இம்ரத் கான்
| இம்ரத் கான் | |
|---|---|
| பிறப்பு | 17 நவம்பர் 1935 கொல்கத்தா, பிரித்தானிய இந்தியா |
| இறப்பு | 22 நவம்பர் 2018 (அகவை 83) செயின்ட் லூயிஸ் (மிசோரி), மிசூரி, அமெரிக்க ஐக்கிய நாடுகள் |
| தேசியம் | India |
| பணி | மேல்நாட்டுச் செந்நெறி இசை சித்தார், சுபார்கர் கலைஞர் |
| அறியப்படுவது | சுர்பகார் பாடுவதில் நிபுணர் |
| விருதுகள் | சங்கீத நாடக அகாதமி விருது (1988) பத்மசிறீ விருது (2017) |
இம்ராத் கான் (Imrat Khan) (17 நவம்பர் 1935 – 22 நவம்பர் 2018) ஒரு இந்திய சித்தார் கலைஞரும் சுர்பகார் கலைஞரும், இசையமைப்பாளருமாவார். இவர் சித்தார் மேதையான உஸ்தாத் விலாயத் கானின் தம்பியாவார்.[1][2][3]
பயிற்சியும் ஆரம்பகால வாழ்க்கையும்
[தொகு]முகலாய ஆட்சியாளர்களின் அரசவை இசைக்கலைஞர்களுக்கு, பல தலைமுறைகளாக அதன் வேர்களைக் கண்டுபிடிக்கும் இசைக் கலைஞர்களின் குடும்பத்தில் 1935 நவம்பர் 17 அன்று கொல்கத்தாவில் இம்ரத் கான் பிறந்தார்.[1] இவர் பாரம்பரிய இசைக்கலைஞர்களின் இம்தட்கானி கரானா (பள்ளி) என்று அழைக்கப்படும் எட்டாவா கரானாவைச் சேர்ந்தவர். இவரது தந்தை இனாயத் கான் (1895-1938), இவரது காலத்தின் முன்னணி சித்தார் மற்றும் சுர்பகார் கலைஞராக அங்கீகரிக்கப்பட்டார்.[4] இவருக்கு முன்பு இவரது தாத்தா இம்தாத் கான் (1848-1920) இருந்தார்.[3] 1944 ஆம் ஆண்டில், குடும்பம் இவரது மூத்த சகோதரர் விலாயத் கானுடன் மும்பைக்கு குடிபெயர்ந்தது. அங்கு சகோதரர்கள் இருவரும் தங்கள் மாமா வாகித் கானிடமிருந்து சித்தார் வாசிப்பைக் கற்றுக்கொண்டனர். 1952 ஆம் ஆண்டில், விலாயத்தும் இவரும் கொல்கத்தாவிற்கு ஒன்றாகச் சென்றனர். இவர்கள் பல ஆண்டுகளாக ஒன்றாக நிகழ்ச்சிகளை வழங்கியுள்ளனர். இரு சகோதரர்களும் 1956 இல் சோவியத் ஒன்றியம் மற்றும் கிழக்கு ஐரோப்பாவிற்கான முதல் கலாச்சார தூதுக்குழுவின் ஒரு பகுதியாக இருந்தனர்.[5]
தனி தொழில் மற்றும் மரபு
[தொகு]1961 முதல், இம்ராத் கான் தனிப்பாடல் நிகழ்ச்சியை நிகழ்த்தினார். சித்தார் மற்றும் சுர்பகார் இரண்டையும் வாசித்தார்.[1]Craig Harris. "Biography: Imrat Khan". Allmusic.com website. பார்க்கப்பட்ட நாள் 15 July 2020.</ref>[2]
பல தசாப்தங்களாக, இவர் தனது இரு கருவிகளிலும் விரிவாக பதிவு செய்துள்ளார்.
