தேவை]
இன்று பயன்பாட்டில் உள்ள பாதுகாப்பு முள்ளானது அமெரிக்க இயந்திரப் பழுதுபார்ப்பாளரான வால்டர் ஹன்ட் கண்டுபிடித்ததை ஒத்ததாகயுள்ளது கருதப்படுகிறது. 1849ஆம் ஆண்டு வால்டர் ஒரு நாள் தன்னுடைய பட்டறையில் அமர்ந்து, நண்பரிடம் தான் வாங்கிய கடனை எப்படி அடைப்பது என்பது குறித்து சிந்தித்துக் கொண்டிருந்தார். அப்போது அவர் தன் கையில் இருந்த ஒரு கம்பியைவைத்து ஏதேதோ உருவங்களைச் செய்வதும் பிரிப்பதுமாக இருந்தார். அதில் அவருக்கு தோன்றிய ஒரு யோசனையின்படி, பல்வேறு வடிவங்களைத் தாளில் வரைந்து இந்த ஊசியின் வடிவத்தை உருவாக்கினார்.
இதையடுத்து 1849, ஏப்ரல் 10 அன்று தன்னுடைய கண்டுபிடிப்புக்குக் காப்புரிமையைப் பெற்றார். பிறகு அந்தக் காப்புரிமையை டபிள்யூ. ஆர். கிரேஸ் என்ற நிறுவனத்துக்கு விற்று, அதில் கிடைத்த பணத்தைக் கொண்டு தன் கடனை அடைத்தார். இவர் கண்டுபிடித்த ஊக்கின் வடிவம்தான் இன்றுவரை பயன்படுத்தப்பட்டு வருகிறது.[1]
மேற்கோள்கள்
[தொகு]- ↑ எஸ். சுஜாதா (12 செப்டம்பர் 2018). "கண்டுபிடிப்புகளின் கதை: ஊக்கு". கட்டுரை. இந்து தமிழ். பார்க்கப்பட்ட நாள் 14 செப்டம்பர் 2018.
{{cite web}}: Check date values in:|accessdate=and|date=(help)