iPhone တွင် Messages စတင်စီမံခြင်း
Messages အက်ပ်တွင် စာသားမက်ဆေ့ခ်ျများကို မတူညီသောနည်းလမ်းနှစ်မျိုးဖြင့် ပေးပို့နိုင်ပါသည်၊
Wi-Fi သို့မဟုတ် ဆယ်လူလာဝန်ဆောင်မှုဖြင့် iPhone၊ iPad၊ iPod touch သို့မဟုတ် Mac တို့တွင် iMessage သုံးသော အခြားသူများနှင့် iMessage ကို အသုံးပြုခြင်း။ သင်၏ iMessage စာသားများသည် အပြာရောင်ပူဖောင်းများအဖြစ် ပေါ်လာမည်ဖြစ်သည်။
သင့် iPhone မှအခြားဖုန်းများသို့ ထပ်ဆင့်ပေးပို့သည့် SMS/MMS မက်ဆေ့ချ်များ။ သင်၏ SMS/MMS မက်ဆေ့ချ်များသည် အစိမ်းရောင်ပူဖောင်းများအဖြစ် ပေါ်လာမည်ဖြစ်သည်။
iMessage သုံး၍ သင်ပေးပို့၊ လက်ခံသည့်စာများကို သင့်ဖုန်းမက်ဆေ့ချ်အစီအစဉ်အတွင်း SMS/MMS ခွင့်ပြုချက်များနှင့်ဆန့်ကျင်၍ထည့်မတွက်သော်လည်း အင်တာနက်အခကြေးငွေများကျသင့်နိုင်သည်။
iMessage မှတစ်ဆင့်ပို့ထားသည့်မက်ဆေ့ချ်များတွင်ဓာတ်ပုံများ၊ ဗီဒီယိုများနှင့် အကြောင်းအရာတို့ပါဝင်နိုင်သည်။ အခြားသူများစာရိုက်သည့်အခါတွင်မြင်နိုင်၍ ယင်းတို့၏မက်ဆေ့ချ်များကို သင်ဖတ်ထားသည့်အခါ ၎င်းတို့ကိုသိရှိစေရန်လက်ခံရရှိသူများကို ဖတ်ပြီးကြောင်းပေးပို့သည်။ ပို့ပြီးသောမက်ဆေ့ချ်များကို ပြုပြင်ခြင်းနှင့် တည်းဖြတ်ပြင်ဆင်ခြင်း ပြုလုပ်နိုင်သည်။ လုံခြုံရေးအတွက်၊ iMessage မှတစ်ဆင့်ပို့ထားသည့်မက်ဆေ့ချ်များကို ယင်းတို့မပို့မီ ကုဒ်များအဖြစ်ပြောင်းထားသည်။
SMS မက်ဆေ့ချ်များသည် တိုသောစာသားမက်ဆေ့ချ်များဖြစ်ပြီး MMS မက်ဆေ့ချ်များတွင် စာသား၊ ဂရပ်ဖစ်ပုံစံများ၊ အသံ၊ ဗီဒီယိုနှင့် အခြား မီဒီယာများ ပါနိုင်သည်။ သတင်းအချက်အလက်ပိုမိုသိရှိရန်အတွက် Apple အထောက်အကူပြုဆောင်းပါးဖြစ်သည့် iMessage နှင့် SMS/MMS အကြား ကွာခြားချက်ကား အဘယ်နည်း။ ကိုကြည့်ပါ။
iMessage ကိုဖွင့်ပါ
iMessage ကို အသုံးပြု၍ အခြားသူများနှင့် ဆက်သွယ်ချိန်တွင် အခြားအက်ပ်များကို အသုံးပြုခြင်းနှင့် လက်ခံဖြတ်ပိုင်းများကိုဖတ်ခြင်း၊ ပေးပို့မှုများကို ပယ်ဖျက်ခြင်း၊ မက်ဆေ့ချ်ကို ပြင်ဆင်တည်းဖြတ်ခြင်း၊ အသံမက်ဆေ့ချ်များ၊ ပူးပေါင်းဆောင်ရွက်ခြင်း၊ မေးတစ်ခုတည်းတွင်စာပြန်ခြင်းများနှင့် အခြားအရာများကဲ့သို့ လုပ်ဆောင်ချက်များကို အသုံးပြုနိုင်မည်ဖြစ်သည်။
