ulic- kada a daesu
satangahan nu ulic
[mikawaway-kalumyiti | mikawaway tu kalumyiti sakatizeng bangu]
kada a daesu
amalakada a tademaw amed, nika anu makadaay a tademaw, idaw aca ku ilabuway nu balucu’ nida tusa kilim tu daesu. “daesu” hakya ameday adidiay a kawaw, hakya u dadiw, hakya u ziwga, matumes nu namuh mikawaw tu kalipahak kansa “u daesu”, uyda abesaay, anu matatungus sa, “u daesu” kayda. katuud ku pakuyuc a udip, mangelu’ mukilim tu daesu, nika isa nu sadipa’ ku daesu, luunghan maalatuway.
matekesay atu bancalay a tuud, hakya caay kaw daesu, alahican u daesu mapicpicay. nika anu matatungus tu datengen isu, anu mahicahica? unikayda isu madaesuway, sakasaan u daesu hananay yanikaydan isu a lipahak.
u daesu cayay katebing, alahican kaliwhan ita namahica katayni? tenga’ “unikaudip sa u babuwakan nu daesu”, u kakaydihan a kawaw, mudadiw tu kakaydihan isu mudadiw, waniken isu kubeday, ya aliyacay i balucu’ isu liwanitu ku adiding, papaluman tu kilang nu balucu’, basbasen, padameki, adihen tu ku nihaymaw tabaki, u daesu kuyda.
u daesu sipaladayi, sipasubana’yi itawan, kya a matineng ku taw tu nikaymaw isu tu heniyan, kya katuud ku sidaesuway a tademaw. mamin palada’, ibalucu’ay isu anu matumes nu namuh, u tabakiyay a daesu. kiyu, kasawsawni mudateng tu sapiedap i tawan, palada’ tu daesu.
u saka sidaesu ku kapahay a balucu’, anu yaan, anu icuwacuwa, ya daesu isu ya namuh isu, u tawa isu, pasubana’en ku nikadihan a tademaw. anu idaw ku nituduen isu, kaw nitudu’an isu ku saicelang, micapi tu ku daesu, dawis han u maala tu. mangelu’ mukilim tu daesu, mayca sakapahan ku udip, kya tayni mukilim ku daesu tisuwan.
cacay kadaay a tademaw, u cayay kakada ku balucu’, u sasidaesuway atu namuh. u macakatay a nikaudip, mikacaw i daesuway a balunga, muculil i teban nu bayu, mubihbih tu lipahakay a sakubad, mabahel i bancalay a tapuku. kinacacay caykaw nipateng misudikud, tadu makaadih tu i labuway a balucu’ nidasibalu i palaludan, api’ ku likat nu cilal. alaw u mueneng tu i dadaesuwan.
namakayniay a nasulitan nasakamuan atu natinengan
[mikawaway-kalumyiti | mikawaway tu kalumyiti sakatizeng bangu]nasulitan ni Imi Chen、Nuwa Watan o Kumud atu ci Tuku Sayiun