PlayStation 2

PlayStation 2
Kōnsola PlayStation 2 we sztandardowyj wersyji ze kōntrolerem DualShock 2
Zorta	kōnsola szpilōw wideo
Producynt	Sony Computer Entertainment
Gyneracyjŏ	szōstŏ
Prymiera	4 marca 2000 26 paździyrnika 2000 24 listopada 2000 30 listopada 2000 28 listopada 2000
CPU	64-bitowy, wzorowany na architekturze MIPS (ze 128-bitowymi regestami SIMD) Emotion Engine, taktowany frekwyncyjōm 294 MHz (299 MHz we nowszych modelach), ze 40 KB spamiyńci cache
GPU	Graphics Synthesizer taktowany frekwyncyjōm 150 MHz
Ôperacyjnŏ spamiyńć	32 MB RDRAM 4 MB eDRAM
Tregry danych	CD/DVD
Kōntroler	DualShock 2
Zadniŏ kōmpatybilność	PlayStation
Przedanych jednotek	157,68 milijōna egzymplŏrzōw
Piyrwyjszy	PlayStation
Nŏstympca	PlayStation 3
Galeryjŏ zdjyńć a grafik
Zajta internetowŏ

PlayStation 2 (PS2) (jap. プレイステーション２ Pureisutēshon Tsu) – kōnsola do szpilōw wideo, wyprodukowanŏ we Japōniji bez fyrmã Sony Computer Entertainment, nŏstympca PlayStation. Kōnsola miała swojã prymierã 4 marca 2000 we Japōniji, a we Zjednoczōnych Sztatach 26 paździyrnika 2000.

Ôpis

Kōnsola przizwŏlŏ na sztartowanie szpilōw przeznaczōnych na tã platformã zapisanych na platach CD-ROM i DVD-ROM. Maszina je zadniŏ kōmpatybilnŏ, tzn. dozwolŏ tyż sztartowanie wiynkszości starszych szpilōw przeznaczōnych dlŏ kōnsole PlayStation. Kōnsola przizwŏlŏ tyż na ôdtwŏrzanie filmōw na dyskach DVD-Video jak tyż muzyki na dyskach CD-Audio. Maszina przedŏwane je we sztandardowyj wersyji a slim (zmyńszōnyj wersyje, znanyj tyż za PSTwo) we czŏrnyj farbie jak tyż dwōch ekstra wersyjach: Satin Silver (strzybrnyj) a Pink (lilowyj). Kōnsola przizwŏlŏ tyż na szpil multiplayer bez Internet – wymŏgŏ to ekstra masziny ô mianie Network Adapter (we wersyji slim je ôn już wbudowany).

Technicznŏ specyfikacyjŏ

• Ôbsugowane formaty ôptycznych dyskōw: CD-ROM, DVD-ROM, CD-Audio, DVD-Video; niyskorniyjsze wersyje ôdczytujōm tyż dyski: CD-R a DVD-RW/ RW
• wŏga kōnsole: 900 g
• wŏga zasilacza: 350 g
• Złōncza a porty kōnsole:
  • 2 porty kōntrolerōw zgodliwych ze PlayStation
  • 2 gniŏzda szkarty spamiyńci zgodliwych ze PlayStation
  • 2 porty USB
  • 1 kamera świytlna (EyeToy)
  • port IrDA dlŏ pilota (ino modele seryje SCPH-50004 a wyższych)
  • wchōd zasiylaniŏ (8,5 V)
  • ôptyczne digitalne wyjście (do podłōnczyniŏ digitalnego zestŏwu audio)
  • złōncze PCMCIA (ino modele seryje 10000, 15000 a 18000)
  • FireWire (ino modele seryje 1xxxx – 3xxxx)
  • PS2 Expansion Bay (ino modele seryje 3xxxx a 5xxxx)
• wyjściŏ AV:
  • Composite video
  • S-Video
  • SCART/JP21 RGB
  • VGA (ino kej szpil ôbsuguje progresywne skanowanie)
  • Component Video/D-Terminal 
• ino wersyjŏ slim:
  • wŏga kōnsole: 600 g
  • wŏga zasilacza: 250 g
  • port RJ-45 abo RJ-11 (we znŏleżności ôd wersyje)
  • możebność podłōnczyniŏ do kōnsole mōnitora LCD (jeźli mōnitōr posiadŏ wchōd Component video).

Galeryjŏ

• 
  Kōnsole we wersyjach Fat a Slim a pad DualShock 2
• 
  Kōnsola PlayStation 2 we sztandardowyj wersyji we strzybrnyj kolorystyce (Satin Silver)
• 
  Szkarta spamiyńci kōnsole
• 
  Procesōr PS2 Emotion Engine
• 
  Graficzny procesōr PS2