Caricangkas
Caricangkas | ||||||||||
---|---|---|---|---|---|---|---|---|---|---|
![]() Caricangkas | ||||||||||
Klasifikasi ilmiah | ||||||||||
| ||||||||||
Kulawarga | ||||||||||
Superfamili: Proscopioidea Superfamili: Eumastacoidea |
Caricangkas (Tettigoniidae) nyaéta sabangsa simeut anu mibanda kelir héjo, suku tukangna leuwih panjang tur ranggoas tapi leuwih leutik batan simeut séjén anu ukuranna sarua.[1] Caricangkas kumisna ogé leuwih panjang, kalawan ngaluarkeun sora anu ngéngkréng utamana datang wanci burit maju ka peuting.[1][2]
Caricangkas asalna tina genus Tettigonia, nu mimiti ditalungtik ku Carl Linnaeus mangsa taun 1748.[3] Kecap tettigonia téh tina basa Latin hartina wereng; basa Yunani tettigonion, hartina leutik (onomatopoeik) τέττιξ, tettix, cicada.[3] Sok disebut ogé "katydid" atawa onomatopoeik.[4]}} Caricangkas kaasup kana sato nokturnal, taya lian mimiti ngencar tina panyumputan mangsa peuting geus datang.[5] Caricangkas mah hésé pisan katempona, ku lantaran kelir jeung pangawakanna méh sarimbag jeung dangdaunan sabudeureunna.[5]
Pangawakanna kawilang leutik, ti mimiti 5 mm nepika 130 mm mangsa geus déwasa.[5] Caricangkas pang leutikna ilaharna hirup di wewengkon anu garing tur kurang hakaneun, matak awakna laleutik ogé tapi gerakana garesit.[5] Tempat hirup caricangkas dina tatangkalan jeung rungkun kakayon, kadéngé réang disarada mangsa wanci peuting geus datang utamana dina usum halodo.[5] [6]
Anu ngabédakeun caricangkas jeung simeut taya lian ti anteneu atawa kumisna anu panjang, malahan leuwih panjang tibatan awakna sorangan, ogé sukuna ranggoas tur ngajalantir leutik.[5] Umur hirup caricangkas kurang leuwih sataun, mangsa leutik kénéh gancang ngagédéan tapi nangsa geus gedé wakna henteu loba parobahan.[7] Témpona ngendog caricangkas bikang, nunda endogna dina taneuh atawa liang anu aya dina tatangkalan tempat maranéhna hirup.[7] Mangsa endogna megar, anak caricangkas pangawakanna kawas caricangkas déwasa pédah ukurnna leuwih leutik.[7] Kahakanan caricangkas kayaning: dangdaunan, kekembangan, jeung kulit tatangkalan.[8] Sawaréh caricangkas malah dianggap hama pikeun patani, ngan waé jumlahna teupati loba jadi henteu matak ngaganggu kana hasil tatanén.[8]
-
Caricangkas mata beureum
-
Caricangkas mata héjo
-
Caricangkas daun
-
Nyumput buni dinu caang
-
Nyaru matak kalinglap
![]() |
Wikimedia Commons mibanda média séjénna nu patali jeung Caricangkas . |
![]() |
Wikispecies mibanda émbaran ngeunaan: Caricangkas |
Dicutat tina
[édit | édit sumber]- ↑ a b Rosidi, Ajip (2010). Ensiklopedi Sunda: alam, manusia, dan budaya, termasuk budaya Cirebon dan Betawi. Bandung: Pustaka Jaya. ISBN 9789794192597.
- ↑ Sumarsono, Tatang (2010). Singgasana terakhir Pajajaran. Bandung: PT Mizan Publika. ISBN 9789791227926.
- ↑ a b "Tettigoniidae". Merriam-Webster. Diakses tanggal 31 March 2015.
- ↑ "Tettix". Merriam-Webster. Diakses tanggal 31 March 2015.
- ↑ a b c d e f Ediotrs of Encyclopaedia Brittanice & others. "Katydid". Encyclopædia Britannica Online. Diakses tanggal 9 October 2014.
- ↑ Febrian Ramadhan (2016-03-10). "Sora caricangkas". youtube. https://www.youtube.com/watch?v=KZ3JPaL7Hjg. Diakses pada 2017-10-282016-03-10&rft_id=https://www.youtube.com/watch?v=KZ3JPaL7Hjg&rfr_id=info:sid/en.wikipedia.org:Caricangkas">
- ↑ a b c Rentz, David (15 July 2010). "A guide to the katydids of Australia". Journal of Insect Conservation 14 (6): 579–580. doi:10.1007/s10841-010-9312-4.
- ↑ a b "Tree of Life project". Diakses tanggal 25 November 2013. Archived 10 Désémber 2014 di Wayback Machine
![]() |
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |