satukal

satukal(踩高蹺)

kakiliman

uyniyan a babalakasen nu adiwawa misatukal sananay, yadah ku binacadan a tademaw matingen misalama. u Amuhuan u Hulam, izaw tu mahiniay a kawaw. micakat ipabawy nu tukal, kya satukal nasanga'an nu kilang atu auk. masatezep macakat itiza, taneng muculil, taneng mupalaw, taneng miduba', caaykatulu'. hina sawsawni papalaw misatukal itiza i saungay nu binawlan atu i lisinan.

nilacul

u babalaksan a kawaw

babalakasen nu wawa i niyazu’ ku satukal, u sapilalais nu babalaki i sumamad tu Alikakay. angsi atu uway ku sasanga’ tu satukal. isasa u kamu nu tumuk nu Ciwidian, hinisa; u maikesay a angsi ku sapisanga’, malecaday ku batac nu puu’, sapabalat henay a auk malapiemekan, nisengelan a uway ku sasiket, kelecen mibedbed, maacak ku uway kapah tu ku nikakelec, mahinisa pahezekay tu ku pisanga’.

matineng misatukl ku Amuhuan, misalisin ku heni

u kungku nu satukal

u kungku nu Sakizaya, sumamad siluma’ay i Pazik tabakibaki takalakalaw sa, matineng aca mitima’, takalaw tabaki, matineng misengi tu acawa mibalakas tu kanamuhan niza a tatayna, matineng mala macimacima a tademaw, mipahengad tu wawa, tadamanamuh mukan tu sawada’ nu lutungay, milawlaw tu niyazu’ay, lihalaw ku binacadan, hicaen ku Alikakay itawya caay picumud i niyazu’ sa, sanga’ satu ku binacadan tu satukal a mitibac tu Alikakay, nika caay katalatalaw ku Alikakay. tuzuma satu a demiad, pasepian nu pabaway Di’tu ku tumuk, pasubana’ a hicaen misuayaw, kilul han nu tumuk ku pipaayaw nu pabaway Di’tu, miala tu lucik tulik han mahiza u alubu, pazeng han i labu ku da’dac atu bila’, paulic han mipes ku epah, u pulung han ku mahiniay, matalaw ku Di’tu miazih, tanutuwa’ han lakilaki han miawaw, beduk satu mulaliw tayza i Taypinyang, inayi’ satu ku pisamsam nu Alikakay.

u kawaw nu Hulam

u satukal sanay u kapahay sazumaay a pili'ay(sazumaay a pili'特色) a saungay nu binawlan(saungay nu binawlan活動). u caykaw tuud lalangawan nazikuzan kasaetiman(非物質文化遺產), ahebal kya sitengil(流傳) i kitakit a palaw, matenes tu ku laylay atu namihcaan. namakay nuayaw nuayaway a palaw, izaw tu ku kulit nu ba'tu. namakaycuwa tina satukal saw? u sakamuway nu binawlan, u ayaway a tademaw maydih miala tu heci nu kilang, sisa, pasiketen tu kilang atu auk i kuku' nu heni, katukuh ayza, malu satukal a kawaw tuwauy, mahiza ku kamu nu babalaki saan.

namakayniay a nasulitan nasakamuan atu natinengan

宋德讓，2009，《童玩學族語》。花蓮：財團法人花蓮縣帝瓦伊撒耘文化藝術基金會。