Ndjekja e orientimeve kthesë pas kthese te Maps në iPhone
Në aplikacionin Maps , ndiqni orientime të detajuara, kthesë pas kthese, të itinerareve për makinë, transport publik dhe në këmbë (nuk ofrohet në të gjitha shtetet apo rajonet).
Për të dhënë orientime, iPhone duhet të jetë lidhur me internetin. Mund të ketë tarifa interneti celular. (Shikoni Shfaqja apo ndryshimi i cilësimeve celulare në iPhone.) Për të dhënë orientime në lidhje me vendndodhjen tuaj aktuale, duhet të aktivizohet Location Services. (Shikoni Caktimi se cilat aplikacione mund t'jua lexojnë vendndodhjen në iPhone.)
Dëgjimi i orientimeve kthesë pas kthese për makinë
Pyet Siri. Thoni diçka si: “Give me directions home.” Mësoni si të pyesni Siri-n.
Ose mund të gjeni një itinerar makine, pastaj prekni Go.
Teksa ju ndjek ecurinë, Maps ju orienton me zë në çdo kthesë drejt destinacionit tuaj.
Për të përfunduar orientimin në çdo moment, prekni End, ose thojini Siri-t diçka si p.sh. “Stop navigating”.
Kur është aktivizuar Do Not Disturb While Driving, ose nëse iPhone kyçet automatikisht, Maps qëndron në ekran dhe vazhdon të njoftojë orientimet. Edhe nëse hapni një aplikacion tjetër, Maps vazhdon t'ju japë orientime kthesë pas kthese. (Për t'u kthyer te Maps nga një aplikacion tjetër, prekni banerin në pjesën e sipërme të ekranit.)
Shihni një përmbledhje të itinerarit tuaj të udhëtimit
Teksa shfaqet orientimi kthesë pas kthese për makinë, prekni udhëzimet e kthesës në krye të ekranit.
Në këndin majtas lart, ekrani tregon vetëm kthesën e radhës, që mund të jetë dhe gjithçka që dëshironi, sidomos kur jeni të ambientuar me itinerarin. Mund të veproni si më poshtë:
Shfaqja e destinacionit në vend të veriut në krye të ekranit: Prekni hartën, pastaj prekni .
Shfaqni veriun në vend të destinacionit në krye të ekranit. Prekni hartën, pastaj prekni .
Kthimi te orientimi kthesë pas kthese: Prekni orientimet e kthesave në këndin majtas lart të ekranit.
Shfaqja e një liste të orientimit tuaj kthesë pas kthese për makinë
Teksa shfaqet orientimi kthesë pas kthese për makinë, prekni kartën e itinerarit në fund të ekranit, pastaj prekni Details.
Për ta parë sërish hartën, prekni Done.
Bërja e një ndalese përgjatë itinerarit me makinë
Pyet Siri. Thoni diçka si “Hey Siri, find a gas station.”
Ose mund të kryeni si më poshtë:
Prekni kartën e itinerarit në pjesën e poshtme të ekranit.
Prekni një prej shërbimeve të sugjeruara (si p.sh. pika karburanti), pastaj prekni Go.
Ndarja e kohës suaj të parashikuar të mbërritjes
Teksa ndiqni udhëzimet e drejtimit kthesë pas kthese, mund t'u bëni të ditur të tjerëve kohën tuaj të parashikuar të mbërritjes (ETA) (iOS 13.1 e lart).
Teksa shfaqen orientimet kthesë pas kthese, prekni kartën e itinerarit, pastaj prekni Share ETA.
Zgjidhni një a më shumë kontakte të sugjeruara ose prekni Contacts, për të gjetur një kontakt.
Mund të veproni si më poshtë gjatë udhëtimit tuaj:
Anulimi i dërgimit të informacionit të kohës së parashikuar të mbërritjes: Prekni Sharing ETA në fund të ekranit, pastaj zgjidhni një kontakt.
Zëvendësimi i kartës Sharing ETA me kartën e itinerarit: Prekni në kartën Sharing ETA.
Ata që përdorin pajisje me iOS 13.1 ose iPadOS 13.1 e lart marrin njoftim të Maps me kohën tuaj të parashikuar të mbërritjes dhe mund t'jua gjurmojnë ecurinë te Maps. Ata që përdorin pajisje me versione më të hershme e marrin njoftimin përmes iMessage. Ata që përdorin pajisje të tjera portative marrin një mesazh SMS.
Shënim: Mund të ketë tarifat standarde të operatorit telefonik për internetin dhe SMS-të.
Shikimi i orientimeve kthesë pas kthese ose ndalesë pas ndalese për itineraret e ecjes ose të transportit publik:
Pyet Siri. Thoni diçka si: “Transit directions to my dad’s work”. Mësoni si të pyesni Siri-n.
Ose mund të gjeni një itinerar ecjeje ose transporti publik, pastaj prekni Go.
Teksa ju ndjek ecurinë, Maps ju shfaq dhe vendndodhjen tuaj në itinerar. Bëni një nga më poshtë në çdo moment gjatë udhëtimit tuaj:
Përfundimi i orientimeve në çdo moment: Prekni End, ose thojini Siri-t diçka si p.sh. “Stop navigating”.
Shikimi i udhëzimit që vijon: Rrëshqitni majtas në baner në pjesën e sipërme të ekranit.
Shikimi i orientimeve në një listë: Prekni kartën e itinerarit në pjesën e poshtme të ekranit, pastaj prekni Details.
Shikimi i pamjes së përgjithshme të itinerarit: Prekni kartën e itinerarit në pjesën e poshtme të ekranit, pastaj prekni Overview. Për të parë më shumë detaje, prekni kartën e itinerarit, pastaj prekni “Turn-by-turn” (për itinerar me këmbë) ose Zoom In (për itinerar me transport publik).
Shtimi i një ndalese transporti publik te Favorites: Shikoni Shtimi i një ndalese transporti publik te preferencat tuaja.