Қалталар мен файлдарды iPhone құрылғысында iCloud Drive қызметінде бөлісу
iCloud Drive қызметін орнатқаннан кейін Files қолданбасын қалталарды (iOS 13.4 немесе одан кейінгі) және жеке файлдарды достарыңызбен және әріптестеріңізбен бөлісу үшін пайдалануыңызға болады. Қалтаны немесе файлды iCloud Drive қызметімен бөліскен кезіңізде, көшірмесін емес, элементке сілтеме жібересіз. Ортақ қалтаға немесе файлға өзгертулер енгізген кезіңізде, басқалар өзгертулеріңізді автоматты түрде көреді. Адамдарға өңдеулер жасауға рұқсат етсеңіз, олардың өзгерістері де автоматты түрде пайда болады.
iCloud Drive дискісінде бөлісілген қалталар мен файлдарда мына маңызды сипаттамалар бар:
Қалтаны бөліссеңіз, сіз немесе басқа қатысушылар сол қалтаға қосқан барлық элементтер автоматты түрде бөлісіледі.
Ортақ файлға сілтеме оның атауын қамтиды. Атау немесе мазмұн құпия болса, алушылардың басқа ешкімге сілтеме жібермеуін міндетті түрде сұраңыз.
Ортақ файлды басқа қалтаға немесе орынға жылжытсаңыз, сілтеме одан әрі жұмыс істемейді және адамдар элементке қатынасты жоғалтады.
Қолданбаға байланысты пайдаланушылар ең соңғы өзгертулерді көру үшін файлды қайта ашуы немесе бастапқы сілтемені түртуі керек болуы мүмкін.
Қалтаны немесе файлды бөлісу
iCloud Drive қызметінде қалтаңыз (iOS 13.4 немесе одан кейінгі) немесе файлыңыз болса, басқаларды оның мазмұндарын қарау немесе өңдеу үшін шақыра аласыз.
Қалта мен файлды тек шақырған адамдарыңыз аша алатын немесе сілтемесі бар кез келген адам аша алатын етіп бөлісуіңізге болады.
Қалтаның немесе файлдың мазмұнын өзгертуге рұқсат етуіңізге болады немесе қатынау рұқсатын мазмұнды тек қарауға болатын етіп шектеуіңізге болады.
Қалтаны бөліскен кезде, тек шақырған адамдарыңыз ортақ қалтадағы файлдарға қатынай алады. Файлдарға қатынау үшін көбірек адамдарды шақыру үшін ортақ қалтаның параметрлерін көбірек қатысушылар қосу мақсатында өзгертуіңіз керек. Ортақ қалтадағы жеке файлды таңдап, оған қатысушыларды қоса алмайсыз.
Қалтаны немесе файлды басып тұрыңыз.
Share түймесін, одан кейін Add People түймесін түртіңіз.
Келесі әрекеттердің біреуін орындаңыз:
Тек шақырылғандарға мазмұндарды қарауға және өңдеуге рұқсат ету: Share Options түймесін түртіңіз, «Only people you invite» түймесін түртіңіз, «Can make changes» түймесін түртіңіз, одан кейін—Messages немесе Mail сияқты—адамдарға қалтаға немесе файлға сілтемені жіберу әдісін таңдаңыз.
Тек шақырылғандарға мазмұндарды қарауға рұқсат ету: Share Options түймесін, «Only people you invite» түймесін, «View only» түймесін түртіңіз, одан кейін сілтеме жіберу әдісін таңдаңыз.
Сілтемесі бар барлық адамдарға мазмұндарды қарауға және өңдеуге рұқсат ету: Share Options түймесін, «Anyone with the link» түймесін, «Can make changes» түймесін түртіңіз, одан кейін сілтеме жіберу әдісін таңдаңыз.
Сілтемесі бар барлық адамдарға мазмұндарды қарауға рұқсат ету: Share Options түймесін, «Anyone with the link» түймесін, «View only» түймесін түртіңіз, одан кейін сілтеме жіберу әдісін таңдаңыз.
Шақыруыңызды жібергіңіз келген жолды таңдаңыз, одан кейін Send түймесін түртіңіз.
Қалтаны немесе файлды бөлісу үшін көбірек адамдарды шақыру
Файлды (iOS 13.4 немесе одан кейінгі) немесе файлды бөлісіп қойған болсаңыз және оның қатынау рұқсаты «Only people you invite» параметріне орнатылса, оны көбірек адамдармен бөлісе аласыз.
Қалтаны немесе файлды басып тұрыңыз.
Share түймесін, одан кейін Show People түймесін түртіңіз.
Add People түймесін түртіңіз және сілтемені жіберу әдісін таңдаңыз.
Барлық басқа сұралған ақпаратты енгізіңіз, одан кейін шақыруды жіберіңіз немесе жариялаңыз.
Қалтаны немесе файлды сілтемені пайдаланып көбірек адамдармен бөлісу
Ортақ қалтаға (iOS 13.4 немесе одан кейінгі) немесе файлға қатынау рұқсатын «Anyone with the link» параметріне өзгертсеңіз, сілтемесі бар кез келген адам оны басқалармен бөлісе алады.
Қалтаны немесе файлды басып тұрыңыз.
Share түймесін, Show People түймесін, одан кейін Send Link түймесін түртіңіз.
Сілтеме жіберу әдісін таңдаңыз, барлық басқа сұралған ақпаратты енгізіңіз, одан кейін шақыру жіберіңіз немесе жариялаңыз.
Барлық адамдар үшін қатынау және рұқсат параметрлерін өзгерту
Ортақ қалтаның (iOS 13.4 немесе одан кейінгі) немесе файлдың иесі болсаңыз, оның қатынау рұқсатын кез келген уақытта өзгертуіңізге болады. Дегенмен, сілтемені бөліскен барлық адамдарыңыз қамтылады.
Қалтаны немесе файлды басып тұрыңыз.
Share түймесін, Show People түймесін, одан кейін Share Options түймесін түртіңіз.
Параметрлердің біреуін немесе екеуін де өзгертіңіз.
Қатынау параметрі: Қатынау параметрін «Anyone with the link» параметрінен «Only people you invite» параметріне өзгерткен кезіңізде, бастапқы сілтеме ешкім үшін бұдан әрі жұмыс істемейді және тек сізден жаңа шақыру алған адамдар қалтаны немесе файлды аша алады.
Рұқсат параметрі: Рұқсат параметрін өзгерткен кезіңізде, сіз рұқсатты өзгерткенде файлды ашып отырған барлық адам ескертуді көреді. Жаңа параметрлер ескертуі өткізілгенде күшіне енеді.
Бір адам үшін қатынау және рұқсат параметрлерін өзгерту
Ортақ қалтаның (iOS 13.4 немесе одан кейінгі) немесе файлдың иісі болсаңыз және оның қатынау рұқсаты «Only people you invite» параметріне орнатылған болса, бір адамның рұқсатын басқалардың рұқсатына әсер етпей өзгерте аласыз. Сондай-ақ, адамдардың қатынау рұқсатын жоюыңызға болады.
Қалтаны немесе файлды басып тұрыңыз.
Share түймесін, одан кейін Show People түймесін түртіңіз.
Адамның атын түртіңіз, одан кейін параметрді таңдаңыз.
Қалтаны немесе файлды бөлісуді тоқтату
Ортақ файлдың(iOS 13.4 немесе одан кейінгі) немесе қалтаның иесі болсаңыз, оны бөлісуді тоқтата аласыз.
Қалтаны немесе файлды басып тұрыңыз.
Share түймесін, одан кейін Show People түймесін түртіңіз.
Stop Sharing түймесін түртіңіз.
Сіз оны бөлісуді тоқтатқанда файлды ашып отырған барлық адам ескертуді көреді. Ескерту өткізілгенде элемент жабылады, файл адамның iCloud Drive қалтасынан жойылады және сілтеме одан әрі жұмыс істемейді. Кейінірек элементті қайта бөліссеңіз және қатынау рұқсатын «Anyone with the link» параметріне орнатсаңыз, бастапқы сілтеме жұмыс істейді. Қатынау рұқсаты «Only people you invite» параметріне орнатылса, бастапқы сілтеме тек элементті бөлісу үшін қайта шақырған адамдарыңыз үшін жұмыс істейді.