Ndryshimi i cilësimeve të njoftimit në iPhone

Te Settings , zgjidhni cilat aplikacione mund të dërgojnë njoftime, ndryshoni tingullin e sinjalizimit, konfiguroni sinjalizimet me bazë vendndodhjeje, lejoni sinjalizimet nga qeveria etj.

Ndryshimi i cilësimeve të njoftimit

Shumica e cilësimeve të njoftimit mund të personalizohen për çdo aplikacion. Njoftimet e aplikacioneve mund t'i aktivizoni apo çaktivizoni, të bëni që njoftimi të luajë një tingull, zgjidhni se si dhe kur të shfaqen njoftimet kur pajisja është e shkyçur e më shumë.

Shkoni te Settings > Notifications.
Për të planifikuar një përmbledhje njoftimesh, prekni Scheduled Summary dhe më pas aktivizoni Scheduled Summary.
Zgjidhni aplikacionet për të cilat dëshironi njoftime në përmbledhjen tuaj, caktoni një orar për dërgimin e përmbledhjes dhe më pas prekni në krye majtas. (Shikoni Planifikimi i një përmbledhjeje të njoftimeve.)
Për të zgjedhur se kur dëshironi që të shfaqen shumica e pamjeve paraprake për njoftimet, prekni Show Previews, zgjidhni një opsion, Always, When Unlocked ose Never, dhe më pas prekni në krye majtas.
Shqyrtimet mund të përfshijnë gjëra si mesazhet (nga Messages dhe Mail) dhe informacione ftesash (nga Calendar). Këtë cilësim mund ta anashkaloni për aplikacione të caktuara.
Prekni një aplikacion nën Notification Style, pastaj aktivizoni apo çaktivizoni Allow Notifications.
Nëse aktivizoni Allow Notifications, zgjidhni kur dëshironi që të dërgohen njoftimet, menjëherë apo në përmbledhjen e planifikuar të njoftimeve, dhe aktivizoni ose çaktivizoni Time Sensitive Notifications.
Për shumë aplikacione, mund të caktoni po ashtu një stil të banderolës së njoftimeve dhe të aktivizoni ose të çaktivizoni tingujt dhe stemat.
Prekni Notification Grouping, pastaj zgjidhni si dëshironi të grupohen njoftimet:
- Automatic: Njoftimet nga aplikacioni grupohen sipas kritereve organizative brenda aplikacionit, si p.sh. sipas temës apo diskutimit.
- By App: Të gjitha njoftimet nga aplikacioni grupohen së bashku.
- Off: Çaktivizoni i grupimin.

Për t'i çaktivizuar veçmas njoftimet për aplikacionet, shkoni te Settings > Notifications > Siri Suggestions, pastaj çaktivizoni aplikacionet që dëshironi.

Kur përdorni Focus, ai e vonon dërgimin e njoftimeve në iPhone për të parandaluar ndërprerjet. Mund të caktoni një orar për të marrë një përmbledhje të njoftimeve që keni humbur. Shikoni Planifikimi i një përmbledhjeje të njoftimeve.

Konfigurimi ose çaktivizimi i sinjalizimeve të bazuara te vendndodhja

Disa aplikacione përdorin vendndodhjen tuaj për t'ju dërguar sinjalizime përkatëse sipas vendit ku ndodheni. Për shembull, mund të merrni një rikujtesë për t'i telefonuar dikujt kur të mbërrini në një vend të caktuar ose kur largoheni për në destinacionin e radhës.

Nëse nuk doni t'i shihni këto lloje sinjalizimesh, mund t'i çaktivizoni.

Shkoni te Settings > Privacy > Location Services.
Aktivizoni Location Services.
Prekni një aplikacion (nëse shfaqet ndonjë në listë) dhe më pas zgjidhni nëse dëshironi ta ndani vendndodhjen kur e përdorni atë aplikacion.

Shikoni artikullin e Ndihmës së Apple Rreth privatësisë dhe Location Services.

Marrja e sinjalizimeve nga qeveria

Në disa shtete apo rajone, mund të aktivizoni sinjalizimet në listën Government Alerts. Për shembull, në iPhone në Shtetet e Bashkuara, mund të merrni sinjalizime presidenciale dhe mund të aktivizoni ose çaktivizoni sinjalizimet AMBER, Public Safety dhe Emergency Alerts (që përfshijnë sinjalizimet Severe dhe Extreme Imminent Threat) (janë të aktivizuara në mënyrë të parazgjedhur). Në iPhone në Japoni, mund të merrni sinjalizime Emergency Earthquake Alerts nga Agjencia Meteorologjike e Japonisë.

Shkoni te Settings > Notifications.
Kaloni poshtë te seksioni Government Alerts, pastaj aktivizoni ato që dëshironi.

Sinjalizimet qeveritare variojnë nga operatori dhe modeli i iPhone dhe mund të mos funksionojnë në të gjitha kushtet. Shikoni artikullin e Ndihmës së Apple Rreth sinjalizimeve të urgjencës dhe të qeverisë.

I dobishëm?

Udhëzuesi i përdorimit të iPhone

Ndryshimi i cilësimeve të njoftimit në iPhone