Settings
> Messages သို့သွား၍ iMessage ကိုဖွင့်ပါ။
iMessage နှင့် အသုံးပြုလိုသော ဖုန်းနံပါတ်များနှင့် အီးမေးလ်လိပ်စာများကို ရွေးချယ်ရန်၊ Settings > Messages > Send & Receive သို့သွားပါ၊ ထို့နောက် “You can receive iMessages to and reply from” အောက်ရှိ ရရှိနိုင်သော ရွေးချယ်စရာများမှ ရွေးပါ။
iCloud ရှိ Messages ကို ဖွင့်လိုက်ပါ
iCloud ရှိ Messages ကို ဖွင့်လိုက်ပါက iPhone တွင်သင်ပို့လိုက်၍လက်ခံရရှိသည့်မက်ဆေ့ချ်တိုင်းသည် iCloud ထဲတွင်သိမ်းဆည်းထားသည်။ ထို့နောက် iCloud ရှိ Messages ဖွင့်ထားသည့် ကိရိယာအသစ်တွင် တူညီသည့်Apple ID တစ်ခုတည်းဖြင့် ဝင်ရောက်သည့်အခါ၊ သင်၏ပြောဆိုမှုများအားလုံးသည်ထိုနေရာတွင်အလိုအလျောက်ပေါ်လာမည်ဖြစ်သည်။
Settings > [your name] > iCloud သို့သွားကာ Messages ကိုဖွင့်ပါ (အကယ်၍မဖွင့်ထားပါက)။
iCloud ရှိ Messages ကို ဖွင့်ပြီးပါက iPhone မှဖျက်လိုက်သည့် မည်သည့်မက်ဆေ့ချ်မဆို သို့မဟုတ် တွဲဆက်ဖိုင်များသည် iCloud ရှိ Messages ဖွင့်ထားသည့် အခြား Apple စက်ပစ္စည်းများ (iOS 11.4 ၊ iPadOS 13 ၊ macOS 10.13.5 ၊ သို့မဟုတ်နောက်ပိုင်းထွက်အမျိုးအစားများ) တွင်လည်း ပျက်သွားမည်ဖြစ်သည်။ iCloud သုံးစွဲသူလမ်းညွှန်ရှိ Messages အတွက် သင်၏စက်ပစ္စည်းများအားလုံးတွင် iCloud ကို စီမံခြင်း ကိုကြည့်ပါ။
မှတ်စု iCloud ထဲရှိ Messages သည် iCloud သိုလှောင်မှုကိုသုံးသည်။ iCloud သိုလှောင်မှုနှင့်ပတ်သက်၍ ပိုမိုသိရှိရန် iPhone ရှိ Apple ID ချိန်ညှိမှုများအား စီမံလုပ်ဆောင်ခြင်း ကို ကြည့်ပါ။
သင်၏အမည်နှင့် ဓာတ်ပုံတို့ကို မျှဝေခြင်း
Messages မှာ သင့်အမည်နှင့် ဓာတ်ပုံကို အခြားသူများနှင့် မျှဝေနိုင်ပါသည်။ သင် လူအသစ်တစ်ယောက်ကို မက်ဆေ့ချ်တစ်စောင်ပို့သည့်အခါ သို့မဟုတ် လက်ခံသည့်အခါတိုင်း ၎င်းကိုမျှဝေရန်ဆုံးဖြတ်ပါ။