ஐரோப்பா, அமெரிக்கா, ஐக்கிய இராச்சியம், ஜெர்மனி, சீனா மற்றும் தென்கிழக்கு ஆசியாவில் இம்ராத் கான் தனது நிகழ்ச்சியினை நிகழ்த்தினார். 1970 இல் கான் திரைப்பட விழாவிலும் நிகழ்த்தியுள்ளார்.. ஒவ்வொரு ஆண்டும் பாரம்பரிய இந்திய இசையை கற்பிப்பதற்கும் , செயிண்ட் லூயிசிலுள்ள வாசிங்டன் பல்கலைக்கழகத்தில் சித்தார் மாணவர்களுக்கு கற்பித்து வந்தார்.[2]
சத்யஜித் ரே மற்றும் ஜேம்ஸ் ஐவரி போன்ற பிரபல திரைப்பட தயாரிப்பாளர்களால் தயாரிக்கப்பட்ட படங்களில் இவரது இசை இடம்பெற்றுள்ளது.[2]
இறப்பு
[தொகு]அமெரிக்காவின் மிசூரியின் செயின்ட் லூயிஸில் பக்கவாதம் காரணமாக 22 நவம்பர் 2018 அன்று இறந்தார்.[1] இம்ரத் கானுக்கு நிசாத் கான் (சித்தார்), இர்சாத் கான் (சித்தார்), வஜாக்த் கான் (சரோத்), சபாத்துல்லா கான் (கைம்முரசு இணை), அசுமத் அலிகான் என்ற ஐந்து மகன்கள் இருந்தனர். இவர்கள் அனைவரும் நன்கு பயிற்சி பெற்ற திறமையான இசைக்கலைஞர்களாவர்.[2]
விருதுகளும் அங்கீகாரமும்
[தொகு]1988 ஆம் ஆண்டில், இவருக்கு இந்தியக் குடியரசுத் தலைவரிடமிருந்து சங்கீத நாடக அகாதமி விருது வழங்கபட்டது.[2] 2017 ஆம் ஆண்டில் இவருக்கு பத்மசிறீ விருது வழங்கப்பட்டது; இருப்பினும், "இது மிகவும் சிறியது மற்றும் மிகவும் தாமதமாக வந்தது" என்று கூறி விருதை ஏற்க மறுத்துவிட்டார்; இது இவரது மாணவர்கள் மற்றும் சகோதரத்துவ உறுப்பினர்களிடையே ஒரு குழப்பத்தைத் தூண்டியது.[1][4][6]
குறிப்புகள்
[தொகு]- ↑ 1.0 1.1 1.2 1.3 1.4 "Indian Classical Musician Ustad Imrat Khan Passes Away Due To Stroke at Age 83". Outlook (magazine). 23 November 2018. https://www.outlookindia.com/website/story/indian-classical-musician-ustad-imrat-khan-passes-away-due-to-stroke-at-age-83/320632. பார்த்த நாள்: 15 July 2020.
- ↑ 2.0 2.1 2.2 2.3 2.4 2.5 "Explore Music! India (profile of Imrat Khan)". Webster University (USA website). 16 May 2014. Archived from the original on 28 ஜனவரி 2020. பார்க்கப்பட்ட நாள் 14 July 2020.
{{cite web}}: Check date values in:|archive-date=(help) - ↑ 3.0 3.1 Farrell, Gerry (2001). "Khan, Imrat". Grove Music Online. (subscription required for full text).
- ↑ 4.0 4.1 Gopalakrishnan (31 January 2017). "When you are old and grey: Government must honour practitioners of classical art forms in their prime". The Indian Express (newspaper). https://indianexpress.com/article/opinion/columns/government-must-honour-practitioners-of-classicial-art-forms-in-their-prime-4499661/. பார்த்த நாள்: 14 July 2020.
- ↑ Craig Harris. "Biography: Imrat Khan". Allmusic.com website. பார்க்கப்பட்ட நாள் 15 July 2020.
- ↑ Padma Shri too little too late Times of India (newspaper), Published 3 February 2017, Retrieved 14 July 2020
வெளி இணைப்புகள்
[தொகு]| பன்னாட்டு | |
|---|---|
| தேசிய | |
| கலைஞர் | |
| மற்றவை | |
