FEET
 |
Ślabikŏrzowe abecadło Tyn artikel je narychtowany we ślabikŏrzowym zŏpisie ślōnskij gŏdki. Coby sie przewiedzieć wiyncyj, wejzdrzij do artikla ô nim. |
FEET to bōła ślōnskŏ skupina folkowŏ, zołożōnŏ ôd Piotra Fesztera pochodzōncego z Radziōnkowa i Jana Etgensa pochodzōncego z Chorzowa. Nazwa skupiny je akrōnimym powstōnym we wyniku słożyniŏ dwōch piyrszych liter nazwisk założycieli. FEET wykōnuje muzykã typowõ do gōrnoślōnskij kultury, teksty wytworōw śpiywane sōm we ślōnskij gŏdce. Kapela intynsywnie kōncertowoła, zaôbycz na gōrnoślōnskich imprezach kulturalnych, m.in. na imprezach ôrganizowanych bez Radio Piekary, a tyż we Miymcach. Mŏ we dorobku trzi platy. Nojbarzij znanym przebojym skupiny FEET je śpiywka „Wodzionka”, kerŏ doczkała sie pōnad 2 milijōnōw wyświytlyń w zerwisie YouTube (stan na czyrwiyń 2021). Grupa ôstała rozwiōnzanŏ we lipniu 2008, powōd niyma znany, snŏdź bōła nim ôstuda pōmiyndzy czōnkami.
Dyskografijŏ
[edytuj | edytuj zdrzōdło]- Po naszymu, ale trocha inaczy
- Pykomy se dali...
- Dla każdego coś śląskiego