သင်၏ဓာတ်ပုံသည် Memoji သို့မဟုတ် စိတ်ကြိုက်ရွေးချယ်ထားသည့်ပုံဖြစ်နိုင်သည်။ Messages ကိုပထမဆုံးအကြိမ်ဖွင့်သည့်အခါ သင်၏အမည်နှင့် ဓာတ်ပုံတို့ကို ရွေးချယ်ရန် သင်၏ iPhone တွင်ပြထားသည့် လမ်းညွှန်ချက်များအတိုင်း လိုက်နာဆောင်ရွက်ပါ။
သင်၏အမည်၊ ဓါတ်ပုံ သို့မဟုတ် မျှဝေခြင်း ရွေးချယ်စရာများကို ပြောင်းလဲနိုင်သည်။
Messages စကားပြောဆိုမှုစာရင်းတွင် ဘယ်ဘက်ထိပ်ထောင့်ရှိ Edit ကိုနှိပ်ပါ။
Edit Name and Photo ကိုနှိပ်ပါ၊ ထို့နောက် ဖော်ပြပါ တို့မှ တစ်ခုခုကို လုပ်ဆောင်ပါ၊
သင်၏ပုံကို ပြောင်းခြင်း၊ စက်ဝိုင်းအောက်ရှိ Edit ကိုနှိပ်၍ ရွေးချယ်စရာတစ်ခုကိုရွေးချယ်ပါ။
သင့်အမည်ကိုပြောင်းပါ၊ သင့်အမည်ပေါ်လာသည့်နေရာရှိ စာသားအကွက်ကိုနှိပ်ပါ။
မျှဝေမှုကို အဖွင့်၊ အပိတ်လုပ်ပါ၊ နာမည် နှင့် Photo Sharing အနီးရှိခလုတ်ကို နှိပ်ပါ။
သင်၏အမည်နှင့် ပုံကိုမြင်နိုင်သည့်သူကို ပြောင်းခြင်း၊ Share Automatically အောက်ရှိရွေးချယ်စရာကို နှိပ်ပါ (Name and Photo Sharing ကိုဖွင့်ရမည်)။
သင်၏ Messages အမည်နှင့် ဓာတ်ပုံတို့ကို သင်၏ Apple ID နှင့် Contacts ရှိ My Card တို့အတွက် အသုံးပြုနိုင်သည်။
မှတ်စု သင်သည် Apple မဟုတ်သည့် စက်ပစ္စည်းများကို အသုံးပြုနေသည့် လက်ခံသူများကို မက်ဆေ့ချ်များ ပေးပို့သည့်အခါ သင့်အမည်နှင့် ဓာတ်ပုံသည် မျှော်လင့်ထားသည့် အတိုင်း ပေါ်လာနိုင်မည်မဟုတ်ပေ။
သင့် iPhone မှအခြားဖုန်းများသို့ SMS/MMS စာသားမက်ဆေ့ချ်များ ထပ်ဆင့်ပေးပို့ခြင်း
SMS မက်ဆေ့ချ်ပို့ခြင်း သို့မဟုတ် လက်ခံခြင်းများတွင် ၎င်းကို သင်၏အခြား Apple စက်ပစ္စည်းများတွင်ပါ ပေါ်စေရန် သင့် iPhone ကို စီမံနိုင်ပါသည်။
Settings
> Messagesကိုသွားပါ။
Text Message Forwarding ကိုနှိပ်ပါ၊ ထို့နောက် သင် ပါဝင်စေလိုသော မည်သည့်စက်ပစ္စည်းများကိုမဆို ဖွင့်ပါ။
အထောက်အထားနှစ်ရပ် အတည်ပြုချက်ကို အသုံးပြုနေခြင်းမရှိပါက ဂဏန်းခြောက်လုံး အသက်သွင်းကုဒ်တစ်ခုသည် သင်၏ အခြားကိရိယာတွင် ပေါ်လာမည်ဖြစ်သည်- ဤကုဒ်ကို သင်၏ iPhoneထဲတွင် ရိုက်ထည့်ပါ၊ ထို့နောက် Allow ကိုနှိပ်ပါ။
မက်ဆေ့ခ်ျကို ကိုယ်တိုင်ပေးပို့ရန်၊ iPhone တွင် မက်ဆေ့ချ်များကို ထပ်ဆင့်ပေးပို့ခြင်းနှင့် မျှဝေခြင်း ကိုကြည်ပါ။