Calana Jins
Calana Jins nyaéta salah sahiji jinis calana.[1] Calana ieu kawentar di Amerika Serikat dina taun 1880 anu mimiti dijieuna di Genoa, Itali dina taun 1560.[1] Calana ieu osok dipaké ku angkatan laut.[1] Di Prancis calana jins sok disebut Blue de Geans anu hartina biru Genoa.[1] Sanajan calana jins mimiti dijieuna di Éropa tapi masalah fashion calana jins leuwiih kawentar di Amérika.[1] Levi Straus jalma mungaran anu ngawanohkeun calana kalayan bahan jéans di Amérika.[1]
Sajarah
[édit | édit sumber]Dina taun 1850-an nonoman 21 taun nu ngaranna Levi Strauss nepi di San Francisco, Amérika, ti Bavaria, Éropa, pikeun nyobaan kauntunganana, manéhna teu sadar yén manéhna eukeur ngamimitian nyieun hiji sajarah nu jadi kawentar pikeun dunia mode nepi ka ayeuna.[2] Strauss nyobaan ngajual ténda-ténda kanvas ka para penambang emas.[2] Mangsa harita di Amérika keur ngeunjleung emas.[2] Lain kairut ku tawaran Strauss, para panambang téh kalahkah ménta pangmawakeun calana panjang.[2] Ngaran Levi’s jadi dipikawanoh nepi ka para panambang téh naréangan those pants of Levi’s (calana si Levi) anu dijieunan tina denim.[2] Di Amérika, kecap jéans anu ayeuna dipikawanoh téh asalna tina peng-amerika-an kecap basa Perancis Genes anu artina Genoa, nyaéta kota anu nyieun calana denim di Italia, anu sabenerna asalna téh ti Nimes di Perancis.[2] Sedengkeun istilah blue jeans aya nalika Levi keur nyelep denimna ku warna indigo jeung méré cap pikeun jadi pangabéda jeung calana nu lain sangkan kanyahoan yén éta téh asli jins nyieun manéhna.[2] Sacara génerik jins osok disebut denim.[2] Denim nyaéta tenunan bola katun.[2] Mimitina bola téh warnana bodas jeung biru anu asl- muasalna ti kota di Perancis. Nimes anu jadi asal kecapna denim nyaéta serge de Nimes.[2] Mimitina denim dipaké pikeun pagawé anu di luar rohangan, ku sabab denim dijieuna tina katun anu bahana kuat.[2] Geus saabad leuwih denin jadi loba peminatna sanggeus Levi ngawanohkeun kana éta calana.[2] Dina taun 1940-an denim dipaké pikeun produk mode dina bentuk gaun, rok, jaket, jeung calana panjang.[2] Denim jadi kawentar dina taun 1970-an nalika calana jins diproduksi massal.[2]